CHƆN 16:33 - Yataa 'a Dɔbɛnɛ Nama

³³ N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

CHƆN 16:33 ပူးပေါင်းရင်းမြစ်များ

MATIU 9:2

Mbɛ a yen ko, mɔɛ dɔ n na‑a a tena kamin dɔndɔ a, min ni namaa a, ɛ sa ɔ yaa ɔ. Mbɛ Chisɔsi‑a a ɔ yen danaya min nyɔn sima ni an dɔ. Mbɛ a‑a a fɔ namaa chɛ ma, a ɔ, “N 'na den, i faa ma yɔn. N mbe a fɔ tena i ye, mbɛ n‑na n boo bɔ i 'a ko yama ɔ.”

DUKU 19:38

An dɔ, “Mansa Yataa ni mansa chɛ dua, min na‑a a tɔɛ ɔ. Mɔɛ n ni ma kuiɛ dɔndɔɛ ɔ Yataa a, a sin tando ni ma Yataa ma.”

DUKU 2:14

“Tando ni be Yataa ma, min mbe banda bu ɔ pɔɔ, a sin, faachima ni ma mɔ gbu n ma dunya ɔ, Yataa ɛ ko chɛndɛ ma‑a miin na.”

CHƆN 12:31

Tima an che‑a ka gbɛ sanche, Yataa ni kaa a tɛ dunya chɛ wakoe ma. Sanche chɛ ɔ, nyina yama min 'na mansaya ɛ dunya chɛ ɔ, a a bea tima an nɛ.

CHƆN 14:1

Mbɛ Chisɔsi ɔ an ma, a ɔ, “Chɛ ma wo faa mɔnɛ. Wo a a tun wo kai fa koe a Yataa a, wo ni a a tun wo kai fa koe a n bɛɛ a.

CHƆN 14:27

“N mbe wo to tena faachima an dɔ. Faachima min nyɔn sima ɛ n dɔ, n mbe an be tena wo ma. N ta faachima, n mbe min be, a ee ka yɔ dunya chɛ ɔ nɛnɛ. Wo ma ma faamɔnɛ ɔ, a sin to, wo ma chian, a si koe chɛ n ma, miin mbe ma‑a.

CHƆN 16:11

An sin ma a ɔ sɔn, kaa chɛ a tɛ‑a buɛ min dɔ. Koe min na mu, Yataa ban‑da kaa a tɛ‑a Sitana wakoe ma, min mbe dunya chɛ kun ma.

CHISƆSI 'A SƆ MƆƐ NU 14:22

Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

CHISƆSI 'A SƆ MƆƐ NU 23:11

Mbɛ a yɛɛ dɔndɔ gbe chɛ ma, Mansa Chisɔsi na‑a, a sɔ‑a Pɔɔ baima. Mbɛ Chisɔsi gbu ɔ, “I ma chian. I‑a a ɔ yian buɛ min dɔ, mɔɛ n na Chuusaɛn duu ɔ, i‑a koe min dɔ sɔn, a si n ma, e an ma tena to pan bɛɛ Domi duu ɔ.”

CHISƆSI 'A SƆ MƆƐ NU 27:22

Chɛɛ sanche gbɛ, n mbe wo disa tena, mbɛ wo ni wo faa bia. Koe min na mu, mmɔ wɛn gbɛɛ ɛ ka nɛ, mmɔ dɔndɔ wɛɛ kun mbe ee to tena koe chɛ ɔ, mmɔ 'a dɛndɛ an kun mbe to‑a a ɔ dechee.

CHISƆSI 'A SƆ MƆƐ NU 27:25

Chɛ an fɛ mu, n bɔ nu, wo wo faa bia. Koe min na mu, n kai faen fan mu Yataa a, mbɛ ɛ a ma‑a wan, yɔ a 'a maeka chɛ‑a a ɔ yian buɛ min dɔ n na.

CHISƆSI 'A SƆ MƆƐ NU 9:31

Mbɛ a ka gbɛ a tima chɛ ma, faachima yɛ‑a wan to mɔɛ chɛ n ma, chɔchi n gbɛɛ ɔ. A ka Chudia chɛnyɛ ɔ, a ta Kadidi, ni Samayia chɛnyɛ ɔ. Yataa Nyina basan‑da wan an ma, an dɔ gbɛa koe a. A sin, an ma munda‑a wan kaka, a mu min na, an gbɛɛ ni basɔmaya wa be wan Mansa Chisɔsi ma.

