CHƆN 18:28 - Yataa 'a Dɔbɛnɛ Nama

²⁸ Sau sau ma ni, mbɛ an bɔ‑a Chisɔsi a Kayafasi chen kɔɔ, an ta‑a a a. Mbɛ an na‑a Domi kun ti chen kɔɔ, min ni kɔfana a Chudia chɛnyɛ ɔ. Mɔ fanka min na‑a ka Chisɔsi a, an nii ma don ni kata chɛ ɔ, an to‑a a baa ma wan. Chu sawa ta fɛ chia a, an toen ni an ni an fandi bia chɛndɛ chɛ. Chɛ an mbe a ma, an ni daunɛ chɛ, kun bɔ a ɔ bɛnɛ chɛ kun ma, aan an ni ban.

CHƆN 18:28 ပူးပေါင်းရင်းမြစ်များ

MATIU 27:27

Chɛ gbakɔ, mbɛ soya chɛ nu, miin ni Kɔfana Padeti kɔɔ, an don‑da Chisɔsi a kɔfana 'a kata chɛ ɔ. Mbɛ an‑na an bɔɛ tɔɛ n gbɛɛ a kan Chisɔsi 'a tindanɛ.

MAKI 15:16

Chɛ gbakɔ, soya chɛ nu, miin ni Kɔfana Padeti kɔɔ, an ta‑a Chisɔsi a, mbɛ an don‑da a a Kɔfana Padeti 'a kata chɛ ɔ. Mbɛ an‑na an bɔɛ tɔɛ n gbɛɛ a kan.

DUKU 22:66

Banda ɔ ka‑a kɛn, mbɛ Chu gbakoo n bɛn‑da kaina dɔndɔ. Chu n tɛ mɔɛ nu Yataa a, an 'na mansa n bɛɛ ni wan an bɛn chɛ ɔ, a basan Chu n 'na sawa kan mɔɛ n na. Mbɛ an gbɛɛ‑a a ma, an na‑a Chisɔsi a an chen kɔɔ.

CHƆN 11:55

A tima chɛ a, tee kuunden fan na‑a to, Chu n 'na kun bɔ a ɔ bɛnɛ ko a. A sin, mɔ sɛsɛ na‑a sɛ wan Chuusaɛn duu ɔ, a ka duu tɔɛ chɛ n dɔ Chudia chɛnyɛ ɔ. An na‑a na, min mbe a ma, an ni an ko an 'na manda ɔ, bɛnɛ chɛ e na to che‑a.

CHƆN 18:13

An ta‑a mɔɛ min pɛn tena, an nɛ kai Anasi a. Chu n 'na tɛ mɔ wa Yataa tena, an san chɛ a, a ni Kayafasi an na. Anasi chɛ, a 'a denɛ musuma, an ni a boo ɔ.

CHƆN 18:15

Saimɔn Pita chɛ, an fea a bɔɛ fɛ den dɔ mende a, an ta‑a wan Chisɔsi san‑da. A wan Pita bɔɛ chɛ, Chu n 'na tɛ mɔ wa chɛ Yataa tena, a na‑a a sɔn fan chɛndɛ chɛ. Chɛ ko a, a tana, a don‑da wan an tɛ mɔ wa chɛ 'a kata ɔ.

CHƆN 18:33

Mbɛ Kɔfana Padeti yɛ‑a a 'a kata bu ɔ, mbɛ a‑a a ma, an na‑a Chisɔsi a a tena. Mbɛ a ɔ, “I wan mu Chu mɔɛ n 'na mansa a?”

CHƆN 18:39

Chɛɛ san kɔ san na, manda mu a a, mbɛ kun bɔ a ɔ bɛn chɛ kan kɔ kan kun ma, n mbe n boo ka wan mɔɛ dɔndɔ a wo ye, min mbe sa ɔ pimbi chenɛ a. Chɛ an‑na a fɔ gbɛ sanche, wo toen mu n ni n boo ka wo 'a mansa an na, ae?”

