CHƆN 17:5 - Yataa 'a Dɔbɛnɛ Nama

⁵ Fa Yataa, sanche gbɛ, a ma n ni ma basɔmaya chɛ ɔ, i waa a, yɔ n ni min nyɔn sima ɔ, dunya chɛ a e na to dan‑da.

CHƆN 17:5 ပူးပေါင်းရင်းမြစ်များ

MATIU 25:34

Mbɛ n fan mansa chɛ, n mbe a fɔ‑a wan mɔɛ chɛ n ye, n boo nyima ɔ, n dɔ, an ni na. N dɔ, Fa Yataa‑a an dua. N dɔ, an ni na, an ni Yataa 'a mansaya tɔnɔnɛ ma sɔn, min dɔ bɛn‑da suun an ko a, a ka dunya a dan tima ma.

CHƆN 1:18

Mɔ ɔ mɔ ma Yataa yen nin bɛ. Chɛɛ a 'a Den dɔndɔ gbe, min fandi mu Yataa a, an fea an mbe min na tima ɔ tima, a‑a a ma, mɔɛ n‑na a Fa sɔn.

CHƆN 10:30

Nn fea Fa a, mɔ dɔndɔɛ mu nn na.”

CHƆN 14:9

Chɛɛ Chisɔsi ɔ, “Fiipi, mmɔ mɛ buɛ chɛ mmɔ bɛ, a ni nyan fan wo gbɛɛ ni n sɔn gbɛ. Mɔ ɔ mɔ min‑na n yen, a‑a Fa an yen ka. E ee kun to, i ni n dɔ tisa, n ni Fa yian wo a. Chɛ ɛ ma wan?

CHƆN 17:1

Chisɔsi ban‑da kɛn bai chɛ n fɔ‑a a fɛ denɛ n ye, mbɛ a‑a a ya a si banda a, a‑a samunɛ chɛ, a ɔ, “Fa, tima gbu che‑a. A ma mɔɛ n ni a ɔ yen, n kamayaen mu buɛ min dɔ, mbɛ n bɛɛ, n‑na a ma, mɔɛ n‑na i ta kamaya wɛɛ ɔ yen.

CHƆN 17:24

“Fa, i ban‑da gbɛ an be‑a n ma. N toen mu, n mbe ma‑a kaina min, nn bɛ ni ma nɔ n fɛ den chɛ n na. Chɛ ɛ a ma‑a wan, an ni a ɔ yen n kamayaen mu buɛ min dɔ. A sin, i wan‑na an kamaya chɛ be n ma. I na‑a a be n ma, koe min na mu, i to‑a wan n na pɛn dunya chɛ a ni to dan‑da.

CHƆN 3:13

A sin ko, mɔ ɔ mɔ ma sɛ nin bɛ banda bu ɔ, mɔɔ dechee n fan, Mɔ Gbu 'a Denɛ. N fan ka‑a nɔ, n yii‑a nɛ dunya chɛ ɔ.

CHƆN 8:58

Mbɛ Chisɔsi ɔ, “N mbe chɛ ma din tena wo tena sanche, mbɛ Ebeami e na to ma‑a fɔɛ ɔ, n ni wan gbɛ fɔɛ ɔ.”

Gboo Fiipai Ko A 2:6

A maen nin bɛɛ chia ɔ chia a yɔ Yataa, chɛɛ a nii ma butuin chɛ ni podon, min mbe a ma, an na kandenɛ ni ma tun, an fea Yataa a.

GBOO IBU MƆƐ N KO A 1:10

Yataa na‑a a fɔ wan to a 'a gboo ɔ, a ɔ, “I wan, Mansa Chisɔsi, i wandi gbu an‑na duu gboo chɛ a dan a saa a. Banda gbu wɛɛ, i wan‑na a wɛɛ a dan.

GBOO IBU MƆƐ N KO A 1:3

An den chɛ sin, Yataa 'a kamaya ɛ yen fan a ɔ. Yataa ɛ buɛ min dɔ dechee, a wɛɛ ɛ ka wan. A da a bai gbasayaen mu, min mbe a ma tena dunya kunɛ a biaenɛ ɛ kaina dɔndɔɛ. A ban‑da kɛn mmɔ ma ko‑a, a bɔ mmɔ 'a ko yama n dɔ, a si‑a kaina ma bɛndenɛ Mansa Yataa boo nyima ɔ, pan banda bu ɔ.

1 PITA 1:20

Yataa e na to dunya chɛ a dan‑da, a na‑a a boo sɔ pɛn Chisɔsi ma, ma koe a ka. Chɛɛ tee dankama tee chɛ nɛnɛ n kɔɔ, Yataa‑a Chisɔsi yian wo deman koe an na.

1 PITA 1:21

Chisɔsi Chasi, min‑na a kɔɔ sɔ a ka saya ɔ, a chɛ chɛ wai n fan‑na a ma, wo‑a wo kai fa Yataa a. Mbɛ Yataa‑a baa be a ma. Chɛ an‑na a ma, wo kai faen mu a a. A sin, wo yii na tɛen mu a ma.

1 CHƆN 1:2

A wɛn tɔ mu ka Fɔɛ, a na‑a kɛn dunya chɛ ɔ, a ma na ni nun dɔ. Nn gbɛɛ, nn‑na a yen fan, nn sin mbe koe ɔ yian fan, a si a ma. Mbɛ nn‑na a wakoe ɔ yian wo a, a wɛn mu kuɔ fɔ Fɔɛ a. An fea ni mmɔ Fa Yataa a, a sin fan‑na a yian nn na.

KO Ɔ NUNDENƐ 13:8

A sin, mɔɛ gbɛɛ dunya ma, an mbe a fai wan. Mɔɛ chɛ n gbɛɛ, miin mbe ee a fai‑a, an fan nɛ dechee mɔɛ chɛ n na, miin tɔɛ nyɛndenɛ ɛ gboo chɛ ɔ, a ka dunya a dan tima ma. Gboo chɛ, mɔɛ miin mbe kuɔ fɔ fɔɛ ma sɔn‑da, an mbe min dɔ. An gboo chɛ, ɛ sa tɔngbɔɛ an boo ɔ, an‑na min fa.

KO Ɔ NUNDENƐ 3:21

Mɔ ɔ mɔ min mbe sɔ‑a gban Yataa ko a, n mbe a ma‑a wan, a ni si n baima n 'na mansaya ɔ. An mɔɛ chɛ, ɛ ma‑a wan yɔ n fan, n sɔ‑a buɛ min dɔ gban, mbɛ n‑na si tena chɛ ya Fa Yataa tɔnfɛ.”