CHƆN 16:16 - Yataa 'a Dɔbɛnɛ Nama

¹⁶ Mbɛ Chisɔsi ɔ, “A to‑a gbɛ fen den, mbɛ wo ee na‑a n yen‑da to, chɛɛ tima kundu ɛnden tɛ ɔ, wo e n yen‑da wan to.”

CHƆN 16:16 ပူးပေါင်းရင်းမြစ်များ

MAKI 16:19

Mbɛ Mansa Chisɔsi ban‑da kɛn koɔ‑a a fɛ den chɛ n tena, Yataa‑a a ya wan, a sɛ banda bu ɔ, mbɛ Chisɔsi si‑a a boo nyima ɔ.

CHƆN 12:35

Mbɛ Chisɔsi ɔ an ma, a ɔ, “Manɛ chɛ ɛ ma‑a wan bɛ wo tɛ ɔ tima ɛnden ko a. Wo a a tun tachɛ chɛ koe a, manɛ ɛ wɛ nɔ tima min na, min mbe a ma, pimbi ee bun‑da wo ma. Ni mɔɛ a ma‑a tachɛ chɛ‑a pimbi pimbi ɔ, a ee a chen kɔɔ yen, a ta chia sɔn koe a.

CHƆN 13:3

Chisɔsi na‑a a ɔ sɔn fan, mbɛ a fa ban‑da gbasaya gbɛɛ be‑a a ma, ko ɔ ko ma koe a. A na‑a a ɔ sɔn fan to, mbɛ a ka‑a Yataa tena wan, a sin mbe yɛ tena to nɔ wan.

CHƆN 13:33

N 'na denɛ nu, n mbe ma tena gbɛ wo tɛ ɔ tima kunduenɛ an ko a. Wo e wo ya a kan‑da wan n na. Chɛɛ ka n mbe chɛ fɔ wo ye, n na‑a min fɔ Chu ya ɔ sɔɛ n ye, mbɛ n mbe ma‑a kaina min, an mbe ee na‑a che‑a nɔ. A ɛ ma‑a ka wan wo wɛɛ a.

CHƆN 16:10

An sin ma a ɔ sɔn to, koe min nyin a ma koe a, koe min na mu, n mbe yɛ tena Fa Yataa tena wan. A sin, wo ee a a tun‑da to n yen koe a.

CHƆN 16:22

Wo wɛɛ, an mbe ka ma‑a wo a sanche chɛ ɔ. Wo e faayɔnɛ an dɔ, chɛɛ a ee mɛ‑a, n mbe wo yen‑da wan to. A sin, wo bu ɔ dia‑a wan kaka. An buɔdia chɛ nɛnɛ, mɔ ɔ mɔ ee che‑a a ma‑a to, wo ni fo a a.

CHƆN 16:28

N sin gbu ka‑a Fa tena wan, mbɛ n na‑a nɛ dunya chɛ ɔ. A sin, sanche chɛ ɔ, n mbe bɔ tena wan dunya chɛ ɔ, mbɛ n yɛ‑a Fa tena.”

CHƆN 16:5

“Chɛɛ sanche chɛ ɔ, n mbe ta tena gbɛ Fa tena wan, min‑na n sɔ. Chɛ gbɛɛ ɔ, wo dɔndɔ wɛɛ ee n dɔ tisa tena, ni n mbe ta tena mende.

CHƆN 17:13

A sin, sanche chɛ ɔ, n mbe gbɛ chia an na, na‑a i tena. Chɛɛ n mbe wɛ nɛ tima min na dunya chɛ ɔ, n mbe koe chɛ n gbɛɛ ɔ yian tena wan n fɛ den chɛ n na. Chɛ ɛ ma‑a wan, buɔdia min nyɔn sima ɛ n dɔ, an ni a buɔdia da faenɛ ma sɔn.

CHƆN 17:5

Fa Yataa, sanche gbɛ, a ma n ni ma basɔmaya chɛ ɔ, i waa a, yɔ n ni min nyɔn sima ɔ, dunya chɛ a e na to dan‑da.

CHƆN 7:33

Mbɛ Chisɔsi ɔ, “N mbe ma tena wɛ wo tɛ ɔ, tima ɛnden fan ko a dechee. Mbɛ a gbakɔ, n mbe yɛ‑a wan a tena, a wɛn‑na n sɔ.

CHISƆSI 'A SƆ MƆƐ NU 1:3

A ka Chisɔsi fa tee ma, aan tee bi naanin tɛ, chia sɛsɛ a, a‑a a wandi yian fan a 'a sɔ mɔɛ chɛ n na, tima sɛsɛ ko a. Chɛ ni a ma, an ni dan a a, mbɛ a ɛ wan to fɔɛ ɔ. A‑a a ma wan, mbɛ an‑na a ma gbɛ gbadan, a sin to, an‑na chia ɔ bɔɛ chɛ wan, a si Yataa 'a mansaya ma.

GBOO IBU MƆƐ N KO A 12:2

Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.