CHƆN 16:22 - Yataa 'a Dɔbɛnɛ Nama

²² Wo wɛɛ, an mbe ka ma‑a wo a sanche chɛ ɔ. Wo e faayɔnɛ an dɔ, chɛɛ a ee mɛ‑a, n mbe wo yen‑da wan to. A sin, wo bu ɔ dia‑a wan kaka. An buɔdia chɛ nɛnɛ, mɔ ɔ mɔ ee che‑a a ma‑a to, wo ni fo a a.

CHƆN 16:22 ပူးပေါင်းရင်းမြစ်များ

MATIU 28:8

Mbɛ an yɛ‑a bui chɛ bui chɛ‑a. An ta‑a, chiandia ɛ an dɔ, chɛɛ an bu ɔ ni di kaka. Mbɛ an ta‑a koe chɛ ɔ yian koe a a fɛ denɛ n na.

DUKU 10:42

chɛɛ ko dɔndɔ gbe an ma biaen mu a ma koe a. Mɛi ɛ ka sɔ chia gbu an ma, mɔ ɔ mɔ ee a bɔ an chia chɛ ma.”

DUKU 16:25

“Chɛɛ Ebeami ɔ, ‘N 'na den, i yii na chii, mbɛ tima min na i ni fɔɛ ɔ, Yataa na‑a fen chɛndɛ kan kɔ kan be wan i ma, i toen ni min na. Chɛɛ Dasayɔsi tana, a na‑a ko yawaenɛ dechee an dɔ yen. Chɛɛ sanche gbɛ, ɛ gbɛ buɔdia wa an dɔ nɛ, i sin mbe tɔɔya ɔ.

DUKU 19:26

Mbɛ mansa chɛ ɔ, ‘N ni a ma din wo tena, mbɛ mɔɛ min mbe a 'a wai ma ti bia chɛndɛ chɛ, ɛ wai ma munda sɔn fan. Chɛɛ mɔɛ min mbe ee a 'a wai ɛnden chɛ ma ti bia, ɛ fo‑a wan an wai ɛnden chɛ wɛɛ a.

DUKU 24:41

An nii ma dan nin bɛ a a, ni Chisɔsi an ni ka koɔ tena an tena. A mu min na, buɔdia ni koo wɛ an dɔ, an sin da ɔ gbaaen fa ni to. Chɛ an fɛ ni, a‑a an dɔ tisa, a ɔ, “Fen kɔ fen mbe wan nɛ wo boo ɔ, a daun koe a?”

CHƆN 14:1

Mbɛ Chisɔsi ɔ an ma, a ɔ, “Chɛ ma wo faa mɔnɛ. Wo a a tun wo kai fa koe a Yataa a, wo ni a a tun wo kai fa koe a n bɛɛ a.

CHƆN 14:19

A ɔ ma yansan to, mbɛ Yataa wakoe ee mɔɛ miin faa ɔ dunya chɛ ɔ, an mbe ee n yen‑da to. Chɛɛ wo tana, wo e n yen‑da wan, koe min na mu, ni n yɛ‑a fɔɛ ɔ, wo wɛɛ, wo e ma‑a wan fɔɛ ɔ.

CHƆN 14:27

“N mbe wo to tena faachima an dɔ. Faachima min nyɔn sima ɛ n dɔ, n mbe an be tena wo ma. N ta faachima, n mbe min be, a ee ka yɔ dunya chɛ ɔ nɛnɛ. Wo ma ma faamɔnɛ ɔ, a sin to, wo ma chian, a si koe chɛ n ma, miin mbe ma‑a.

CHƆN 16:16

Mbɛ Chisɔsi ɔ, “A to‑a gbɛ fen den, mbɛ wo ee na‑a n yen‑da to, chɛɛ tima kundu ɛnden tɛ ɔ, wo e n yen‑da wan to.”

CHƆN 16:20

Ka n mbe chɛ ma din wo tena, mbɛ wo e di chɛ‑a wan gbafi gbafi, wo ya yii ni bɔn, a si koe chɛ n ma, miin mbe na tena n tan‑da. Chɛɛ mɔɛ chɛ n tana dunya ɔ, Yataa wakoe ee miin faa ɔ, an mbe ma‑a buɔdia an dɔ. Wo e ma‑a wan faamɔnɛ ɔ, chɛɛ wo 'a faamɔnɛ chɛ ɛ mun‑da buɔdia an na wo ma.

CHƆN 16:6

A sin, n‑na a ɔ yian ka gbɛ buɛ min dɔ wo a sanche, faamɔnɛ koa‑a wo ma.

CHƆN 21:7

Mbɛ Chisɔsi fɛ denɛ dɔndɔɛ chɛ, min ko a ni di ka a ye gbeden, a‑a a fɔ Pita ye, a ɔ, “Mansa Chisɔsi an mbe ka sɔ ɔ tindi ma.” Pita‑a chɛ a min kɛn, mbɛ an 'na mansa an nɛ, mbɛ a na‑a a 'a doma min bɔ ka, ɛ nyɛ gbain chɛ‑a, mbɛ a‑a a chii fɔin a bu tɛ, mbɛ a dɛ‑a yii chɛ ɔ.

