CHƆN 17:6 - Yataa 'a Dɔbɛnɛ Nama

⁶ “I‑a mɔɛ dɔ n bɔ wan an bɔɛ n tɛ ɔ, nɛ dunya chɛ ɔ, mbɛ i‑a an be n ma, ma koe a n fɛ denɛ n na. A gbu sin, i wan ta ni an na, a sin to, i wan‑na an be n ma. N‑na i wakoe ɔ yian fan an na, an‑na i sɔn. An sin‑na an too ma sɔ wan i da a kuiɛ ma, chɛ gbɛɛ ɔ.

CHƆN 17:6 ပူးပေါင်းရင်းမြစ်များ

CHƆN 1:18

Mɔ ɔ mɔ ma Yataa yen nin bɛ. Chɛɛ a 'a Den dɔndɔ gbe, min fandi mu Yataa a, an fea an mbe min na tima ɔ tima, a‑a a ma, mɔɛ n‑na a Fa sɔn.

CHƆN 12:28

Fa, i 'a kamaya ɔ yian dunya chɛ ɔ.” Mbɛ kuiɛ a min‑da, a ka banda bu ɔ, a ɔ, “N ban‑da a ɔ yian‑da mɔɛ n na, n kamayaen mu buɛ min dɔ, a sin, n mbe na‑a wan to a ɔ yian‑da an na.”

CHƆN 15:19

Ni wo ni wan an 'na kuiɛ dɔndɔya ɔ dunya chɛ ɔ, an ni wo ya wan an sima a, mbɛ wo ko a dia‑a an ye. Chɛɛ n‑na wo bɔ wan an 'na dunya ɔ, a sin‑na a ma, wo bɛ ma to an na. Chɛ an fɛ mu, an tooenɛ ɛ wo a.

CHƆN 15:3

Bai chɛ nu, n‑na miin fɔ wo ye, an‑na a ma, wo bon chɛ n tɛ‑a wo ma, wo ni gbɔɛ be chɛndɛ chɛ.

CHƆN 15:7

Ni mmɔ bɛ ma‑a mɔ dɔndɔya ɔ, mbɛ wo‑a n 'na bai n sa wo yii ma gban, ɛ nyan‑da wan. Fen kɔ fen, wo toen mu min na, mbɛ wo‑a Fa Yataa ɔ tisa a ko a, ɛ a be‑a wan wo ma.

CHƆN 17:12

Tima min na nn bɛ ni an na, n na‑a an kun ma fɛn fan chɛndɛ chɛ. N na‑a chɛ ma i 'a gbasaya ɔ wan, i na‑a gbasaya min be n ma. A sin, n ma fo nin bɛ an dɔndɔ wɛɛ a. Chɛɛ an dɔndɔ mu dechee, i na‑a min bakoe fɔ, mbɛ a tana ɛ na‑a wan a wandi nimisa‑a. Chɛ ɛ ma‑a wan, min mbe a ma, min nyɛnden mu i 'a gboo ɔ, a ni bɔ a a.

CHƆN 17:14

I‑a sakana min be n ma an ko a, n‑na a ben fan an tena. An sin, an bɛ ee mɔɛ chɛ n na ko dɔndɔ ɔ, i wakoe ee miin faa ɔ. Chɛ ko a, an fɛn mbe i faa ma koe ma ka, an ko a ma di chɛ n ye, miin mbe ee i faa ma koe ma ka.

CHƆN 17:16

N mbe buɛ min dɔ dechee, nn bɛ mɔɛ chɛ n na, i wakoe ee miin faa ɔ, nn mbe ee ko dɔndɔ ɔ. N fɛ den chɛ n bɛɛ, an mbe dechee ka wan yɔ n fan, an bɛ an mɔɛ chɛ n na, an mbe ee ko dɔndɔ ɔ.

CHƆN 17:2

Koe min na mu, i‑a gbasaya be n ma, mɔ gbu n gbɛɛ kun ma dunya ɔ. Gbasaya min mbe a ma, n ni a ma, chɛ n gbɛɛ ni kuɔ fɔ fɔɛ ma sɔn, i‑a miin be n ma, ma koe a n fɛ.

