CHƆN 16:3 - Yataa 'a Dɔbɛnɛ Nama

³ Mɔɛ n mbe koe chɛ n ma‑a wan wo a, koe min na mu, an ma Fa Yataa sɔn tee dɔndɔ wɛɛ, chɛ ma, n fandi gbu wɛɛ.

CHƆN 16:3 ပူးပေါင်းရင်းမြစ်များ

DUKU 10:22

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma, ko ɔ ko kun ma. Fa dɔndɔ gbe an‑na a ɔ sɔn chɛndɛ chɛ, mɔɛ min mu n na. N bɛɛ n dɔndɔ gbe an‑na a ɔ sɔn chɛndɛ chɛ, mɔɛ min mu Fa a. N‑na mɔɛ miin ya Fa sɔn koe a, an bɛɛ‑a a ɔ sɔn‑da wan chɛndɛ chɛ, mɔɛ min mu Fa a.”

CHƆN 15:21

Chɛɛ an mbe a ma‑a wan wo ni tɔɔ, n bakoe fɛ. An mbe chɛ ma‑a wan, koe min na mu, an ma Fa Yataa sɔn, min‑na n sɔ.

CHƆN 15:23

Mɔɛ min mbe too‑a n na, ɛ too‑a ka Fa an na.

CHƆN 17:25

Fa, i wɛn tanden mu, i wakoe ee mɔɛ miin faa ɔ, kɛn gba an ma i sɔn. Chɛɛ n tana, n‑na i sɔn fan tima ɔ tima ko a. A sin, n fɛ den chɛ n bɛɛ gbu, an‑na a ɔ sɔn gbɛ, mbɛ i wan‑na n sɔ.

CHƆN 17:3

Mɔɛ n sin mbe kuɔ fɔ fɔɛ chɛ ma sɔn ka wan. An mbe i wan sɔn, tea Yataa dɔndɔɛ a, mbɛ an‑na n bɛɛ sɔn, i 'a denɛ Chisɔsi Chasi, i‑a n fɛn sɔ dunya chɛ ɔ.

CHƆN 8:19

Mbɛ an dɔ, “I fa chɛ gbu ɛ mende?” Mbɛ Chisɔsi ɔ, “Wo ma n sɔn buɛ min dɔ, wo ma Fa wɛɛ sɔn ka wan. Ni wo na‑a n sɔn fan, wo ni Fa wɛɛ sɔn‑da wan.”

CHƆN 8:55

Wo ma a sɔn bɛɛ boo ɔ boo, chɛɛ n tana, n‑na a sɔn fan. Ni n‑na a fɔ, n dɔ, n ma a sɔn, n mbe ma‑a ka fania an fɔ‑a, yɔ wo e fania fɔ tena buɛ min dɔ, a sɔn koe a. Chɛɛ n gbu sin‑na a sɔn fan, a sin, n mbe wan a da a kuiɛ ma.

CHISƆSI 'A SƆ MƆƐ NU 3:17

“N suun ma nyɔɛ nu, n‑na a ɔ sɔn fan gbɛ, mbɛ ko ɔ gbɛ waiya an‑na a ma, wo‑a chɛ ma Chisɔsi a. An‑na a ma, wo 'a ya ɔ sɔɛ n bɛɛ‑a a ma.

GBOO SAA KƆYINDI KO A 2:8

Yiimatɛ an nɛ, min nii an mɔɛ chɛ n dɔndɔ wɛɛ ɔ, mɔɛ chɛ n gbɛɛ, gbasaya ɛ miin boo ɔ dunya chɛ ɔ. Koe min na mu, a ni ma‑a an dɔ, an nii Mansa Chisɔsi fa‑a kɔn gbengbandenɛ ma, a wɛn mbe si ɔ a 'a gbasaya ɔ.

GBOO FEAN BƆƐ TƐSADONIKA KO A 1:8

Ɛ na‑a wan ta man ba ɔ, an bɛ a 'a maeka n na, mɔɛ chɛ n tɔɔ koe a, miin ban‑da Yataa ɔ. An sin nii ma bea ni sakana bai chɛ fɛ, a si mmɔ 'a mansa Chisɔsi ma.

1 TIMOTI 1:13

N na‑a a main fan, mbɛ n‑na ko ma gbaaenɛ si a 'a mɔɛ n na. Chɛɛ Yataa chinchin‑da wan n ma, koe min na mu, danaya nii n dɔ a tima a Chisɔsi Chasi ko a, a sin, n nii ma a ɔ sɔn n ni koe min ma tena.

1 CHƆN 2:23

Koe min na mu, ni mɔ ɔ mɔ ban‑da Yataa 'a denɛ ɔ, a mɔɛ chɛ ban‑da ka Fa Yataa wandi an dɔ. Ni mɔ ɔ mɔ‑a a boo si Yataa 'a denɛ kɔɔ, a‑a a boo si ka Fa Yataa wandi wɛɛ an kɔɔ.

1 CHƆN 3:1

Wo a yen bɛ, Fa Yataa‑a koadia wa min nyɔn sima yian mmɔ a. Koe min na mu, a‑a a ma, an mbe mmɔ chee Yataa 'a denɛ n na. A sin gbu, Yataa 'a denɛ mu mmɔ a. Koe min‑na a ma, dunya ma mmɔ sɔn Yataa 'a denɛ n na, a nii ma Yataa wandi gbu sɔn.

1 CHƆN 4:8

Mɔ ɔ mɔ min ma to ni a bɔɛ a, a ma Yataa sɔn. Koe min na mu, Yataa mu koadia Yataa an na.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.