CHƆN 16:20 - Yataa 'a Dɔbɛnɛ Nama

²⁰ Ka n mbe chɛ ma din wo tena, mbɛ wo e di chɛ‑a wan gbafi gbafi, wo ya yii ni bɔn, a si koe chɛ n ma, miin mbe na tena n tan‑da. Chɛɛ mɔɛ chɛ n tana dunya ɔ, Yataa wakoe ee miin faa ɔ, an mbe ma‑a buɔdia an dɔ. Wo e ma‑a wan faamɔnɛ ɔ, chɛɛ wo 'a faamɔnɛ chɛ ɛ mun‑da buɔdia an na wo ma.

CHƆN 16:20 ပူးပေါင်းရင်းမြစ်များ

MATIU 21:38

Chɛɛ yadi kun ma fɛn mɔɛ chɛ n‑na a wɛɛ yen kɛn, an‑na a fɔ wan an nyɔn tɛ ɔ, an dɔ, ‘Yadi ti chɛ 'a denɛ wandi gbu an nɛ. Mmɔ a fa, min mbe a ma, boo fen chɛ gbɛɛ ni ma mmɔ ta a.’

MATIU 5:4

“Mɔɛ miin mbe di chɛ‑a, an duaen mu. Yataa ɛ di ka‑a wan an ya a.

MAKI 14:72

Mbɛ a ya kɔɔɛ a, tɛ kɔnɛ konchee‑a. A fean bɔɛ an nii nɛ gbɛ, tɛ chɛ‑a chɛ ma. Mbɛ a puin‑da Pita yii ma, mbɛ Chisɔsi na‑a a fɔ wan a ye, a ɔ, “Pita, tɛ kɔnɛ e na konchee, si tena fea, e a fɔ‑a wan yɔ i ma n sɔn, gba sawa ko a.” Chɛ‑a a ma wan, Pita puyɛ‑a di a.

MAKI 16:10

Mbɛ Mɛi ta‑a, a‑a a fɛ mɔɛ kɔma chɛ n tan, an mbe sanka di chɛ‑a. Mbɛ a‑a a ɔ yian an na.

DUKU 22:45

A ban‑da kɛn samun‑da, a‑a a kɔɔ sɔ wan, mbɛ a ta‑a a fɛ den chɛ n tena. A‑a an tan fan sa ɔ chinɔɛ ɔ. Koe min na mu, an bɛɛ faa n yɔnden ba ni, min‑na a ma, an gboo ɔ fa‑a.

DUKU 22:62

Mbɛ Pita bɔ‑a baa ma, mbɛ a puyɛ‑a di a.

DUKU 23:27

Mɔ fanka wa‑a a sɔ wan Chisɔsi fɛ. An tɛ ɔ, musu dɔ n ni wan nɔ, miin ni di chɛ‑a a ko a.

DUKU 24:17

Mbɛ Chisɔsi ɔ, “N bɔ nu, wo e ka ta tena fen chia ɔ bɔɛ ɔ?” Mbɛ an sɔ‑a gbɛ, an ya kɔɔɛ maenɛ digbi digbi.

DUKU 24:21

Chɛɛ a ni wan nn 'na yiinachii ɔ, mbɛ an ni na tena mmɔ 'a Isɔɛɛ chɛnyɛ kun ka koe a. Chɛɛ chɛ gbɛɛ ɔ, tee sawan bɔɛ an nɛ bi, kɛn an‑na a fa.

DUKU 6:21

Wo duaen mu, kɔnkɔɛ ɛ wo wɛn na sanche. Yataa ɛ wo bu fa‑a wan. Wo duaen mu, wo wɛn mbe di chɛ‑a sanche. Wo e yɛn‑da wan.

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

CHƆN 16:6

A sin, n‑na a ɔ yian ka gbɛ buɛ min dɔ wo a sanche, faamɔnɛ koa‑a wo ma.

CHƆN 20:20

Chɛ fɔenɛ gbakɔ a boo ɔ, mbɛ Chisɔsi‑a a boo n yian an na, a basan a kaa a fɛ chɛ a. An na‑a an 'na mansa yenɛ min chɛ ka, a na‑a a fɛ den chɛ n bu ɔ dia‑a wan gbeden.

