Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHƆN 17:26 - Yataa 'a Dɔbɛnɛ Nama

26 N‑na i wakoe ɔ yian fan an na, an‑na i sɔn. A sin, n gboo ɔ ee fa‑a a ɔ yian koe a an na. Chɛ ɛ a ma‑a wan, n ko a di ka buɛ min dɔ i ye, a nyɔn sima koadia ni ma an faa ɔ. Mbɛ a sin fan mbe a ma‑a, nn bɛ an na, nn ni ma mɔ dɔndɔɛ a.”

အခန်းကိုကြည့်ပါ။ ကော်ပီ




CHƆN 17:26
28 ပူးပေါင်းရင်းမြစ်များ  

Ni a tima chɛ che‑a, wo e a ɔ gbɛ‑a wan, mbɛ nn fea Fa a, mɔ dɔndɔɛ mu nn na. A sin, wo wɛɛ, wo e ma‑a wan mɔ dɔndɔya ɔ n na, yɔ n bɛɛ, n mbe ma‑a buɛ min dɔ dechee mɔ dɔndɔya ɔ wo a.


Mbɛ Chisɔsi ɔ, “Mɔɛ min toen mu n na, ɛ koe chɛ n ma wan, n‑na miin fɔ a ye, an ma koe a. Fa ɛ to‑a wan a mɔɛ chɛ a. A sin, Fa ni ma, ni n fan, nn mbe na‑a wan a tena, mbɛ nn bɛ gbɛɛ ɛ ma‑a kaina dɔndɔ.


N mbe ee wo ya to n 'na bɔi den na, koe min na mu, bɔi den ma a kan mɔ yiima sɔn. N mbe min ma tena, n mbe wo ya tena gbɛ n bɔɛ n fan na. Koe min na mu, ko ɔ ko, Fa‑a min fɔ n ye, n‑na a gbɛɛ ɔ yian wo a.


Mmɔ ma mɔ dɔndɔya ɔ, wo ma n boo ka, n bɛɛ, n mbe ee wo boo ka‑a. Kɔnɛ bonɛ ee kun a ni gbɔ be, ni a kaenɛ ma‑a kɔnɛ kuu ba ma. A chia dɔndɔ gbe chɛ a, wo wɛɛ, wo ee kun wo ni ko ɔ ko ma, mɔɔ ni mmɔ bɛ ma‑a mɔ dɔndɔya ɔ.


N toen fan mu wo a, yɔ Fa wɛɛ toen mu buɛ min dɔ n na. Wo ma wo kan kɔ sɔ n 'na koadia a.


Nn bɛ an na, mɔ dɔndɔɛ mu nn na, yɔ mɔ fea wɛɛ, mɔ ɛ buɛ min dɔ. Chɛ ni a ma, an mbe mɔ dɔndɔya min dɔ an nyɔn na, a da ni fa gban. Chɛ ɛ a ma‑a wan, i wakoe ee mɔɛ miin faa ɔ, an ni a ɔ sɔn, mbɛ i wan‑na n sɔ. A yɛ to, an mɔɛ chɛ n ni a ɔ gbɛ chɛndɛ chɛ, mbɛ i toen fan mu n fɛ den chɛ n na, yɔ i toen mu n na buɛ min dɔ.


“I‑a mɔɛ dɔ n bɔ wan an bɔɛ n tɛ ɔ, nɛ dunya chɛ ɔ, mbɛ i‑a an be n ma, ma koe a n fɛ denɛ n na. A gbu sin, i wan ta ni an na, a sin to, i wan‑na an be n ma. N‑na i wakoe ɔ yian fan an na, an‑na i sɔn. An sin‑na an too ma sɔ wan i da a kuiɛ ma, chɛ gbɛɛ ɔ.


I 'a sakana chɛ, i‑a min be n ma an ko a, n‑na a a ben fan an tena. A sin, an‑na an too ma sɔ wan a ma. Mbɛ an‑na an boo a chii a ma, mbɛ tea mu, mbɛ n ka‑a i tena wan. A sin, an danden fan mu to a a, mbɛ i wan‑na n sɔ.


Mɔ ɔ mɔ min mbe n gboo daun‑da, a ni n wii min, nn fea a mɔɛ chɛ a, nn mbe ma‑a wan mɔ dɔndɔɛ a.


N mbe ee chia an yan tena, min mbe a ma, mɔɛ n ni baa be n ma. Min mbe chia chɛ yan tena, n ko a, ɛ nɔ. A sin, a wan mbe tea kaa a tɛ.


