CHƆN 17:1 - Yataa 'a Dɔbɛnɛ Nama

¹ Chisɔsi ban‑da kɛn bai chɛ n fɔ‑a a fɛ denɛ n ye, mbɛ a‑a a ya a si banda a, a‑a samunɛ chɛ, a ɔ, “Fa, tima gbu che‑a. A ma mɔɛ n ni a ɔ yen, n kamayaen mu buɛ min dɔ, mbɛ n bɛɛ, n‑na a ma, mɔɛ n‑na i ta kamaya wɛɛ ɔ yen.

CHƆN 17:1 ပူးပေါင်းရင်းမြစ်များ

MAKI 14:41

Mbɛ a yɛ‑a to, a gba sawan bɔɛ ɔ, a fɛ den chɛ n tena. A ɔ, “Wo e ka sa ɔ chinɔɛ an dɔ tun? Wo e wo suin‑da? A kun‑da gbɛ. Tima che‑a, n fan, Mɔ Gbu 'a Denɛ, n ma tachɛ koe a, ko yama ma mɔɛ n ma.

DUKU 18:13

“Chɛɛ pawa kain mɔɛ chɛ sɔ‑a wan pɔɔ, a 'a ko yama maenɛ koa‑a a ma, a‑a a kunɛ a bun gbudu. Mbɛ a‑a a boo bun a kaa ɔ, a ɔ, ‘Yataa, chinchin n ma. Ko yama ma mɔɛ mu n na.’ ”

DUKU 22:53

Mmɔ‑a tee sɛsɛ wa chɛ gbɛɛ ban Yataa 'a kata ɔ, wo ma n bia ni. Chɛɛ wo ta tima an che‑a ka wo faa ma koe ma koe a, tima min na Sitana 'a gbasaya ɛ wɛ dunya chɛ kun ma.”

CHƆN 11:4

Chisɔsi‑a sakana chɛ a min kɛn, a ɔ, “Dasayɔsi 'a gbandi chɛ, a ee che‑a a ma‑a a ni fa kudai. Chɛ ɛ ma tena, min mbe a ma, mɔɛ n ni Yataa 'a gbasaya ɔ yen. A sin, ɛ ma tena to chia an na, n fan, Yataa 'a denɛ, mɔɛ n mbe n 'na kamaya ɔ yen‑da chia min na.”

CHƆN 11:41

Mbɛ an‑na senɛ chɛ bɔ kamba chɛ da a. Chisɔsi‑a a ya a si banda a, mbɛ a‑a a fɔ, a ɔ, “Fa, n ni i wai bɔ, a mu min na, i‑a n 'na samunɛ a min fan.

CHƆN 12:23

Mbɛ Chisɔsi ɔ, “Tima che‑a gbɛ sanche, Yataa ni a ɔ yian, n fan, Mɔ Gbu 'a Denɛ, n kamayaen mu buɛ min dɔ.

CHƆN 13:1

Tima ni gbɛ che koe an na, kun bɔ a ɔ bɛn chɛ kuu sɔ koe a. Chisɔsi na‑a a ɔ sɔn fan, mbɛ tima an ni ka gbɛ che‑a, a ni dunya chɛ to, a ni yɛ a fa tena. Mɔɛ miin ni a fɛ dunya chɛ ɔ, a na‑a to wan an na tima ɔ tima ko a. A sin, mmɔ ɛ na tena a ɔ yen‑da, a to‑a buɛ min dɔ an na, a da faenɛ ɔ gban.

CHƆN 16:32

Chɛɛ tima ɛ che tena, a sin, an tima gbu che‑a, wo gbɛɛ, wo e na tena fasan‑da n ma tima min na. Dɔndɔ dɔndɔɛ a, wo e na tena ta‑a wo ta chia an na, mbɛ wo‑a n dɔndɔ gbe ma gbaaenɛ to. Chɛɛ chɛ gbɛɛ ɔ, n dɔndɔ gbe ee ma tena, koe min na mu, Fa ɛ n kɔ gban.

CHƆN 7:30

Chisɔsi kuiɛ chɛ gbakɔ, mɔɛ chɛ dɔ n toen ni an ni a bia fɔin. Chɛɛ mɔ ɔ mɔ ma a boo tu ni a a. Koe min na mu chɛ ma‑a, tima nii ma chɛ a, tima min yianden ni a 'a fɔɛ ɔ, a bia koe a.

CHƆN 7:39

Chisɔsi na‑a chɛ fɔ, a yii ni Yataa Nyina chɛ an ma, min mbe ma‑a mɔɛ n fɛ, miin kai faenɛ ɛ ma‑a a a. Chɛɛ a tima chɛ a, Yataa Nyina chɛ nii ma yii nin bɛ, a ni ma an mɔɛ chɛ n fɛ. Koe min na mu, Chisɔsi kɔɔ ni ma sɔ nin bɛ, a ka saya ɔ, a ni sɛ manɛ ɔ.

CHƆN 8:20

Chisɔsi na‑a chɛ gbɛɛ fɔ tima min na, a ni Yataa 'a kata ɔ wan, ɛ mɔɛ n kan‑da. A ni kaina chɛ baima wan, kakaa chɛ n ni ka si ɔ kaina min, an ni boo fenɛ n be ka Yataa ma, kakaa miin dɔ. Mɔ ɔ mɔ nii ma a bia ni nɔ, a mu min na, a bia tima min yianden ni, a nii ma che nin bɛ.

CHISƆSI 'A SƆ MƆƐ NU 3:13

Ebeami ni Yataa min fai, Aisaki ni min fai, Chekɔpi wɛɛ ni min fai, mmɔ bemba n ta bemba n bɛɛ n‑na Yataa min fai, an‑na basɔmaya wa chɛ be a 'a wai chɛ mɔɛ Chisɔsi ma. Chɛɛ wo to‑a wan nɔ, wo‑a a bia, mbɛ wo‑a a be ya ɔ sɔɛ n ma. Mbɛ wo yɛ‑a, Kɔfana Padeti chen kɔɔ, a ni a yii na chii tena kɛn Chisɔsi chɛ boo ka koe a, wo‑a kɔɔsa bia chɛ wan a wakoe ma.

1 PITA 1:21

Chisɔsi Chasi, min‑na a kɔɔ sɔ a ka saya ɔ, a chɛ chɛ wai n fan‑na a ma, wo‑a wo kai fa Yataa a. Mbɛ Yataa‑a baa be a ma. Chɛ an‑na a ma, wo kai faen mu a a. A sin, wo yii na tɛen mu a ma.