CHƆN 17:23 - Yataa 'a Dɔbɛnɛ Nama

²³ Nn bɛ an na, mɔ dɔndɔɛ mu nn na, yɔ mɔ fea wɛɛ, mɔ ɛ buɛ min dɔ. Chɛ ni a ma, an mbe mɔ dɔndɔya min dɔ an nyɔn na, a da ni fa gban. Chɛ ɛ a ma‑a wan, i wakoe ee mɔɛ miin faa ɔ, an ni a ɔ sɔn, mbɛ i wan‑na n sɔ. A yɛ to, an mɔɛ chɛ n ni a ɔ gbɛ chɛndɛ chɛ, mbɛ i toen fan mu n fɛ den chɛ n na, yɔ i toen mu n na buɛ min dɔ.

CHƆN 17:23 ပူးပေါင်းရင်းမြစ်များ

CHƆN 10:38

Chɛɛ ni n mbe Fa 'a wai an chɛ tena, wo ma dan nin bɛɛ n na boo ɔ boo, a nyin wo ni dan n chɛ chɛ wai n nan gbu n na. Chɛ ɛ a ma‑a wan, wo ni a ɔ gbɛ fɛsɛ fɛsɛ, mbɛ nn fea Fa a, mɔ dɔndɔɛ mu nn na.”

CHƆN 13:35

Ni wo toenɛ ma‑a wo nyɔn na, mbɛ mɔ ɔ mɔ‑a a ɔ gbɛ, mbɛ n fɛ denɛ n mu wo a.”

CHƆN 14:10

A nyin i ni dan a a, mbɛ nn fea Fa a, mɔ dɔndɔɛ mu nn na. Bai chɛ nu, n‑na miin fɔ ka wo ye, an ma ka ni ka dechee n kun ma yiinachii an dɔ. Fa, nn fea mu min na mɔ dɔndɔɛ a, tima ɔ tima ko a, an mbe ma ka wai chɛ‑a.

CHƆN 14:23

Mbɛ Chisɔsi ɔ, “Mɔɛ min toen mu n na, ɛ koe chɛ n ma wan, n‑na miin fɔ a ye, an ma koe a. Fa ɛ to‑a wan a mɔɛ chɛ a. A sin, Fa ni ma, ni n fan, nn mbe na‑a wan a tena, mbɛ nn bɛ gbɛɛ ɛ ma‑a kaina dɔndɔ.

CHƆN 15:9

N toen fan mu wo a, yɔ Fa wɛɛ toen mu buɛ min dɔ n na. Wo ma wo kan kɔ sɔ n 'na koadia a.

CHƆN 16:27

Koe min na mu, Fa wandi gbu, a toen fan mu wo a. Wo toenɛ min chɛ‑a n na, a wɛɛ, an‑na a to wo a. A sin, wo‑a wo kai fa to n na, mbɛ wo dan‑da a a, mbɛ n ka‑a Fa Yataa tena wan.

CHƆN 17:11

Sanche chɛ ɔ gbɛ, n mbe chia an na, na koe a i tena. N tana, ɛ gbɛ buɛ min dɔ, n mbe ee ma tena to dunya chɛ ɔ. Chɛɛ an tana, an mbe wɛ nɛ chɛ a ɔ. Fa, i wɛn kan nyɔ ee, an kun ma fɛn, min mbe a ma, an ni ma mɔ dɔndɔɛ a an nyɔn tena, yɔ mɔ ɛ buɛ min dɔ. Chɛ ma i 'a gbasaya ɔ, i na‑a gbasaya min sima be n ma.

CHƆN 17:21

N mbe samunɛ chɛ tena, an gbɛɛ ni ma mɔ dɔndɔya ɔ. Fa, a ma an ni ma mɔ dɔndɔya ɔ mɔ a, yɔ mɔ fea chɛ mɔɛ ɛ buɛ min dɔ mɔ dɔndɔya ɔ.

CHƆN 17:24

“Fa, i ban‑da gbɛ an be‑a n ma. N toen mu, n mbe ma‑a kaina min, nn bɛ ni ma nɔ n fɛ den chɛ n na. Chɛ ɛ a ma‑a wan, an ni a ɔ yen n kamayaen mu buɛ min dɔ. A sin, i wan‑na an kamaya chɛ be n ma. I na‑a a be n ma, koe min na mu, i to‑a wan n na pɛn dunya chɛ a ni to dan‑da.

CHƆN 17:26

N‑na i wakoe ɔ yian fan an na, an‑na i sɔn. A sin, n gboo ɔ ee fa‑a a ɔ yian koe a an na. Chɛ ɛ a ma‑a wan, n ko a di ka buɛ min dɔ i ye, a nyɔn sima koadia ni ma an faa ɔ. Mbɛ a sin fan mbe a ma‑a, nn bɛ an na, nn ni ma mɔ dɔndɔɛ a.”

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

CHƆN 17:8

I 'a sakana chɛ, i‑a min be n ma an ko a, n‑na a a ben fan an tena. A sin, an‑na an too ma sɔ wan a ma. Mbɛ an‑na an boo a chii a ma, mbɛ tea mu, mbɛ n ka‑a i tena wan. A sin, an danden fan mu to a a, mbɛ i wan‑na n sɔ.