CHƆN 19:11

Chɛɛ Chisɔsi ɔ, “Gbasaya ee che ma‑a i boo ɔ n kun ma, ni Yataa an ma a be ni i ma. Chɛ an fɛ mu, mɔɛ min‑na a ma, an na‑a nɛ chɛ n na i chen kɔɔ, a ta ko yama benden mu i ta ma.”

CHƆN 19:14

Tee min ma, Chu n ni an ma bɛn suin tee ko a, tee che‑a a kun tɛ. An wichi chɛ ni kun bɔ a ɔ bɛnɛ an ko a. Mbɛ Kɔfana Padeti ɔ an ma, a ɔ, “Wo 'a mansa gbu yen ko.”

CHƆN 19:9

Mbɛ a yɛ‑a to Chisɔsi a kata chɛ ɔ, mbɛ a‑a a ɔ tisa, a ɔ, “I ta bɔ tena gbu mu mende a?” Chɛɛ Chisɔsi ma a tɛ ni a ma gbukuu wɛɛ.

CHISƆSI 'A SƆ MƆƐ NU 10:28

Mbɛ a‑a a fɔ an ye, a ɔ, “Wo wandi gbu, wo‑a a ɔ sɔn fan, mbɛ nn 'na Chu sawa‑a min fɔ. Mbɛ nn fan Chu mɔ kan kɔ kan, nn mbe ee ta mɔ ɔ mɔ dɔ gbɛɛ 'a chen na. Chɛ ma, nn ni gbɛn an ma, miin ma Chu mɔ a. Chɛɛ Yataa ban‑da a ɔ yian‑da n na, mbɛ n ma tɛ mɔ gbu kan kɔ kan dɔ, n gbu ma mɔ ma nyamui koe fɔ.

CHISƆSI 'A SƆ MƆƐ NU 10:32

Chɛ an fɛ mu, mɔɛ a ta Chɔpa, kamin dɔndɔ chee koe a, min tɔ mu Saimɔn. A tɔɛ dɔndɔɛ an nɛ Pita. Ɛ kamin dɔndɔ an 'na sondaya a, min tɔ mu to Saimɔn. Saimɔn chɛ mu kanche an na, a sin, a 'a chenɛ ɛ kɔ yii kaa a wan.’

CHISƆSI 'A SƆ MƆƐ NU 11:3

an dɔ, “I ta‑a wan mɔɛ chɛ n 'na chenɛ a, mɔɛ miin na ma kamincha ni ka, mbɛ wo gbu sin yɛ‑a to, wo bɛ an na, wo‑a daunɛ chɛ kaina dɔndɔ. Fen ko a mu, i‑a chɛ ma?”

CHISƆSI 'A SƆ MƆƐ NU 3:13

Ebeami ni Yataa min fai, Aisaki ni min fai, Chekɔpi wɛɛ ni min fai, mmɔ bemba n ta bemba n bɛɛ n‑na Yataa min fai, an‑na basɔmaya wa chɛ be a 'a wai chɛ mɔɛ Chisɔsi ma. Chɛɛ wo to‑a wan nɔ, wo‑a a bia, mbɛ wo‑a a be ya ɔ sɔɛ n ma. Mbɛ wo yɛ‑a, Kɔfana Padeti chen kɔɔ, a ni a yii na chii tena kɛn Chisɔsi chɛ boo ka koe a, wo‑a kɔɔsa bia chɛ wan a wakoe ma.

CHISƆSI 'A SƆ MƆƐ NU 4:27

Tea gbu sin ko a, nɛ ni Chuusaɛn duu chɛ ɔ, an‑na an kun puin kaina, i 'a wai chɛ mɔɛ Chisɔsi Chasi ma, min mbe tenchen i ko a. I‑a i boo sɔ an ma kunka mansa a. Mansa Ɛdɔdi, ni Kɔfana Pɔnchɔsi Padeti, an bɛ an na‑a an kun puin chɛ chɛ, an bɛ mɔɛ chɛ n na miin ma Chu mɔ n na, a basan Isɔɛɛ mɔɛ n gbɛɛ a, ko yama ma koe a kunka mansa chɛ a.