CHƆN 16:13 - Yataa 'a Dɔbɛnɛ Nama

¹³ Chɛɛ ni Yataa Nyina chɛ na‑a, min mbe tea ɔ yian a si Yataa ma, ɛ a ma‑a wan, wo ni tea gbɛɛ ɔ sɔn. A ee koɔ‑a wo tena a kun ma gbasaya n dɔ, chɛɛ ɛ min na min‑da Yataa a, ɛ an fɔ‑a wo ye. A sin, koe miin mbe na tena ma‑a, ɛ an fan dɔ yian‑da wo a.

CHƆN 16:13 ပူးပေါင်းရင်းမြစ်များ

CHƆN 12:49

N mbe ee koɔ n fandi 'a gbasaya an kɔɔ. Chɛɛ Fa min‑na n sɔ, ɛ min fɔ n ye a fɔ koe a, n mbe an fɔ.

CHƆN 14:17

An Nyina chɛ, an mbe a ma, mɔɛ n ni tea ɔ sɔn a si Yataa ma. Chɛɛ Yataa wakoe ee mɔɛ miin faa ɔ, an mbe ee che an boo si‑a a kɔɔ. Koe min na mu, an mbe ee che a yen‑da, an sin ma a sɔn. Chɛɛ wo tana, wo‑a a sɔn fan, koe min na mu, wo bɛ mu sanche chɛ ɔ, a sin mbe ma‑a wan wo fɛ ya ɔ ma.

CHƆN 14:26

Min mbe wo deman‑da, Yataa Nyina, Fa ɛ na‑a min na na‑a n gba ɔ, an mbe wo kan‑da ko ɔ ko ma, a si n 'na bai n ma. A sin mbe a ma‑a wan, n 'na bai chɛ n ni puin wo yii ma, n ni bai miin fɔ, mmɔ bɛ ni tima min na.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 15:26

“Chɛɛ min mbe wo deman‑da, n mbe a sɔ‑a wan, a ka Fa tena. Fa Yataa Nyina chɛ, an mbe tea ɔ yian‑da wo a, a si a wandi ma. N mbe a ma‑a wan a ni ka Fa tena, a ni na wo tena. A sin, ɛ n bakoe ɔ yian‑da wan wo a.

CHƆN 16:12

“Bai sɛsɛ ɛ wan n da a, a fɔ koe a wo ye, chɛɛ wo ee na‑a kun‑da, wo ni an gbɛɛ sa wo yii ma.

CHƆN 3:32

Mɔɛ min ka‑a banda bu ɔ, a tana, a‑a miin dɔ yen nɔ, a‑a miin na min, ɛ an fan dɔ yian. Chɛɛ chɛ gbɛɛ ɔ, mɔɛ n mbe ee an boo si a 'a sakana bai kɔɔ.

CHƆN 8:38

Fa na‑a koe miin yian n na, n mbe koɔ tena a si an fan ma. Wo sin, wo fa na‑a koe miin fɔ wo ye, wo e an fan ma ka.”

CHISƆSI 'A SƆ MƆƐ NU 11:28

An tɛ ɔ, mɔ dɔndɔ ni wan nɔ, min tɔ ni Akabɔsi. Yataa Nyina‑a a ma wan, Akabɔsi chɛ sin, a‑a kɔnkɔ wa na koe kɔɔ fɔ wan dunya ɔ. An kɔnkɔɛ chɛ sin na‑a Mansa Kaudiyɔsi 'a tima an na, Domi chɛnyɛ ɔ.

CHISƆSI 'A SƆ MƆƐ NU 20:23

Mɔɔ dechee Yataa Nyina ɛ min fɔ tena n ye, duu kan kɔ kan dɔ, n mbe ta min dɔ. Mbɛ tɔɔya sɛsɛ, a basan pimbi chenɛ a sa a, ɛ wan n ya ɔ.

CHISƆSI 'A SƆ MƆƐ NU 27:24

mbɛ a ɔ, ‘Pɔɔ, i ma chian. E sɔ‑a wan Domi kun ti wa chɛ chen kɔɔ. A sin yen ko, Yataa chinchin‑da i ma, a basan mɔɛ chɛ n gbɛɛ a, wo bɛ ɛ ka miin na dɛndɛ chɛ ɔ.’

