CHƆN 16:25 - Yataa 'a Dɔbɛnɛ Nama

²⁵ “N mbe ka sanche koe chɛ n gbɛɛ ɔ yian‑da wo a, tai n fan dɔ. Chɛɛ tima ɛ che‑a wan, mbɛ n‑na n boo bɔ tai a bɔɛ ɔ, mbɛ n koɔ‑a wo tena a si Fa ma, wo ni a ɔ gbɛ gbadan.

CHƆN 16:25 ပူးပေါင်းရင်းမြစ်များ

MAKI 4:13

Mbɛ Chisɔsi ɔ an ma, “A ni nyan fan gbu, wo ni tai chɛ ɔ gbɛ. Ni wo ma tai chɛ ɔ gbɛ ni, wo e ma ka ma gbɛ, wo ni tai dɔ mende ɔ gbɛ?

MAKI 4:34

A nii bai sa mɔɛ n tena, ni a ma tai tɛ ni. Chɛɛ ni an dechee na‑a to, an bɛ a fɛ denɛ n na, a ni tai chɛ n gbɛɛ ɔ yian fan an na.

MAKI 8:32

A sin na‑a chɛ fɔ wan, an ni a da a kuiɛ ɔ gbɛ gbadan. Mbɛ Pita‑a Chisɔsi pɛn, a ɔ, an ni sɔ an fea a. An sɔ‑a kɛn, mbɛ Pita‑a a fɔ a ye, a ɔ, a ma bai kaina chɛ fɔ.

CHƆN 10:24

Mbɛ Chu mɔɛ n na sɔn sɔn‑da a 'a tindanɛ. Mbɛ an dɔ, “I ma a ma nn ni ma kɔndɔfii ɔ tima ɔ tima ko a, a si i wakoe ma. A ma gbu nn ni a ɔ sɔn, tea chɛndɛ chɛndɛ ko a, ni i wan mu kunka mansa chɛ a.”

CHƆN 10:6

Chisɔsi na‑a tai chɛ an tɛ, chɛɛ an nii ma a ɔ gbɛ ni, a ni min fɔ tena an ye.

CHƆN 16:12

“Bai sɛsɛ ɛ wan n da a, a fɔ koe a wo ye, chɛɛ wo ee na‑a kun‑da, wo ni an gbɛɛ sa wo yii ma.

CHƆN 16:2

An mbe wo gbain‑da wan fɛsɛ fɛsɛ, a bɔ an 'na samun chɛ chenɛ a. A sin gbu, tima ɛ che‑a wan, mɔ ɔ mɔ min mbe wo dɔndɔ wɛɛ fa‑a, ɛ ma‑a wan a yii ma, mbɛ a‑a Yataa faa ma koe an ma ka.

CHƆN 16:32

Chɛɛ tima ɛ che tena, a sin, an tima gbu che‑a, wo gbɛɛ, wo e na tena fasan‑da n ma tima min na. Dɔndɔ dɔndɔɛ a, wo e na tena ta‑a wo ta chia an na, mbɛ wo‑a n dɔndɔ gbe ma gbaaenɛ to. Chɛɛ chɛ gbɛɛ ɔ, n dɔndɔ gbe ee ma tena, koe min na mu, Fa ɛ n kɔ gban.

GBOO FEAN BƆƐ KƆYINDI KO A 4:2

Chɛɛ nn‑na nn yii na chii, nn ma nn boo chɛ ni mauma koe kan kɔ kan dɔ, a ni ma nun dɔ wɛɛ a. Nn sin mbe ee koe n ma, miin mbe mɔɛ n bun. Nn gbu sin mbe ee Yataa 'a bai ma sa chia ɔ chia a. Chɛɛ nn mbe fɔɛ min dɔ, Yataa chen kɔɔ, basɔmaya da faenɛ kɔɔ mu. A sin, chɛ ɛ na tena wan pɛmbɛ a nn ko a, mɔɛ gbɛɛ tena, yiinachii chɛndɛ ɔ.