CHƆN 17:15 - Yataa 'a Dɔbɛnɛ Nama

¹⁵ N mbe ee samunɛ chɛ tena gbɛ, min mbe a ma, i ni an bɔ dunya chɛ ɔ. Chɛɛ n mbe a chɛ tena, i ni an kun ma fɛn Sitana boo ɔ, nyina yama chɛ.

CHƆN 17:15 ပူးပေါင်းရင်းမြစ်များ

MATIU 5:37

Wo e min ma, an mu yɔ chɛ, ni wo dɔn‑da gbɛ koe min ma, wo dɔn a ma wo faa gbɛɛ a. A sin, ni wo ma dɔn ni koe min ma a saa a, wo ma yɛ to, wo ni dɔn a ma a danka a. Bai dɔ mende kan kɔ kan, min mbe bɔ‑a wo da a a ben chɛ ma, Sitana an mbe a ma‑a wo ni a fɔ.”

MATIU 6:13

I ma dɔn ko ɔ ko ni a ma, nn ni ko yama ma. Chɛɛ i ni nn tanka Sitana ma, nyina yama.’ ”

DUKU 11:4

I boo bɔ nn 'na ko yama n dɔ, a mu min na, miin mbe ko yama n ma nn na, nn bɛɛ nn mbe nn boo bɔ wan an 'na ko yama n dɔ. I ma dɔn ko ɔ ko ni a ma, nn ni ko yama ma.’ ”

DUKU 22:32

Saimɔn, chɛɛ n‑na samunɛ chɛ i ko a, i chenɛ ni sɔ gban i 'a danaya ɔ n na. A sin, ni i‑a i ya a yɛ to n ma, a ma i bɔɛ n bɛɛ, an chenɛ ni sɔ gban an 'na danaya ɔ n na.”

Gboo Kadesia Ko A 1:4

Mansa Chisɔsi chɛ, an na‑a a wandi be a fa koe a, mmɔ 'a ko yama n ko a. A na‑a chɛ ma, mɔ kun ka koe an na, mmɔ 'a ko yama n boo ɔ dunya chɛ ɔ. Mmɔ Fa Yataa sin faa ma koe, Chasi na‑a an ma ka.

GBOO FEAN BƆƐ TƐSADONIKA KO A 3:3

Chɛɛ Mansa Chisɔsi ee a da a kuiɛ yɔn. Ɛ a ma‑a wan wo faa ni sɔ, a ni wo kun ma fɛn Sitana boo ɔ.

2 TIMOTI 4:8

A ka gbɛ sanche ma, boo ɔ gbasi woo ɛ n ma kɔn tena banda bu ɔ, Mansa Chisɔsi boo ɔ, a wɛn tanden mu kaa a tɛ ɔ. Ɛ a be‑a wan n ma a tee chɛ ma. A sin mbe ee ma‑a n dɔndɔ gbe an na, chɛɛ chɛ n bɛɛ miin ya ɛ chia a, a na tima ma kɔnɛ a.

1 CHƆN 5:18

Mmɔ danden fan mu chɛ a, mbɛ Yataa 'a denɛ nu, an mbe ee an boo a chii ko yama ma ma. Koe min na mu, Yataa 'a denɛ Chisɔsi ɛ an kun ma fɛn fan. Nyina yama chɛ sin, Sitana, a ee che ko ma‑a an na.

1 CHƆN 5:19

Mmɔ tana, mmɔ‑a a ɔ sɔn fan, mbɛ Yataa 'a denɛ mu mmɔ a. Mbɛ a sin, dunya tɔɛ gbɛɛ, an mbe a wan Sitana 'a gbasaya an kɔɔ.