GBOO FEAN BƆƐ TƐSADONIKA KO A 2:12

Chɛ ɛ denɛ min suun‑da, an nɛ, Yataa ɛ kaa a tɛ‑a wan an gbɛɛ ma, an ni tɔɔ. An gbɛɛ, miin ma dan ni tea chɛ a, a si Chisɔsi ma. A yɛ to, an faa ma koe mu ko yama ma an na.

GBOO FEAN BƆƐ TƐSADONIKA KO A 2:3

Wo ma dɔn mɔ ɔ mɔ ni wo bun ɛnden bɛɛ a. Koe min na mu, an tee chɛ ee na tena wɛ, aan tima ni che, mɔɛ sɛsɛ n mbe na‑a wan sɔ‑a Yataa a kan. Mbɛ mɔɛ min mbe ee sawa kɔɔ, a bɔ‑a ya a ma. A tana, ɛ gbɛ nɔ kasaa koe an na.

GBOO IBU MƆƐ N KO A 1:1

Suun, tima sɛsɛ ko a, Yataa na‑a koɔ wan mmɔ bemba n ta bemba n tena, chia sɛsɛ a. A sin, a ni chɛ ma, a 'a gbonka chɛ mɔɛ sɛsɛ n fan dɔ.

1 CHƆN 2:20

Chɛɛ wo tana, Chisɔsi‑a a ma, Yataa Nyina ɛ wo fɛ, min‑na a ma, wo gbɛɛ‑a tea sɔn.

1 CHƆN 2:27

Chɛɛ wo tana, Chisɔsi ban‑da Yataa Nyina a yii‑a, ma koe a wo fɛ. Tima min na mu wɛ, Yataa Nyina ɛ wo fɛ, mɔ dɔ mende ma gbɔsɔ ee wɛ wo ma, wo kan koe a. Koe min na mu, Yataa Nyina chɛ, an mbe wo kan tena ko kan kɔ kan ma. A sin tea mu, fania kan kɔ kan ma. Chɛ an fɛ mu, wo wo boo a chii, ma koe a mɔ dɔndɔya chɛ ɔ Chisɔsi a, yɔ Yataa Nyina chɛ‑a wo kan min na.

1 CHƆN 4:6

Chɛɛ nn tana, nn mbe Yataa an ko a. Chia chɛ a mu, mmɔ ɛ tɛ bɔɛ sɔn mɔɛ ma, Yataa Nyina min mbe tea ɔ yian, ɛ min fɛ, an tɛ mɔɛ a, fania fɔ nyina gbama ɛ min fɛ. Mɔ ɔ mɔ min‑na Yataa sɔn, ɛ a too ma sɔ wan nn ma. Chɛɛ mɔɛ min mbe ee Yataa ko a, a mɔɛ chɛ ee a too ma sɔ nn ma.

1 CHƆN 5:6

A wan mu, a wan Chisɔsi Chasi, min na‑a dunya ɔ. Yii chɛ‑a wan a kunɛ ɔ, Yataa chia a, a sin, a fa‑a kɛn, a wii bɔn‑da wan. Yii dechee ma chɛ ni a kunɛ ɔ, a yɛ to, a wii bɔn‑da wan to. A sin, Yataa Nyina wɛɛ‑a siiya bɔ wan, mbɛ koe chɛ n mu tea an na.

KO Ɔ NUNDENƐ 1:1

Yataa‑a koe chɛ n fan dɔ yian Chisɔsi Chasi a, koe miin ni na tena ma‑a sanche. Yataa na‑a chɛ ma, min mbe a ma, Chisɔsi wɛɛ ni an dɔ yian mɔɛ n na, miin mbe a ko a. Chɛ an fɛ mu, Chisɔsi‑a a 'a maeka sɔ wan, a ni an sakana chɛ a ben a 'a yɔnɛ Chɔn tena.

KO Ɔ NUNDENƐ 1:19

E koe miin dɔ yen tena sanche, an nyɛn, a basan chɛ n bɛɛ a, miin mbe na tena ma‑a.