CHƆN 16:28 - Yataa 'a Dɔbɛnɛ Nama

²⁸ N sin gbu ka‑a Fa tena wan, mbɛ n na‑a nɛ dunya chɛ ɔ. A sin, sanche chɛ ɔ, n mbe bɔ tena wan dunya chɛ ɔ, mbɛ n yɛ‑a Fa tena.”

CHƆN 16:28 ပူးပေါင်းရင်းမြစ်များ

DUKU 24:51

A to‑a an dua an na, mbɛ a bɔ‑a an tɛ ɔ, mbɛ Yataa‑a a ya a sɛ‑a a a banda bu ɔ.

DUKU 9:51

Tima chɛ ma ni kɛn gbɛ dɔɔya tena, Yataa na‑a tima min dɔ bɛn, Chisɔsi ya koe a a sɛ banda bu ɔ, Chisɔsi‑a a yiima ɔ bɛn fan sɛ koe a Chuusaɛn duu ɔ.

CHƆN 13:1

Tima ni gbɛ che koe an na, kun bɔ a ɔ bɛn chɛ kuu sɔ koe a. Chisɔsi na‑a a ɔ sɔn fan, mbɛ tima an ni ka gbɛ che‑a, a ni dunya chɛ to, a ni yɛ a fa tena. Mɔɛ miin ni a fɛ dunya chɛ ɔ, a na‑a to wan an na tima ɔ tima ko a. A sin, mmɔ ɛ na tena a ɔ yen‑da, a to‑a buɛ min dɔ an na, a da faenɛ ɔ gban.

CHƆN 13:3

Chisɔsi na‑a a ɔ sɔn fan, mbɛ a fa ban‑da gbasaya gbɛɛ be‑a a ma, ko ɔ ko ma koe a. A na‑a a ɔ sɔn fan to, mbɛ a ka‑a Yataa tena wan, a sin mbe yɛ tena to nɔ wan.

CHƆN 14:28

Wo‑a a a min fan, n‑na min fɔ wo ye, mbɛ n mbe na tena wan ta‑a, chɛɛ n mbe yɛ‑a wan to wo ya ɔ. Ni n ko a di wan wo ye, wo bu ɔ dia‑a wan, a si n yɛ koe ma Fa tena. Koe min na mu, a benden mu n ma.

CHƆN 16:10

An sin ma a ɔ sɔn to, koe min nyin a ma koe a, koe min na mu, n mbe yɛ tena Fa Yataa tena wan. A sin, wo ee a a tun‑da to n yen koe a.

CHƆN 16:16

Mbɛ Chisɔsi ɔ, “A to‑a gbɛ fen den, mbɛ wo ee na‑a n yen‑da to, chɛɛ tima kundu ɛnden tɛ ɔ, wo e n yen‑da wan to.”

CHƆN 16:30

Sanche mu gbɛ a boo‑a nn ma chɛndɛ chɛ, mbɛ nn yii ma koe gbɛɛ ɛ i boo faa a wan. I gbu an mbe ee mɔ ɔ mɔ ɔ tisa, ni fen mbe a yii ma, koe min na mu, i‑a mɔ gbu yii ma koe sɔn fan. Chɛ ko a, nn dan‑da gbɛ a a chɛndɛ chɛ, mbɛ i ka‑a Yataa tena wan.”

CHƆN 16:5

“Chɛɛ sanche chɛ ɔ, n mbe ta tena gbɛ Fa tena wan, min‑na n sɔ. Chɛ gbɛɛ ɔ, wo dɔndɔ wɛɛ ee n dɔ tisa tena, ni n mbe ta tena mende.

CHƆN 17:11

Sanche chɛ ɔ gbɛ, n mbe chia an na, na koe a i tena. N tana, ɛ gbɛ buɛ min dɔ, n mbe ee ma tena to dunya chɛ ɔ. Chɛɛ an tana, an mbe wɛ nɛ chɛ a ɔ. Fa, i wɛn kan nyɔ ee, an kun ma fɛn, min mbe a ma, an ni ma mɔ dɔndɔɛ a an nyɔn tena, yɔ mɔ ɛ buɛ min dɔ. Chɛ ma i 'a gbasaya ɔ, i na‑a gbasaya min sima be n ma.

CHƆN 17:13

A sin, sanche chɛ ɔ, n mbe gbɛ chia an na, na‑a i tena. Chɛɛ n mbe wɛ nɛ tima min na dunya chɛ ɔ, n mbe koe chɛ n gbɛɛ ɔ yian tena wan n fɛ den chɛ n na. Chɛ ɛ ma‑a wan, buɔdia min nyɔn sima ɛ n dɔ, an ni a buɔdia da faenɛ ma sɔn.

CHƆN 17:5

Fa Yataa, sanche gbɛ, a ma n ni ma basɔmaya chɛ ɔ, i waa a, yɔ n ni min nyɔn sima ɔ, dunya chɛ a e na to dan‑da.

CHƆN 8:14

Chisɔsi ɔ, “A ee ka. Mmɔ a ya, mbɛ n mbe siiya an bɔ tena n fandi ko a. Chɛɛ n mbe bai miin fɔ tena, tea mu. Koe min na mu, n ka‑a kaina min, n‑na nɔ sɔn fan. A sin to, n‑na n ta tena sɔn fan. Chɛɛ wo tana, wo ma an kaina chɛ n dɔndɔ wɛɛ sɔn.

CHƆN 8:42

Mbɛ Chisɔsi ɔ, “Ni Yataa an ni wo fa a, wo nii too‑a n na. Koe min na mu, n ka‑a Yataa an tena, n na‑a nɛ chɛ. N fandi an ma si ni ka dechee, n ni na n kun ye, n kun ma gbasaya ɔ. Chɛɛ Yataa an‑na n sɔ.