CHƆN 17:24

“Fa, i ban‑da gbɛ an be‑a n ma. N toen mu, n mbe ma‑a kaina min, nn bɛ ni ma nɔ n fɛ den chɛ n na. Chɛ ɛ a ma‑a wan, an ni a ɔ yen n kamayaen mu buɛ min dɔ. A sin, i wan‑na an kamaya chɛ be n ma. I na‑a a be n ma, koe min na mu, i to‑a wan n na pɛn dunya chɛ a ni to dan‑da.

CHƆN 17:26

N‑na i wakoe ɔ yian fan an na, an‑na i sɔn. A sin, n gboo ɔ ee fa‑a a ɔ yian koe a an na. Chɛ ɛ a ma‑a wan, n ko a di ka buɛ min dɔ i ye, a nyɔn sima koadia ni ma an faa ɔ. Mbɛ a sin fan mbe a ma‑a, nn bɛ an na, nn ni ma mɔ dɔndɔɛ a.”

CHƆN 17:7

Sanche chɛ sin dɔ gbɛ, an‑na a ɔ sɔn gbɛ chɛndɛ chɛ, mbɛ i na‑a fenɛ miin gbɛɛ be n ma, an ka‑a i wandi gbu an tena.

CHƆN 18:9

A‑a chɛ fɔ, min mbe a ma, a na‑a min fɔ, a ni bɔ a a. A na‑a a fɔ wan, a ɔ, “Fa, n ma fo ni mɔɛ chɛ n dɔndɔ wɛɛ a, i na‑a mɔɛ miin be n ma, an kun ma fɛn koe a.”

CHƆN 6:37

Chɛɛ chɛ gbɛɛ ɔ, Fa Yataa‑a miin be n ma, an mbe na‑a wan n tena. N sin, n mbe ee mɔ ɔ mɔ a yɛ‑a, min mbe na‑a n tena.

CHƆN 6:39

A sin, a wɛn‑na n sɔ, a faa ma koe n fan nɛ. Mbɛ n ma fo a 'a mɔɛ chɛ n dɔndɔ wɛɛ a, mɔɛ chɛ nu, a‑a miin be n ma. Chɛɛ tee dankama ma, n ni a ma, an gbɛɛ kɔɔ ni sɔ, a yɛ fɔɛ ɔ.

CHƆN 8:51

N mbe chɛ ma din tena wo tena, mbɛ mɔ ɔ mɔ min mbe ma‑a a da a kuiɛ ma, a mɔɛ chɛ ee fa‑a.”

CHƆN 8:52

Mbɛ Chu mɔɛ chɛ n dɔ, “Nn‑na a ɔ sɔn gbɛ tea a, mbɛ nyina yama an mbe i fɛ. Ebeami wɛɛ gbu fa‑a wan, mbɛ Yataa 'a gbonka chɛ mɔɛ n bɛɛ fa‑a. Chɛɛ i tana, i ɔ, mɔ ɔ mɔ‑a a boo si kan chɛ kɔɔ, e min chɛ tena, a ee fa‑a kuɔ fɔ ko a.

CHISƆSI 'A SƆ MƆƐ NU 13:48

A sin, mɔɛ chɛ nu, miin nii ma Chu mɔ a, an‑na bai chɛ a min kɛn, an bu ɔ dia‑a wan, an bun‑da Yataa tando‑a, a 'a bai ko a. Mɔ sɛsɛ sin, Yataa na‑a a boo sɔ miin ma, kuɔ fɔ fɔɛ ma sɔn koe a, an‑na an kai fa wan Chisɔsi a.

