CHƆN 17:20 - Yataa 'a Dɔbɛnɛ Nama

²⁰ “N mbe samunɛ min chɛ tena, n fɛ den chɛ n dechee an ko a ma. Chɛɛ mɔɛ chɛ n bɛɛ ko a, miin mbe an kai fa‑a n na, a mu min na, n fɛ den chɛ n koɔ‑a an tena a si n ma.

CHƆN 17:20 ပူးပေါင်းရင်းမြစ်များ

CHƆN 10:16

N 'na sa dɔ n mbe wan nɔ, miin mbe ee sa kuii chɛ ɔ. N mbe na tena wan an bɛɛ a. An bɛɛ, an mbe an too ma sɔ‑a wan n da a kuiɛ ma, a sin, an gbɛɛ, an mbe ma‑a wan sa dɔndɔɛ a, an kun ma fɛn mɔɛ dɔndɔɛ ko a.

CHƆN 17:19

A sin, an fan ko a mu, n mbe n fandi be tena, ma koe a tenchen i ko a. Chɛ ɛ a ma‑a wan, an bɛɛ, an ni ma tenchen i ko a.

CHƆN 17:21

N mbe samunɛ chɛ tena, an gbɛɛ ni ma mɔ dɔndɔya ɔ. Fa, a ma an ni ma mɔ dɔndɔya ɔ mɔ a, yɔ mɔ fea chɛ mɔɛ ɛ buɛ min dɔ mɔ dɔndɔya ɔ.

CHISƆSI 'A SƆ MƆƐ NU 2:41

Mɔ sɛsɛ dan‑da wan sakana bai chɛndɛ chɛ a, a na‑a min sa ka. An sin‑na yii chɛ wan an kunɛ ɔ, Yataa chia a. A tee chɛ a, mɔ wu sawa an sa‑a chɛ n ma, miin na‑a an kai fa Chisɔsi a.

CHISƆSI 'A SƆ MƆƐ NU 4:4

Chɛɛ mɔɛ miin sɛsɛ na‑a Pita 'a sakana bai chɛ a min, a si Chisɔsi ma, an dan‑da wan a a. A sin, mɔ kaima miin gbɛɛ‑a an kai fa gbɛ Chisɔsi a, an danɛ ta‑a wan gbɛ wu duu ɔ.

GBOO DOMI KO A 16:26

Chɛɛ sanche gbɛ, Yataa 'a gbonka chɛ mɔɛ chɛ n‑na fenɛ miin nyɛn Yataa 'a gboo ɔ, a‑a a ma wan mɔ sɛsɛ n‑na tea ko ɔ nunden chɛ ɔ sɔn. A sin, mɔɛ gbɛɛ dunya ma, an‑na an ko ɔ nunden chɛ ɔ sɔn gbɛ. Yataa Mansa, min mbe kuɔ fɔ fɔɛ be, an‑na chɛ ma, min mbe a ma, mɔɛ n ni an kai fa a a, mbɛ an‑na kooya be a ma.

Gboo Ɛfisɔsi Ko A 4:11

A wan‑na koadia demanɛ chɛ mɔɛ n na, ma koe dama dama. A‑a mɔɛ dɔ n ma a 'a sɔ mɔɛ n na, mbɛ a‑a dɔ n ma Yataa 'a gbonka chɛ mɔɛ n na. Dɔ n sin, a‑a an ma Yataa bai sa mɔɛ n na, mbɛ a‑a gbasaya be dɔ n sin ma, an bɔɛ n sɔ koe a chia ma, a basan an kan koe a Yataa bai a.