CHƆN 18:11 - Yataa 'a Dɔbɛnɛ Nama

¹¹ Mbɛ Chisɔsi ɔ Pita gbu ma, a ɔ, “I 'a chɛɛ chɛ mɛ a yɛ a sa ɔ. N mbe mɔnɛ chɛ bia wan, Fa‑a a fɔ, n ni min dɔ bia. Ɛ i yii ma, n mbe ee a ɔ bia‑a?”

CHƆN 18:11 ပူးပေါင်းရင်းမြစ်များ

MATIU 20:22

Chɛɛ Chisɔsi ɔ an mɔ fea chɛ n ma, a ɔ, “Wo ma a ɔ sɔn, wo e fen dɔ tisa tena. Wo e kun fan wo ni ko yawaen chɛ ɔ bia, n mbe na tena min dɔ bia‑a?” Mbɛ an dɔ, “Mm. Nn mbe kun fan.”

MATIU 26:39

Mbɛ a ka‑a wan an baima ɛnden na, mbɛ a‑a a wandi ɔ fuin duu ma susu gbuu, a bun‑da samunɛ chɛ‑a. A ɔ, “Fa, ni ɛ bɛn fan, a ma ko yawaen chɛ ni ka n teen na. Chɛɛ chɛ gbɛɛ ɔ, n ta faa ma koe, an ma ma. Chɛɛ i ta faa ma koe, an ni ma.”

MATIU 26:42

Mbɛ Chisɔsi yɛ‑a to, a fean bɔɛ ɔ, mbɛ a‑a samunɛ chɛ. A ɔ, “Fa, ni ko yawaen chɛ ee che ben‑da n ma, mɔɔ ni n‑na a ɔ bia, mbɛ i faa ma, an ni ma.”

DUKU 12:30

A mu min na, wo Fa Yataa‑a a ɔ sɔn fan, mbɛ wo gbɔsɔen fan mu chɛ n gbɛɛ ko a. Yataa sɔn bai n fan faa ɛ gbaa tima ɔ tima fen chɛ n ko a.

DUKU 22:42

A ɔ, “Fa, ni i 'a dɔbɛnɛ mu, a ma ko yawaen chɛ ni ka n teen na. Chɛɛ chɛ gbɛɛ ɔ, n ta faa ma koe, an ma ma. Chɛɛ i ta faa ma koe, an ni ma.”

CHƆN 15:10

Ni wo e koe chɛ n ma‑a, n mbe miin fɔ wo ye an ma koe a, wo ee na‑a wo kan kɔ sɔ‑a n 'na koadia a. N bɛɛ, n‑na koe chɛ n ma wan, Fa ɛ miin fɔ n ye, mbɛ n ma n kan kɔ sɔ ni a 'a koadia a.

CHƆN 17:24

“Fa, i ban‑da gbɛ an be‑a n ma. N toen mu, n mbe ma‑a kaina min, nn bɛ ni ma nɔ n fɛ den chɛ n na. Chɛ ɛ a ma‑a wan, an ni a ɔ yen n kamayaen mu buɛ min dɔ. A sin, i wan‑na an kamaya chɛ be n ma. I na‑a a be n ma, koe min na mu, i to‑a wan n na pɛn dunya chɛ a ni to dan‑da.

CHƆN 18:36

Mbɛ Chisɔsi ɔ, “Dunya chɛ ɔ mansa ma n na. Ni a ni n na, mbɛ n fɛ mɔɛ n ni butuinɛ chɛ‑a wan n ko a, mɔɛ n nii n be‑a ya ɔ sɔɛ chɛ n ma. A an, n 'na mansaya gbasaya ma bɔ ni dunya chɛ an dɔ.”

CHƆN 20:17

Mbɛ Chisɔsi ɔ, “Sɛmbɛ n bia koe a, a mu min na, n ma sɛ nin bɛ banda bu ɔ Fa tena. Chɛɛ ta n fɛ denɛ n tena, mbɛ i‑a a ɔ yian an na, mbɛ n mbe yɛ tena Fa tena, min mu wo wɛɛ fa a. A yɛ to, n 'na Yataa mu a a, wo wɛɛ 'a Yataa mu a a.”

GBOO FEAN BƆƐ KƆYINDI KO A 10:4

Nn mbe chɛɛ chɛ tena feanka miin na, dunya chɛ ta ma. Chɛɛ nn mbe Yataa 'a gbasaya an ya tena, nn ni kaina n yɔn, Sitana kai fa tena nu.

GBOO FEAN BƆƐ KƆYINDI KO A 6:7

Sakana bai chɛ wɛɛ, nn mbe min sa, Yataa 'a gbasaya an mbe a ɔ. Chɛɛ chɛ fenɛ miin mbe nn boo nyima a, an mbe to nn manɛ a, an mu nn tan buɛ an na, nn tandenɛ min chɛen mu Yataa tena.

GBOO IBU MƆƐ N KO A 12:2

Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.