GBOO DOMI KO A 11:2

Yataa ma ban ni a 'a mɔɛ chɛ n dɔ, a na‑a a boo sɔ ka miin ma kɛn suun, ma koe a a ta mɔɛ n na. Kai Idaicha na‑a gbonyɛ wan Yataa tena a si an ma. Wo‑a a ɔ sɔn fan a nyɛnden mu buɛ min dɔ an disa chɛ tena chɛ Yataa 'a gboo ɔ.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

Gboo Kɔdɔsai Ko A 3:16

Sakana bai chɛ, a si Chasi ma, a ni sa wo faa ɔ chɛndɛ chɛ. Wo wo nyɔn kan, wo ni wo nyɔn na si yiimatɛ chia gbɛɛ a. Wo si kan kɔ kan sa, Yataa ɛ tando min dɔ, wo e ta‑a Yataa wai bɔ‑a, wo faa gbɛɛ a.

2 TIMOTI 1:13

Bea tea bai chɛ n fɛ, n‑na i kan miin na. An ni ma tɔmɔsi a i tena. Koe min na mu, mmɔ ma‑a mɔ dɔndɔɛ a Chisɔsi Chasi a, a sin i ma sɛmbɛ dan koe ma a a, a basan koadia a.

GBOO IBU MƆƐ N KO A 2:12

A ɛ a fɔ wan, a ɔ, “Yataa, n mbe i tɔɛ bai‑a wan n suun ma nyɔɛ n tena. I 'a mɔɛ n tɛ ɔ, n mbe i tando‑a wan.”

GBOO IBU MƆƐ N KO A 3:6

Chɛɛ Chasi tana, Yataa 'a denɛ mu a a, a danayaen mu, a sin mbe Yataa 'a chenɛ an kun ma. A sin, mmɔ wan mu Yataa 'a chenɛ a, ni mmɔ‑a mmɔ faa sɔ, mmɔ ni dan a a, mmɔ yii a ni tɛ a ma.

1 PITA 1:1

N fan Pita, Chisɔsi 'a sɔ mɔɛ, n fan mbe ka gboo chɛ nyɛn‑da. N mbe a nyɛn tena wo wan tena, wo wan Yataa 'a mɔɛ chɛ nu, a na‑a a boo sɔ ka wo wɛn ma. Wo a fasandenɛ mu ben‑da, wo e sondaya ɔ chɛnyɛ sɛsɛ ɔ. Wo e pande Pɔndɔsi chɛnyɛ ɔ, wo dɔ n mbe Kadesia, a yɛ to, wo dɔ n mbe Kapadosia, wo dɔ n sin mbe Esia, a basan Bitinia chɛnyɛ ɔ a.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

KO Ɔ NUNDENƐ 2:13

A ɔ, “N‑na a ɔ sɔn fan, mbɛ wo e kaina min, Sitana an mu mansa a nɔ. Chɛɛ wo‑a n bakoe bia wan wo boo fea a, wo ma wo kan kɔ sɔ ni dan koe a n na. Wo dan‑da wan n na, tima chɛ wɛɛ a, tima min na an‑na Andipasi fa wo tɛ ɔ nɔ, Sitana waa chɛ. A ni mɔɛ an na, min‑na a ɔ yian tima ɔ tima, a da a bai ɔ, a basan a 'a chɛ chɛ wai a, mbɛ n 'na mɔɛ mu a a.

KO Ɔ NUNDENƐ 3:10

Koe min na mu, wo‑a n da a kuiɛ a min, wo‑a wo faa bia. N bɛɛ, n mbe wo kun ma fɛn‑da wan tima chɛ a, tima min na dunya gbɛɛ ɛ ma‑a dɔsimanɛ kɔɔ, mɔɛ gbɛɛ ɛ ma‑a tɔɔya ɔ.

KO Ɔ NUNDENƐ 3:8

A ɔ, “N‑na a ɔ sɔn fan, wo e tachɛ tena buɛ min dɔ. N‑na a ɔ sɔn fan, mbɛ wo 'a gbasaya dɔɔ wɛɛ boo ɔ boo, chɛɛ wo bea‑a wan n da a kuiɛ fɛ, wo ma ka ni n fɛ. A yen ko, chenɛ da a kaenɛ mu gbɛ wo ya ɔ, mɔ ɔ mɔ sin mbe ee nɔ, min mbe a a tɔn.