GBOO FEAN BƆƐ KƆYINDI KO A 1:3

Tando ni be Yataa ma. A wan mu mmɔ 'a mansa Chisɔsi Chasi fa a, ni a 'a Yataa. Chinchincha Fa mu a wan Yataa an na. A sin fan mbe mmɔ nande chia kan kɔ kan na.

GBOO FEAN BƆƐ KƆYINDI KO A 13:11

N suun ma nyɔɛ nu Chasi ɔ, an nɛ, wo buɔdia bɔ. Wo butuin chɛ, wo ni wo tachɛ buɛ n dɔ bɛn. Wo wo too ma sɔ n 'na dasi n ma. Wo ma kuiɛ dɔndɔɛ ɔ, wo ni ma faachima ɔ. A sin, Yataa min mbe faachima be, koadia ɛ to a faa ɔ, ɛ ma‑a wan wo kɔ.

GBOO FEAN BƆƐ KƆYINDI KO A 2:14

Chɛɛ n mbe Yataa wai bɔ tena. Nn ma‑a mɔ dɔndɔɛ a, Chisɔsi Chasi a. An mbe a ma tena tima ɔ tima ko a, nn mbe kun Sitana ma. A sin, Yataa ɛ a ma wan, nn mbe sakana bai chɛ ɔ yian kan kɔ kan, a si Chasi ma, yɔ fen kunyɛ a diama ɛ ta buɛ min dɔ.

GBOO FEAN BƆƐ KƆYINDI KO A 4:7

Chɛ gbɛɛ ɔ, Yataa Nyina 'a tɔnɔnɛ ma kawaenɛ ɛ ka mmɔ wɛn boo ɔ, mmɔ ɛ wan yɔ boo da. Chɛ ɛ a ɔ yian fan, mbɛ gbasaya ɛ Yataa an boo ɔ, mmɔ wan ma.

GBOO FEAN BƆƐ KƆYINDI KO A 6:4

Chɛɛ nn mbe min ma, nn 'na wai chɛ buɛ gbɛɛ ɔ, nn mbe nn tachɛ buɛ ma mɛn fan, yɔ Yataa 'a wai chɛ mɔɛ nu. A chia chɛ a, nn mbe nn faa bia wan ko gbɛama n dɔ, yakɔɔtawa n dɔ, a basan ko yawaenɛ n dɔ a.

GBOO FEAN BƆƐ KƆYINDI KO A 7:4

N yii faen mu wo ma kaka. N mbe yonka min tɛ wo ma, a da a koo. Ko gbɛama chɛ n gbɛɛ ɔ, nn mbe miin dɔ bia tena, buɔdia koo n dɔ, a gbu danka ee.

Gboo Kadesia Ko A 1:4

Mansa Chisɔsi chɛ, an na‑a a wandi be a fa koe a, mmɔ 'a ko yama n ko a. A na‑a chɛ ma, mɔ kun ka koe an na, mmɔ 'a ko yama n boo ɔ dunya chɛ ɔ. Mmɔ Fa Yataa sin faa ma koe, Chasi na‑a an ma ka.

Gboo Kadesia Ko A 6:14

Chɛɛ n tana, n mbe ee tɔmbɔɛ chɛ ɛnden bɛɛ a, fen dɔ mende ko a, mɔɔ dechee kɔn gbengbanden chɛ, Mansa Chisɔsi Chasi fa‑a min ma. An kɔn gbengbandenɛ chɛ, a‑a a ma gbɛ, n boo ee to dunya chɛ ma koe ɔ, dunya chɛ wɛɛ boo ee n ma koe ɔ.

Gboo Fiipai Ko A 4:7

Chɛ an fɛ mu, Yataa ɛ faachima min be, min benden mu mmɔ 'a ko sɔnɛ gbɛɛ ma, ɛ wo faa kun ma fɛn‑da wan, a ni wo yiima wɛɛ kun ma fɛn. Koe min na mu, mɔ dɔndɔɛ mu wo a, wo bɛ Chisɔsi Chasi a.

Gboo Kɔdɔsai Ko A 1:20

Yataa‑a a ɔ bɛn fan to, fen kɔ fen dunya chɛ ɔ, ni banda bu ɔ, Chisɔsi‑a a ma, an ma‑a a wan Yataa dia nyɔɛ n na. Yataa‑a chɛ ma wii chɛ an dɔ, Chisɔsi‑a min na bɔn kɔn gbengbandenɛ ma.

Gboo Saa Tɛsadonika Ko A 3:4

Koe min na mu, mmɔ bɛ ni wɛ tima min na, nn‑na a fɔ wan wo ye pɔɔ, mbɛ ko yawaen dɔ bia ɛ mmɔ ya ɔ. A sin, yɔ wo wandi‑a a ɔ sɔn gbɛ buɛ min dɔ, a ma‑a ka wan.