CHƆN 4:14

Chɛɛ mɔ ɔ mɔ min mbe yii chɛ min, n mbe min be‑a a ma, a kanɛ a ee gbaa‑a to kuɔ fɔ. N mbe yii chɛ min be‑a a ma, ɛ ma‑a wan a faa ɔ. A sin, an yii chɛ ɔ ee tɛ‑a, ɛ a ma‑a wan, a ni kuɔ fɔ fɔɛ ma sɔn.”

CHISƆSI 'A SƆ MƆƐ NU 13:52

A sin, Chisɔsi fɛ mɔɛ chɛ n gbɛɛ nɔ, buɔdia koa‑a wan an dɔ, Yataa Nyina wɛɛ sin ni wan an fɛ gban.

CHISƆSI 'A SƆ MƆƐ NU 16:25

Chɛɛ su tɛ tɛ ma an to‑a, Pɔɔ an fea Sidasi a, an ni wan samun chɛ‑a, an mbe ta‑a si sa‑a Yataa tena. Pimbi chen na sa mɔɛ tɔɛ chɛ nu, an too ma sɔenɛ ɛ an ma.

CHISƆSI 'A SƆ MƆƐ NU 2:46

Tee ɔ tee a, an ni bɛn fan kaina dɔndɔ Yataa 'a kata ɔ. An sin ni daunɛ chɛ wan an nyɔn tɛ ɔ an 'na chenɛ n na. An ni daun chɛ n chɛ faaɔgbɛ an dɔ, ni buɔdia ɔ,

CHISƆSI 'A SƆ MƆƐ NU 5:41

Chɛɛ an bu ɔ ni di wan, an mbe kɛn ka‑a Chu kuti wa chɛ ɔ. Koe min na mu, an‑na a ɔ sɔn fan, mbɛ Yataa‑a an ya mɔ chɛndɛ n na, mauma koe ɔ bia koe a Chisɔsi ko a.

GBOO FEAN BƆƐ KƆYINDI KO A 6:10

Faayɔnɛ ɛ nn tan tena wɛɛ, chɛɛ chɛ gbɛɛ ɔ, nn mbe buɔdia bɔ wan tee ɔ tee a. Nn maen mu bɛɛ yɔn tɔɛ n na, chɛɛ nn mbe mɔ sɛsɛ n ma tena wan nyan tɔɛ n na. Nn maen mu mɔɛ n fan na, fen kɔ fen mbe ee miin boo ɔ. Chɛɛ fen kɔ fen gbu, ɛ nn fan boo ɔ.

GBOO FEAN BƆƐ TƐSADONIKA KO A 2:16

Nn mbe samunɛ chɛ tena, Mansa Chisɔsi Chasi tena, an fea mmɔ Fa Yataa a, min toen mu mmɔ a. A sin, ɛ mmɔ faa ma nande tima ɔ tima ko a. Koe min na mu, a 'a koadia demanɛ, a ma mmɔ a bea ni kuɔ fɔ. A sin, a na‑a yiinatɛ be wan mmɔ ma chɛndɛ chɛ.

GBOO IBU MƆƐ N KO A 10:34

Wo chinchin‑da chɛ n ma, miin ni sa ɔ pimbi chenɛ a. A yɛ to, an‑na wo boo fenɛ n bɔ kɛn wo boo ɔ gbasaya a, wo faa nii ma yɔn ni ɛnden bɛɛ a. Koe min na mu, wo na‑a a ɔ sɔn fan, fenɛ ɛ wan wo ko a, min benden mu an ma, fenɛ min mbe ma‑a kuɔ fɔ ko a.

GBOO IBU MƆƐ N KO A 6:18

Chɛ ni a ma, mɔɛ n ni a ɔ yen, chia fea a, miin mbe ee mun, Yataa ɛ koe min ma. Yataa‑a a ɔ yian fan, mbɛ ko ee nɔ, min mbe a ma, a ni a da a kuiɛ yɔn. Chɛ ɛ a ma‑a wan, mmɔ wɛn na‑a bui‑a Chasi tena, mmɔ kun ma fɛn koe a, tooɔdia min mbe mmɔ ko a, mmɔ bu ɔ diama ɛ ma‑a wan, a bia koe a fɔin.

1 PITA 1:8

Wo ma a yen nin bɛ, chɛɛ wo toen fan mu a a. A yɛ to, wo kai faen fan mu a a, wo ee a yen tena wɛɛ. A sin, sanche chɛ ɔ wɛɛ, wo bu ɔ diama mu. An buɔdia chɛ danka ee, wo ee che bai fɔ‑a a si a ma.