CHƆN 17:21 - Yataa 'a Dɔbɛnɛ Nama

²¹ N mbe samunɛ chɛ tena, an gbɛɛ ni ma mɔ dɔndɔya ɔ. Fa, a ma an ni ma mɔ dɔndɔya ɔ mɔ a, yɔ mɔ fea chɛ mɔɛ ɛ buɛ min dɔ mɔ dɔndɔya ɔ.

CHƆN 17:21 ပူးပေါင်းရင်းမြစ်များ

MAKI 3:24

Ni chɛɛ ma‑a mɔɛ n tɛ chɛnyɛ kan kɔ kan dɔ, an chɛnyɛ chɛ ɛ yɔn fan.

CHƆN 10:16

N 'na sa dɔ n mbe wan nɔ, miin mbe ee sa kuii chɛ ɔ. N mbe na tena wan an bɛɛ a. An bɛɛ, an mbe an too ma sɔ‑a wan n da a kuiɛ ma, a sin, an gbɛɛ, an mbe ma‑a wan sa dɔndɔɛ a, an kun ma fɛn mɔɛ dɔndɔɛ ko a.

CHƆN 10:30

Nn fea Fa a, mɔ dɔndɔɛ mu nn na.”

CHƆN 10:38

Chɛɛ ni n mbe Fa 'a wai an chɛ tena, wo ma dan nin bɛɛ n na boo ɔ boo, a nyin wo ni dan n chɛ chɛ wai n nan gbu n na. Chɛ ɛ a ma‑a wan, wo ni a ɔ gbɛ fɛsɛ fɛsɛ, mbɛ nn fea Fa a, mɔ dɔndɔɛ mu nn na.”

CHƆN 11:42

N gbu n‑na a ɔ sɔn fan, mbɛ e a a min fan tima ɔ tima. Chɛɛ n‑na chɛ fɔ dechee mɔɛ chɛ n fan ko a nɛ, min mbe a ma, an ni dan a a, mbɛ i wan gbu‑a n sɔ nɛ dunya chɛ ɔ.”

CHƆN 13:32

A sin, ni n‑na a ma, mɔɛ n ni Fa Yataa 'a kamaya ɔ yen, mbɛ a wɛɛ, ɛ a ma‑a wan, n fan, Mɔ Gbu 'a Denɛ wandi, mɔɛ n ni n 'na kamaya ɔ yen. A sin, ɛ na tena wan chɛ ma‑a, a ya kɔɔɛ a.

CHƆN 13:35

Ni wo toenɛ ma‑a wo nyɔn na, mbɛ mɔ ɔ mɔ‑a a ɔ gbɛ, mbɛ n fɛ denɛ n mu wo a.”

CHƆN 17:11

Sanche chɛ ɔ gbɛ, n mbe chia an na, na koe a i tena. N tana, ɛ gbɛ buɛ min dɔ, n mbe ee ma tena to dunya chɛ ɔ. Chɛɛ an tana, an mbe wɛ nɛ chɛ a ɔ. Fa, i wɛn kan nyɔ ee, an kun ma fɛn, min mbe a ma, an ni ma mɔ dɔndɔɛ a an nyɔn tena, yɔ mɔ ɛ buɛ min dɔ. Chɛ ma i 'a gbasaya ɔ, i na‑a gbasaya min sima be n ma.

CHƆN 17:18

I na‑a n sɔ buɛ min dɔ dunya chɛ ɔ, n bɛɛ, n mbe ka wan an sɔ‑a gbɛɛ ben‑da a ɔ.

CHƆN 17:20

“N mbe samunɛ min chɛ tena, n fɛ den chɛ n dechee an ko a ma. Chɛɛ mɔɛ chɛ n bɛɛ ko a, miin mbe an kai fa‑a n na, a mu min na, n fɛ den chɛ n koɔ‑a an tena a si n ma.

CHƆN 17:25

Fa, i wɛn tanden mu, i wakoe ee mɔɛ miin faa ɔ, kɛn gba an ma i sɔn. Chɛɛ n tana, n‑na i sɔn fan tima ɔ tima ko a. A sin, n fɛ den chɛ n bɛɛ gbu, an‑na a ɔ sɔn gbɛ, mbɛ i wan‑na n sɔ.

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

CHƆN 17:8

I 'a sakana chɛ, i‑a min be n ma an ko a, n‑na a a ben fan an tena. A sin, an‑na an too ma sɔ wan a ma. Mbɛ an‑na an boo a chii a ma, mbɛ tea mu, mbɛ n ka‑a i tena wan. A sin, an danden fan mu to a a, mbɛ i wan‑na n sɔ.

CHƆN 3:17

Koe min na mu to, Yataa ma a 'a Den chɛ a na ni dunya ɔ, kaa an na tɛ koe a mɔɛ n ma, a ni an tɔɔ. Chɛɛ a‑a a a na, a ni ma an kun ka mɔɛ a.

