CHƆN 16:32 - Yataa 'a Dɔbɛnɛ Nama

³² Chɛɛ tima ɛ che tena, a sin, an tima gbu che‑a, wo gbɛɛ, wo e na tena fasan‑da n ma tima min na. Dɔndɔ dɔndɔɛ a, wo e na tena ta‑a wo ta chia an na, mbɛ wo‑a n dɔndɔ gbe ma gbaaenɛ to. Chɛɛ chɛ gbɛɛ ɔ, n dɔndɔ gbe ee ma tena, koe min na mu, Fa ɛ n kɔ gban.

CHƆN 16:32 ပူးပေါင်းရင်းမြစ်များ

MATIU 26:31

An che‑a kɛn Wodifi kɔnkɔɛ ɔ, mbɛ Chisɔsi ɔ, “Wo gbɛɛ, wo e na tena wan ka‑a n fɛ su chɛ ɔ. Koe min na mu, a nyɛnden fan mu Yataa 'a gboo ɔ, mbɛ ni Yataa‑a sa kun ma fɛn mɔɛ ya, mbɛ sa n dɔ ɛ fasan fan.

MATIU 26:56

Chɛɛ chɛ gbɛɛ ɛ ma tena, min mbe a ma, Yataa 'a gbonka chɛ mɔɛ n na‑a miin nyɛn Yataa 'a gboo ɔ, an ni bɔ a a.” Mbɛ Chisɔsi fɛ denɛ n gbɛɛ, an‑na a dɔndɔ gbe to, mbɛ an ben‑da bui‑a.

MAKI 14:27

Mbɛ Chisɔsi ɔ, “Wo gbɛɛ, wo e na tena wan ka‑a n fɛ. Koe min na mu, a nyɛnden fan mu Yataa 'a gboo ɔ, mbɛ ni Yataa‑a sa kun ma fɛn mɔɛ ya, sa n dɔ ɛ fasan fan.

MAKI 14:50

Mbɛ Chisɔsi fɛ denɛ n gbɛɛ, an‑na a dɔndɔ gbe to, mbɛ an ben‑da bui‑a.

CHƆN 12:23

Mbɛ Chisɔsi ɔ, “Tima che‑a gbɛ sanche, Yataa ni a ɔ yian, n fan, Mɔ Gbu 'a Denɛ, n kamayaen mu buɛ min dɔ.

CHƆN 16:2

An mbe wo gbain‑da wan fɛsɛ fɛsɛ, a bɔ an 'na samun chɛ chenɛ a. A sin gbu, tima ɛ che‑a wan, mɔ ɔ mɔ min mbe wo dɔndɔ wɛɛ fa‑a, ɛ ma‑a wan a yii ma, mbɛ a‑a Yataa faa ma koe an ma ka.

CHƆN 16:25

“N mbe ka sanche koe chɛ n gbɛɛ ɔ yian‑da wo a, tai n fan dɔ. Chɛɛ tima ɛ che‑a wan, mbɛ n‑na n boo bɔ tai a bɔɛ ɔ, mbɛ n koɔ‑a wo tena a si Fa ma, wo ni a ɔ gbɛ gbadan.

CHƆN 16:31

Mbɛ Chisɔsi ɔ, “An nɛ, wo dan‑da gbɛ n na fo.

CHƆN 19:27

Mbɛ a ɔ an fɛ den chɛ wɛɛ ma, a ɔ, “N bɔ, i de an nɛ gbɛ.” A sin, a ka gbɛ a tima chɛ ma, aan a ta, an fɛ den chɛ ta‑a bɔɔɛ chɛ a a waa a, a‑a a bia yɔ a de.

CHƆN 20:10

Mbɛ a fɛ den fea chɛ n yɛ‑a an baa chenɛ a.

CHƆN 4:21

Mbɛ Chisɔsi ɔ, “Bɔɔɛ, dan n da a kuiɛ a. Tima ɛ na tena wan che‑a, tima min na, mɔɛ n mbe ee Fa Yataa fai‑a kɔnkɔɛ chɛ ma, an mbe ee a fai‑a Chuusaɛn duu wɛɛ ɔ.

CHƆN 4:23

Chɛɛ tima ɛ che‑a wan, a sin gbu che‑a gbɛ, tima min na, mɔɛ miin mbe Fa Yataa fai, a Nyina ni gbasaya be an ma a fai koe a. A Nyina chɛ, ɛ tea ɔ yian‑da wan to an na a si a wan Fa Yataa wandi ma. An mɔɛ chɛ n fan mbe Yataa fai tea chia a, a sin mbe an fan yan tena a fai koe a.

CHƆN 5:25

Ka n mbe chɛ ma din wo tena, mbɛ tima ɛ che tena wan, a gbu sin che‑a, tima min na, mɔ faenɛ n mbe n kuiɛ a min‑da, n fan, Yataa 'a denɛ. An fɛn sin mbe an too ma sɔ‑a a ma, an mbe kuɔ fɔ fɔɛ ma sɔn‑da wan.

CHƆN 5:28

Bai chɛ ma wo da ɔ gbaa, n mbe na tena min fɔ‑a. Tima ɛ che‑a wan, mɔɛ miin gbɛɛ faen mu, an ni n kuiɛ a min.

CHƆN 8:16

Chɛɛ ni n‑na a ma wɛɛ ka, n mbe kaa min na tɛ‑a, ɛ ma‑a tea nɛnɛ an na. Koe min na mu, n dɔndɔ gbe an mbe ee na‑a a ma‑a n kun ma gbasaya a. Fa min‑na n sɔ, nn fea an mbe nn kun puin‑da kaina dɔndɔɛ.

CHƆN 8:29

A sin, a wɛn‑na n sɔ, nn fea an mbe nn kun puin kaina dɔndɔɛ, a ee n dɔndɔ gbe boo ka tee dɔndɔ wɛɛ. Koe min na mu, a faa chima koe nu, n mbe an fan ma tima ɔ tima.”

CHISƆSI 'A SƆ MƆƐ NU 21:6

Nn ban‑da kɛn nn saa nn nyɔn na, mbɛ nn sɛ‑a dɛndɛ gbu ɔ, an sin yɛ‑a an baa a.

CHISƆSI 'A SƆ MƆƐ NU 8:1

Sɔɔ‑a toa si, Sitibin fa koe kɔɔ. Sitibin fa‑a kɛn, mɔɛ n‑na a kuu sɔ wan ko ma gbaaenɛ sa‑a chɛ n ma Chuusaɛn, miin na‑a an kai fa Chisɔsi a. A ka Chisɔsi 'a sɔ mɔɛ chɛ n ma, mɔɛ tɔɛ chɛ n gbɛɛ miin na‑a an kai fa Chisɔsi a, an dɔ fasan‑da wan a ɔ ben‑da gbɛɛ Chudia chɛnyɛ ɔ, a basan Samayia a.