CHƆN 18:20 - Yataa 'a Dɔbɛnɛ Nama

²⁰ Chɛɛ Chisɔsi ɔ, “N ma bai ɔ bai sa nin bɛ doee ɔ. Tima ɔ tima ko a, mɔɛ miin ni an too ma sɔ n ma, n ni koɔ wan an tena fanka ɔ den. Kanɛ gbɛɛ n ni min chɛ, n ni a chɛ wo 'a samun chɛ chenɛ n na wan, a basan Yataa 'a kata ɔ a, mɔɛ n gbɛɛ bɛn tena nu.

CHƆN 18:20 ပူးပေါင်းရင်းမြစ်များ

MATIU 24:26

“Chɛ an fɛ mu, ni mɔɛ n n‑na a fɔ wo ye, an dɔ, wo ni wo ya a ta, wo ni kunka mansa yen fuinɛ ma, wo ma ta nɔ. Ni an‑na a fɔ, an dɔ, a yen ko nun dɔ dumu chɛ ɔ, wo ma dan a wɛɛ a.

MATIU 26:55

Mbɛ Chisɔsi ɔ mɔ fanka chɛ ma, miin na‑a ka a bia‑a, a ɔ, “Wo nii wo wandi tɔɔ na koe a, chɛɛ chɛ mɛ n na wo boo ɔ, a basan kɔn ma tɛenɛ a, n bia koe a. Kanka ma chianden ma n na. Mmɔ‑a tee sɛsɛ wa chɛ gbɛɛ ban, Yataa 'a kata chɛ ɔ, n mbe kan chɛ‑a, wo ma n bia ni.

MATIU 26:65

Tɛ mɔ wa chɛ‑a bai chɛ a min kɛn Chisɔsi da a, a‑a a ma doma a panda wan. A ɔ, “A‑a Yataa main. Mmɔ ɛ to‑a to siiya dɔ mende minan na? Mmɔ ban‑da a a min‑da a wandi da a, ɛ Yataa main‑da.

MATIU 4:23

Chisɔsi ben ben‑da wan Kadidi chɛnyɛ gbɛɛ ɔ, ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma, mbɛ a‑a mɔɛ n baun an 'na gbandi kan kɔ kan dɔ, miin ni an ma.

MATIU 9:35

Chɛ gbakɔ, Chisɔsi ben ben‑da wan konko n dɔ, a basan duu wa n na, an chɛnyɛ chɛ gbɛɛ ɔ. Ɛ ta‑a mɔɛ n kan‑da Chu mɔɛ n 'na samun chɛ chenɛ n na. A ni sakana bai chɛndɛ chɛ ɔ yian fan to mɔɛ n na, a si Yataa 'a mansaya ma. A yɛ to, a‑a mɔɛ n baun fan an 'na gbandi kan kɔ kan dɔ, miin ni an ma.

MAKI 8:32

A sin na‑a chɛ fɔ wan, an ni a da a kuiɛ ɔ gbɛ gbadan. Mbɛ Pita‑a Chisɔsi pɛn, a ɔ, an ni sɔ an fea a. An sɔ‑a kɛn, mbɛ Pita‑a a fɔ a ye, a ɔ, a ma bai kaina chɛ fɔ.

DUKU 21:37

Chisɔsi ni kanɛ chɛ wan tee ɔ tee a Yataa 'a kata ɔ. Ni tee na‑a bea, a ni ta wan mbɛ a chi‑a duu dɔndɔ ɔ, Wodifi kɔnkɔɛ ɔ.

DUKU 4:15

A ni ben fan kan chɛ‑a Chu n 'na samun chɛ chenɛ n na, a sin, mɔɛ n gbɛɛ ni a tando wan.

CHƆN 18:21

Fen ko a gbɛ, e n dɔ tisa tena? Mɔɛ miin ni an too ma sɔ n ma, e an fan dɔ tisa. An dɔ tisa, an ni a ɔ yian i a, n ni min fɔ an ye, an‑na a gbɛɛ ɔ sɔn fan.”

CHƆN 6:59

Chisɔsi na‑a chɛ fɔ tima min na, a ni kan chɛ tena Kapanaun duu ɔ wan, Chu n 'na samun chɛ chenɛ a.

CHƆN 7:14

An ni gbɛ bɛnɛ chɛ tɛtɛ ma wan, mbɛ Chisɔsi sɛ‑a Yataa 'a kata chɛ ɔ, a bun‑da an kan‑da.

CHƆN 7:26

A yen ko, ɛ koɔ‑a fanka ɔ den, a sin, an mbe ee che gbukuu wɛɛ tɛ‑a a ma, a si a ma. A e na ma wan gbɛ, mbɛ ya ɔ sɔɛ chɛ n yiima bɛn‑da kaina dɔndɔ, mbɛ an mu kunka mansa a?

CHƆN 7:28

Chisɔsi to‑a kan chɛ an na, Yataa 'a kata chɛ ɔ, mbɛ a koɔ‑a gbankon, a ɔ, “Wo‑a n sɔn fan tea gbu ko a? Wo‑a n ka tena sɔn fan? N mbe ee nɛ n fandi an ko a. Chɛɛ a nyin wo ni dan a a, min‑na n sɔ. Wo ma a sɔn chɛndɛ chɛ.

CHƆN 7:4

Mɔ ɔ mɔ ee che a chɛ chɛ wai nun‑da mɔɛ n ma, ni a toen mu dunya ni a wakoe ɔ sɔn chɛndɛ chɛ. Ni e kamaya ko bonda chɛ n ma wan sanche, a ma to dunya chɛ gbɛɛ ni i wakoe ɔ sɔn.”

CHƆN 8:2

Banda ka dɔndɔɛ ma, sayi ma, mbɛ a yɛ‑a to Yataa 'a kata chɛ ɔ. Mbɛ mɔɛ n gbɛɛ na‑a a 'a tindanɛ. A sin, a si‑a wan, mbɛ a bun‑da an kan‑da.

CHƆN 8:26

Bai kɔkoo n yii ma, a si wo ma, a kɔkoo kaa a tɛ koe a wo wakoe ma. Chɛɛ an sin gbu, n fan yiima ko ma an na. Min‑na n sɔ, a wan yii ma koe nu mu, a sin mbe tea an fɔ. Chɛ an‑na a fɔ, ɛ min fɔ n ye dechee, n mbe an na ben mɔ ɔ mɔ tena dunya chɛ ɔ.”

CHISƆSI 'A SƆ MƆƐ NU 26:26

Koe min na mu, Mansa Akipa‑a koe chɛ n gbɛɛ ɔ sɔn fan. A sin fan tena mu, n mbe koɔ tena ka, ko ɔ ko boo ee n na. Koe min na mu, n yiima a koen fan mu, mbɛ a chen kɔɔ mu, koe chɛ n gbɛɛ ma‑a. Koe min na mu, an nii ma chɛ ni a ɔ nun dɔ.