CHƆN 5:23

A‑a chɛ ma, min mbe a ma, mɔɛ n gbɛɛ ni basɔmaya be n ma, yɔ an mbe a be buɛ min dɔ Fa ma. Mɔ ɔ mɔ min ma basɔmaya be ni n ma, a mɔɛ chɛ ma a be ni ka Fa an ma, min‑na n sɔ.

CHISƆSI 'A SƆ MƆƐ NU 2:46

Tee ɔ tee a, an ni bɛn fan kaina dɔndɔ Yataa 'a kata ɔ. An sin ni daunɛ chɛ wan an nyɔn tɛ ɔ an 'na chenɛ n na. An ni daun chɛ n chɛ faaɔgbɛ an dɔ, ni buɔdia ɔ,

CHISƆSI 'A SƆ MƆƐ NU 4:32

Mɔɛ miin gbɛɛ na‑a an kai fa ka Chisɔsi a, an 'na yiinachii ni dɔndɔ gbe, an faa ma koe ni dɔndɔ gbe. Mɔ ɔ mɔ nii ma kankan ni a ta boo fenɛ kun ma, chɛɛ an boo fenɛ n ni boo fen dɔndɔɛ n fan na. An ni an boo fenɛ n be wan an nyɔn ma, yɔ an nyɔn ma gbɔsɔɛ ni ma buɛ min dɔ.

GBOO DOMI KO A 12:5

A chia dɔndɔ gbe chɛ a, mmɔ kɔkoo wɛɛ ka boo ɔ boo Chisiancha chɛ ɔ, mmɔ ma‑a gbɛ mɔ dɔndɔ a mmɔ bɛ Chasi a. A yɛ to, mmɔ‑a tun tunden fan mu, mmɔ nyɔn na.

GBOO SAA KƆYINDI KO A 1:10

N suun ma nyɔɛ nu Chasi ɔ, n mbe wo disa tena, mmɔ 'a mansa Chisɔsi Chasi tɔɛ ɔ, kuiɛ dɔndɔya ni ma wo tɛ. Wo sɛmbɛ wo nyɔn kɔɔsa bia koe a. Wo dɔn wo nyɔn ye, wo yiima ni ma dɔndɔ gbe, a ɔ ma du du.

GBOO SAA KƆYINDI KO A 12:12

Mɔ gbu gboo ɛ dɔndɔ gbe, chɛɛ a sɔna n kɔkoo. Chɛ gbɛɛ ɔ, gboo dɔndɔ gbe chɛ mu tun, sɔna sɛsɛ n mbe wɛɛ a ma. Chisɔsi Chasi wɛɛ ɛ ka wan.

GBOO SAA KƆYINDI KO A 6:17

Chɛɛ mɔɛ min ma‑a mɔ dɔndɔɛ a, an fea Mansa Chisɔsi a, a Nyina an mbe ma an mɔɛ chɛ fɛ.

Gboo Kadesia Ko A 3:28

Wo gbɛɛ, wo bɛ Chisɔsi Chasi a, wo ma‑a gbɛ mɔ dɔndɔɛ a. Tɛ bɔ kan kɔ kan mbe ee to Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin mu yɔnɛ n na, an bɛ chɛ n na, miin mbe an fandi ko a. Tɛ bɔ ee mɔ kaima an ma, an bɛ musu n na. Mɔ tɛ bɔ ee to nɔ.

Gboo Fiipai Ko A 1:27

Koe chenama mu gbɛ min na sanche, an nɛ. Wo koe n ma, wo 'a fɔɛ ɔ, yɔ mɔɛ nu miin dan‑da sakana bai chɛndɛ chɛ a, a si Chasi ma. Chɛ an mbe a ma‑a, n ni na wo tena, n ma na wɛɛ wo tena, n mbe wo ma tɔ chɛndɛ a min‑da wan. Mbɛ wo e sɔ ɔ gban, wo yiima a kandenɛ ɛ, wo kuiɛ a kandenɛ ɛ. A sin, wo e wan wo boo si‑a wo nyɔn kɔɔ wo sɔɛ gbɛɛ a, danaya chɛ ko a, min mbe bɔ sakana bai chɛndɛ chɛ ɔ.

1 CHƆN 1:3

Nn‑na koe min dɔ yen, nn‑na min na min nn too a, nn mbe ka an dɔ yian‑da wo a. Chɛ ɛ a ma‑a wan, mmɔ ni ma kuiɛ dɔndɔɛ ɔ, yɔ nn mbe buɛ min dɔ kuiɛ dɔndɔya ɔ, nn bɛ mmɔ Fa Yataa a, an fea a 'a denɛ Chisɔsi Chasi a.

1 CHƆN 5:7

A gbu sin, siiya sawa an mbe tea chɛ ma a si Chisɔsi ma.