CHƆN 3:17

Koe min na mu to, Yataa ma a 'a Den chɛ a na ni dunya ɔ, kaa an na tɛ koe a mɔɛ n ma, a ni an tɔɔ. Chɛɛ a‑a a a na, a ni ma an kun ka mɔɛ a.

CHƆN 6:56

Mɔ ɔ mɔ min mbe n gboo daun‑da, a ni n wii min, nn fea a mɔɛ chɛ a, nn mbe ma‑a wan mɔ dɔndɔɛ a.

GBOO SAA KƆYINDI KO A 1:30

A wan Yataa dɔndɔ gbe, a wan‑na a ma, wo ma‑a mɔ dɔndɔɛ a Chisɔsi Chasi a. Ni mmɔ‑a a fɔ, yiimatɛ ɛ mmɔ ɔ, Chasi mu. Ni mmɔ‑a a fɔ, mmɔ tanden mu, a wan mu. A‑a mmɔ kun bɔ mmɔ 'a ko yama n dɔ, mmɔ ma‑a Yataa 'a mɔɛ n na.

GBOO FEAN BƆƐ KƆYINDI KO A 5:21

Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.

Gboo Kadesia Ko A 3:28

Wo gbɛɛ, wo bɛ Chisɔsi Chasi a, wo ma‑a gbɛ mɔ dɔndɔɛ a. Tɛ bɔ kan kɔ kan mbe ee to Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin mu yɔnɛ n na, an bɛ chɛ n na, miin mbe an fandi ko a. Tɛ bɔ ee mɔ kaima an ma, an bɛ musu n na. Mɔ tɛ bɔ ee to nɔ.

Gboo Fiipai Ko A 3:15

Chɛ an fɛ mu, mmɔ wɛn yii kɔɔen mu gbɛ, Chisiancha chɛ ɔ, mmɔ yiima ni ma a buɛ chɛ ɔ. A sin, ni wo yiima ma‑a dama ko ɔ ko ɔ, Yataa ɛ a ma‑a wan wo ni a ɔ sɔn.

Gboo Kɔdɔsai Ko A 1:28

A wan Chasi chɛ, nn mbe an bakoe ɔ yian mɔ ɔ mɔ a. Nn mbe dasi be tena wan, nn mbe ta‑a mɔɛ gbɛɛ kan‑da nn ta yiimatɛ chia gbɛɛ a. Chɛ ni a ma, nn ni kun a ma‑a, mɔɛ gbɛɛ ni na Yataa chen kɔɔ, an yiima da faenɛ ɛ, a si Chasi ma.

Gboo Kɔdɔsai Ko A 2:2

N‑na chɛ ma, min mbe a ma, wo wan, ni an fan, wo gbɛɛ ni wo faa gbɛa, mbɛ wo ko a dia‑a wo nyɔn ye, wo ni ma kuiɛ dɔndɔya ɔ. Chɛ ɛ a ma‑a wan, yiinatɛ chenama ni ma wo ɔ, koe ɔ gbɛ koe a chɛndɛ, ɛ na min na. An chia chɛ a mu, wo e Chasi wakoe ɔ gbɛ, min mu Yataa 'a koe ɔ nundenɛ a tee.

Gboo Kɔdɔsai Ko A 3:14

Wo ni chɛ gbɛɛ ma wɛɛ, wo koadia sa a kun ma. Koe min na mu, an mbe ko ɔ ko kunɛ a bia, kuiɛ a kanɛ chɛndɛ ɔ.

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.

1 CHƆN 1:3

Nn‑na koe min dɔ yen, nn‑na min na min nn too a, nn mbe ka an dɔ yian‑da wo a. Chɛ ɛ a ma‑a wan, mmɔ ni ma kuiɛ dɔndɔɛ ɔ, yɔ nn mbe buɛ min dɔ kuiɛ dɔndɔya ɔ, nn bɛ mmɔ Fa Yataa a, an fea a 'a denɛ Chisɔsi Chasi a.

1 CHƆN 3:1

Wo a yen bɛ, Fa Yataa‑a koadia wa min nyɔn sima yian mmɔ a. Koe min na mu, a‑a a ma, an mbe mmɔ chee Yataa 'a denɛ n na. A sin gbu, Yataa 'a denɛ mu mmɔ a. Koe min‑na a ma, dunya ma mmɔ sɔn Yataa 'a denɛ n na, a nii ma Yataa wandi gbu sɔn.

1 CHƆN 4:19

A nyin koadia ni ma mmɔ ɔ, koe min na mu, Yataa pɛn‑na koadia yian mmɔ a.

KO Ɔ NUNDENƐ 3:9

Mɔɛ chɛ nu, miin‑na an fandi ya Chu mɔɛ n na, chɛɛ fania mu, Sitana 'a mɔɛ chɛ nu, a yen ko, n mbe a ma‑a wan an ni na, an ni an bun wo chen kɔɔ. An gbɛɛ, an ni a ɔ sɔn, mbɛ n toen fan mu wo a.