CHISƆSI 'A SƆ MƆƐ NU 5:41

Chɛɛ an bu ɔ ni di wan, an mbe kɛn ka‑a Chu kuti wa chɛ ɔ. Koe min na mu, an‑na a ɔ sɔn fan, mbɛ Yataa‑a an ya mɔ chɛndɛ n na, mauma koe ɔ bia koe a Chisɔsi ko a.

GBOO DOMI KO A 5:11

Chɛɛ chɛ dechee ma, a mu min na, mmɔ 'a mansa Chisɔsi Chasi an‑na a ma, mmɔ bu ɔ dia‑a Yataa ko a. An‑na a ma gbɛ sanche, Yataa ma‑a mmɔ dia nyɔɛ a.

GBOO FEAN BƆƐ KƆYINDI KO A 6:10

Faayɔnɛ ɛ nn tan tena wɛɛ, chɛɛ chɛ gbɛɛ ɔ, nn mbe buɔdia bɔ wan tee ɔ tee a. Nn maen mu bɛɛ yɔn tɔɛ n na, chɛɛ nn mbe mɔ sɛsɛ n ma tena wan nyan tɔɛ n na. Nn maen mu mɔɛ n fan na, fen kɔ fen mbe ee miin boo ɔ. Chɛɛ fen kɔ fen gbu, ɛ nn fan boo ɔ.

Gboo Kadesia Ko A 5:22

Chɛɛ ni Yataa Nyina ma‑a mɔɛ fɛ, ɛ a mɔɛ chɛ ma ka wan. An fan nɛ koadia a, buɔdia, faachima, faabia, ko chɛndɛ ma, mɔ chɛndɛya, ni mɔɛ ma koe danaya tɔɛ a.

Gboo Saa Tɛsadonika Ko A 1:6

Wo bea‑a wan nn chen gba fɛ, a basan Mansa Chisɔsi wɛɛ ta a. Wo‑a wo boo si wan a 'a sakana bai chɛ kɔɔ, a ma‑a wɛɛ ko yawaen dɔ bia a wo ma. Chɛ gbɛɛ ɔ, Yataa Nyina gboo ɔ ma fa ni a ma koe a wo bu ɔ ni dia.

CHIMISI 1:2

N suun ma nyɔɛ nu Chasi ɔ, wo bu ɔ ni dia, ni ko yawaen kan kɔ kan‑na wo tan.

CHUDA 1:24

Sanche gbɛ, mmɔ tando be Yataa ma. An mu dechee mmɔ 'a Yataa a, an mbe mmɔ baun, a 'a denɛ Chisɔsi Chasi ɔ, mmɔ 'a mansa. A wan Yataa, an mbe a ma, mmɔ ee bea, mbɛ a‑a a ma, mmɔ sɔ‑a a chen kɔɔ manɛ ɔ, mabɔ kan kɔ kan mbe ee mmɔ ma, mɔɔ buɔdia mmɔ ɔ. Mansaya, ni bemaya, a basan gbasaya a, a ka suun ma, aan sanche, ɛ Yataa an boo ɔ, kuɔ fɔ, ni kuɔ fɔ ko a. A ni ma ka.

KO Ɔ NUNDENƐ 11:10

Dunya ɔ mɔɛ n bu ɔ dia‑a wan, a si mɔ fea chɛ n fa koe ma. An mbe buɔdia bɔ‑a wan, mbɛ an‑na samba fenɛ a ta an nyɔn tena, a mu min na, mɔ fea chɛ n na‑a wan tɔɔya an ma dunya chɛ ɔ.

KO Ɔ NUNDENƐ 18:7

Tɔɔya be a ma kaka, a basan faayɔnɛ a, a ni ka a 'a dɔpanda nyan tɔ fɔɛ min gbɛɛ ɔ, a nyɔn sima tɔɔya ni si a a. A ni a yonka wan tima ɔ tima, a ɔ, ‘N yen ko si ɔ n 'na mansaya wa ɔ, fuinya musu ma n na, n sin mbe ee fuinya musu di chɛ‑a fion.’