Gboo Saa Tɛsadonika Ko A 3:7

Chɛ mu nn ma faachima an na, nn 'na ko yawaen dɔ bia chɛ gbɛɛ ɔ, a basan faamɔnɛ a. Nn suun ma nyɔɛ nu, wo kai fa buɛ chɛ Chisɔsi a, a ma‑a faamanande a nn ma.

GBOO FEAN BƆƐ TƐSADONIKA KO A 3:16

Nn mbe samunɛ chɛ tena, mmɔ 'a mansa Chisɔsi wandi, mmɔ 'a faachima ɛ ka min tena, a ni faachima be wo ma tima ɔ tima ko a. A ni a be wo ma, chia ɔ chia a. A ni ma wo gbɛɛ kɔ.

2 TIMOTI 3:12

Tea ko a, ni mɔ ɔ mɔ‑a a wandi be Yataa chia ma, ni an ma‑a mɔ dɔndɔɛ a Chisɔsi Chasi a, ɛ ko yawaenɛ ɔ yen fan.

GBOO IBU MƆƐ N KO A 11:25

A na‑a a ma bɛn fan, tɔɔya ɔ bia koe a, an bɛ Yataa 'a mɔɛ n na, a e na ma buɔdia wa ɔ, ko yama ɔ.

GBOO IBU MƆƐ N KO A 7:2

A sin, fenɛ gbɛɛ, Ebeami ka‑a miin na an chɛɛ chɛ ɔ, a na‑a an du wan, si tena tanɛ a, mbɛ a‑a si tena dɔndɔ be Mɛchisɛdɛki chɛ ma. An mu mɔɛ saa a, ni mmɔ‑a mmɔ yii na chii a tɔɛ fasai ma, mbɛ an mu mansa a, min tanden mu. An mu kɛn to mansa a, Saden, min fasaien mu, faa chima mansa.

1 PITA 5:9

Wo sɔ chidi wo 'a danaya ɔ, Chasi a. Sitana ma kun wo ma. Koe min na mu, wo‑a a ɔ sɔn fan, mbɛ wo bɔɛ miin bɛɛ kai faen mu Chasi a dunya gbɛɛ ɔ, an mbe ko yawaen dɔndɔ gbe chɛ an dɔ bia tena.

1 CHƆN 2:13

Wo wɛn mu chenanɛ n na, n mbe gboo chɛ nyɛn tena wo tena, koe min na mu, wo‑a mɔɛ chɛ sɔn fan, a wɛn mbe nɔ dunya a dan tima a. Wo wɛn mu den tɔngbɔɛ n na, n mbe gboo chɛ nyɛn tena wo tena, koe min na mu, wo‑a Sitana a bea.

1 CHƆN 4:4

Chɛɛ wo tana, n 'na denɛ nu, wo e Yataa an ko a. A sin, wo kun‑da an fania mɔɛ chɛ n ma, koe min na mu, Yataa Nyina min mbe wo fɛ, a benden mu chɛ ma, min mbe dunya chɛ ma.

1 CHƆN 5:4

A mu min na, mɔ ɔ mɔ min mu Yataa 'a denɛ a, dunya chɛ ɛ ma a chen kɔɔ wan. A sin, mmɔ 'a danaya Yataa a, an‑na a ma, mmɔ kun‑da dunya chɛ ma.

KO Ɔ NUNDENƐ 12:11

Mmɔ 'a mɔɛ n‑na Sitana bea chɛɛ ɔ, sa tɔngbɔɛ wii 'a gbasaya an dɔ mu, a basan Yataa 'a sakana bai a, an ni min sa. An nii ma chian ni saya ma.

KO Ɔ NUNDENƐ 3:21

Mɔ ɔ mɔ min mbe sɔ‑a gban Yataa ko a, n mbe a ma‑a wan, a ni si n baima n 'na mansaya ɔ. An mɔɛ chɛ, ɛ ma‑a wan yɔ n fan, n sɔ‑a buɛ min dɔ gban, mbɛ n‑na si tena chɛ ya Fa Yataa tɔnfɛ.”

KO Ɔ NUNDENƐ 7:14

Mbɛ n dɔ, “Kai, n ma ko ɔ sɔn chɛ ma. N mbe i wan dɔ tisa chɛ a.” Mbɛ a ɔ n ma, “Mɔɛ chɛ nu miin kun bɔ‑a ko gbɛama wa chɛ ɔ, an fan nɛ ka. An fan‑na an 'na koa n ko, an‑na an gbɛ fo, sa tɔngbɔɛ chɛ wii a.