Chɛɛ ni Chasi ma‑a wo wɛn fɛ, ɛ a ma wan, wo ni ma fɔɛ ɔ. Chɛ ɛ ma‑a wan wo a, wo gboo ɛ fa‑a wɛɛ boo ɔ boo, wo 'a ko yama boo ɔ. Chasi sin mbe chɛ ma‑a wan wo ko a, koe min na mu, wo ya‑a mɔ tandenɛ a Yataa tena.


A wan Yataa dɔndɔ gbe, a wan‑na a ma, wo ma‑a mɔ dɔndɔɛ a Chisɔsi Chasi a. Ni mmɔ‑a a fɔ, yiimatɛ ɛ mmɔ ɔ, Chasi mu. Ni mmɔ‑a a fɔ, mmɔ tanden mu, a wan mu. A‑a mmɔ kun bɔ mmɔ 'a ko yama n dɔ, mmɔ ma‑a Yataa 'a mɔɛ n na.


Mɔ gbu gboo ɛ dɔndɔ gbe, chɛɛ a sɔna n kɔkoo. Chɛ gbɛɛ ɔ, gboo dɔndɔ gbe chɛ mu tun, sɔna sɛsɛ n mbe wɛɛ a ma. Chisɔsi Chasi wɛɛ ɛ ka wan.


N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.


Mmɔ Yataa tando kamaya chia chɛ ko a, a‑a a 'a koadia demanɛ ɔ yian mmɔ a min na, a faa gbɛɛ a. A‑a chɛ sin ma, a faa ma denɛ an dɔ.


A sin ni a ma to, Chasi wakoe ni ma wo faa ɔ, koe min na mu, wo‑a wo kai fa a a. N mbe samunɛ chɛ tena, wo ni sɔ gban koadia ɔ, wo ni yɛ, wo ɔ ni gbɛa chɛndɛ chɛ.


Koe min na mu, mmɔ maen fan mu yɔ a sɔna nu, a gboo chɛ ko a.


Ko wa dɛgbɛ, an dɔ nundenɛ ɛ ka. Chɛɛ n mbe a fɔ tena, mbɛ a sien mu Chasi an ma, an fea chɔchi a.


Yataa toen ni, a ni a ɔ yian mɔɛ chɛ n na, a‑a koe min dɔ nun an ma. An koe ma kawaen ni, a sin dua wa ni, mɔɛ n ko a, miin nii ma Chu mɔ a. An koe ɔ nundenɛ gbu an nɛ, mbɛ Chasi wakoe ɛ wan wo wɛɛ faa ɔ, min mu wo 'a yiinatɛ a, Yataa 'a basɔmaya ma sɔn koe a.


A wan mu mansa a, mansa kan kɔ kan ko a, maeka kan kɔ kan ko a, ni nyina kan kɔ kan ko a. A sin, wo wɛɛ, wo fɔɛ da fa‑a gban, koe min na mu, wo ma‑a gbɛ mɔ dɔndɔɛ a, wo bɛ Chasi a.


Chɛ an fɛ mu, sɔn nama chɛ ɔ, tɛ bɔ kan kɔ kan mbe ee Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin na kaminchaen mu, an bɛ chɛ n na, miin na ma kamincha ni. Tɛ bɔ ee chɛ n bɛɛ ma, miin ka‑a chɛnyɛ dɔ mende n dɔ, a ee yɔnɛ n ma, a ee fia ɔ mɔɛ n ma, an bɛ mɔɛ n na, miin mu mansaenɛ a. Chɛɛ Chasi an mu koe a, a sin mbe wan gbɛ wo gbɛɛ 'a fɔɛ ɔ.


Nn mbe samunɛ chɛ tena, Mansa Chisɔsi Chasi tena, an fea mmɔ Fa Yataa a, min toen mu mmɔ a. A sin, ɛ mmɔ faa ma nande tima ɔ tima ko a. Koe min na mu, a 'a koadia demanɛ, a ma mmɔ a bea ni kuɔ fɔ. A sin, a na‑a yiinatɛ be wan mmɔ ma chɛndɛ chɛ.


A ɛ a fɔ wan, a ɔ, “Yataa, n mbe i tɔɛ bai‑a wan n suun ma nyɔɛ n tena. I 'a mɔɛ n tɛ ɔ, n mbe i tando‑a wan.”


Mɔɛ miin mbe Yataa da a kuiɛ ma, an mbe ma wan mɔ dɔndɔya ɔ a a. A sin, Yataa wɛɛ, ɛ ma wan mɔ dɔndɔya ɔ an na. Mmɔ sin mbe a ɔ sɔn ka wan, mbɛ Yataa ɛ wan mmɔ dɔndɔya ɔ mmɔ a. Mmɔ ɛ a ɔ sɔn fan, koe min na mu, a Nyina ɛ mmɔ fɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