CHƆN 17:22 - Yataa 'a Dɔbɛnɛ Nama

²² N‑na a ma an bɛɛ‑a basɔmaya ma sɔn, i na‑a basɔmaya min be n ma. N‑na chɛ ma, min mbe a ma, an ni ma mɔ dɔndɔya ɔ an nyɔn na, yɔ mɔ fea ɛ buɛ min dɔ.

CHƆN 17:22 ပူးပေါင်းရင်းမြစ်များ

MAKI 6:7

Mbɛ a‑a a fɛ den tan kun ma fea chɛ n na kan, a‑a an sɔ, fea fea a. A‑a gbasaya be an ma, nyina yama n gbain koe a mɔɛ n fɛ.

DUKU 22:30

Chɛ‑a a ma wan, tima min na Yataa ɛ n 'na mansaya ɔ yian‑da, mmɔ bɛ ɛ daunɛ chɛ‑a wan to, mmɔ ni mmɔ min, daun chɛ bɛn ba chɛ ɔ. A tima chɛ a, wo wɛɛ wo e ma‑a wan mansa n na, mmɔ 'a Isɔɛɛ dambi tan kun ma fea chɛ n kun ma.”

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 1:16

Koadia chinchimaya min faen mu a faa ɔ, an mbe a ma tena, ɛ mmɔ gbɛɛ dua tena tima sɛsɛ a.

CHƆN 14:20

Ni a tima chɛ che‑a, wo e a ɔ gbɛ‑a wan, mbɛ nn fea Fa a, mɔ dɔndɔɛ mu nn na. A sin, wo wɛɛ, wo e ma‑a wan mɔ dɔndɔya ɔ n na, yɔ n bɛɛ, n mbe ma‑a buɛ min dɔ dechee mɔ dɔndɔya ɔ wo a.

CHƆN 17:24

“Fa, i ban‑da gbɛ an be‑a n ma. N toen mu, n mbe ma‑a kaina min, nn bɛ ni ma nɔ n fɛ den chɛ n na. Chɛ ɛ a ma‑a wan, an ni a ɔ yen n kamayaen mu buɛ min dɔ. A sin, i wan‑na an kamaya chɛ be n ma. I na‑a a be n ma, koe min na mu, i to‑a wan n na pɛn dunya chɛ a ni to dan‑da.

CHISƆSI 'A SƆ MƆƐ NU 5:41

Chɛɛ an bu ɔ ni di wan, an mbe kɛn ka‑a Chu kuti wa chɛ ɔ. Koe min na mu, an‑na a ɔ sɔn fan, mbɛ Yataa‑a an ya mɔ chɛndɛ n na, mauma koe ɔ bia koe a Chisɔsi ko a.

GBOO DOMI KO A 8:30

Chɛ an‑na a fɔ, Yataa‑a a boo sɔ ka miin ma, a‑a an chee. A sin‑na miin chee ka, a‑a an ya mɔ tandenɛ n na a wandi tena. Mɔɛ chɛ n sin ɛ miin ya mɔ tandenɛ n na, ɛ a ma‑a wan an ni a 'a basɔmaya dɔ ma sɔn.

GBOO FEAN BƆƐ KƆYINDI KO A 3:18

Mmɔ gbɛɛ sin, koa kan kɔ kan mbe ee to bun dɔ mmɔ ya a. Chɛ an fɛ mu, mmɔ ɛ Mansa 'a manɛ an na ta, yɔ mɛmɛ. Yataa Nyina sin, min mu Mansa chɛ a, ɛ a ma tena wan, mmɔ ma‑a tee ɔ tee a Yataa bɔ nyɔɛ a, manɛ ɔ.

GBOO FEAN BƆƐ KƆYINDI KO A 5:20

Chɛ ko a, nn yen ko gbɛ nɛ, nn mu Chasi 'a sɔ mɔɛ a. Nn mbe a ɔ yian‑da, a maenɛ mu yɔ Yataa wandi an mbe koɔ tena nn dɔ. Nn mbe wo disa tena, yɔ Chasi wandi an mbe koɔ tena, Yataa ni a ma wo ni mun chɛɛ ma nyɔncha ɔ, wo ni ma a dia nyɔɛ n na.

GBOO FEAN BƆƐ KƆYINDI KO A 6:1

Nn bɛ an mbe wai chɛ tena dɔndɔ a, nn bɛ Yataa wandi a. Chɛ ko a gbɛ, nn mbe wo disa tena, wo wɛn‑na Yataa 'a koadia demanɛ ma sɔn, wo ni a bia wo boo fea a.

Gboo Ɛfisɔsi Ko A 2:20

Wo sin, wo kuu sien fan mu gban, yɔ chenɛ. Chisɔsi Chasi 'a sɔ mɔɛ nu, an bɛ Yataa 'a gbonka chɛ mɔɛ n na, an fan‑na a ma, mbɛ wo kuu si‑a. Chen chɛ gbu sin, a sɔ senɛ kuu ba mu Chisɔsi Chasi wandi an na.

Gboo Fiipai Ko A 1:29

Koe min na mu, ɛ wan gbɛ Yataa boo ɔ wo ko a, mbɛ Chasi chɛ wakoe, wo kai fa koe ma dechee a a. Chɛɛ wo gbu, wo e tɔɔya ɔ bia‑a wan a ko a.

Gboo Kɔdɔsai Ko A 1:24

Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.

1 CHƆN 1:3

Nn‑na koe min dɔ yen, nn‑na min na min nn too a, nn mbe ka an dɔ yian‑da wo a. Chɛ ɛ a ma‑a wan, mmɔ ni ma kuiɛ dɔndɔɛ ɔ, yɔ nn mbe buɛ min dɔ kuiɛ dɔndɔya ɔ, nn bɛ mmɔ Fa Yataa a, an fea a 'a denɛ Chisɔsi Chasi a.

1 CHƆN 3:24

Mɔɛ miin mbe Yataa da a kuiɛ ma, an mbe ma wan mɔ dɔndɔya ɔ a a. A sin, Yataa wɛɛ, ɛ ma wan mɔ dɔndɔya ɔ an na. Mmɔ sin mbe a ɔ sɔn ka wan, mbɛ Yataa ɛ wan mmɔ dɔndɔya ɔ mmɔ a. Mmɔ ɛ a ɔ sɔn fan, koe min na mu, a Nyina ɛ mmɔ fɛ.

1 CHƆN 4:17

Ni Yataa 'a koadia kuu si‑a mmɔ faa ɔ, ni mmɔ tachɛ‑a fɔɛ ɔ yɔ Chisɔsi‑a a ma buɛ min dɔ, mmɔ faa ee gbaa, a si gbɛmbo tee ma Yataa boo ɔ.

KO Ɔ NUNDENƐ 21:14

Fɛnsi chɛ, duu chɛ a tindanɛ, a kuu sien ni sen gbugbu wa tan kun ma fea an ma. An senɛ chɛ n kan kɔ kan ma, sa tɔngbɔɛ 'a sɔ mɔ tan kun ma fea, an tɔɛ nyɛnden fan mu an ma. Sɔ mɔ dɔndɔ, sen dɔndɔ.