CHƆN 16:10 - Yataa 'a Dɔbɛnɛ Nama

¹⁰ An sin ma a ɔ sɔn to, koe min nyin a ma koe a, koe min na mu, n mbe yɛ tena Fa Yataa tena wan. A sin, wo ee a a tun‑da to n yen koe a.

CHƆN 16:10 ပူးပေါင်းရင်းမြစ်များ

CHƆN 16:28

N sin gbu ka‑a Fa tena wan, mbɛ n na‑a nɛ dunya chɛ ɔ. A sin, sanche chɛ ɔ, n mbe bɔ tena wan dunya chɛ ɔ, mbɛ n yɛ‑a Fa tena.”

CHƆN 16:5

“Chɛɛ sanche chɛ ɔ, n mbe ta tena gbɛ Fa tena wan, min‑na n sɔ. Chɛ gbɛɛ ɔ, wo dɔndɔ wɛɛ ee n dɔ tisa tena, ni n mbe ta tena mende.

CHƆN 3:14

Mosisi ni tima min na suun fuinɛ ma, ka chɛ, min nyandenɛ ni kundu ɔ, a na‑a a dɛn fan kɔnɛ a. A chia dɔndɔ gbe chɛ a, n fan, Mɔ Gbu 'a Denɛ wɛɛ, an mbe n dɛn‑da ka wan.

CHƆN 5:32

Chɛɛ siiya ɛ bai sa tena wan, a si n bakoe ma. N sin‑na a ɔ sɔn fan, mbɛ a 'a siiya a si n ma, tea mu a a.

CHƆN 7:33

Mbɛ Chisɔsi ɔ, “N mbe ma tena wɛ wo tɛ ɔ, tima ɛnden fan ko a dechee. Mbɛ a gbakɔ, n mbe yɛ‑a wan a tena, a wɛn‑na n sɔ.

CHISƆSI 'A SƆ MƆƐ NU 17:31

Koe min na mu, a‑a tee yian, ɛ tea gbɛmbo chɛ‑a mɔ gbu gbɛɛ a, dunya ɔ tee min ma. Ɛ a ma‑a wan, a na‑a a boo sɔ mɔɛ min ma, a ni mɔɛ n gbɛmbo. A sin‑na yiinatɛ be wan mmɔ ma, a‑a a ma kɛn, kamin chɛ‑a a kɔɔ sɔ, a ka saya ɔ.”

CHISƆSI 'A SƆ MƆƐ NU 2:32

Chisɔsi wandi gbu ni, Yataa‑a min na sɔ a ka saya ɔ. Nn gbɛɛ sin mu wan sii n na chɛ ko a.

CHISƆSI 'A SƆ MƆƐ NU 3:14

A ni tenchen Yataa 'a wai an ko a, a sin, a tanden fan ni Yataa tena. Chɛɛ chɛ gbɛɛ ɔ, wo ban‑da wan a ɔ, mbɛ wo‑a Kɔfana Padeti disa, wo ɔ, a ni a boo ka mɔ fa mɔɛ a wo ye.

CHISƆSI 'A SƆ MƆƐ NU 7:52

Yataa 'a gbonka chɛ mɔ kan kɔ kan nii nɔ, ni wo bemba n ta bemba n ma ko ma gbaaenɛ sa ni min ma. An‑na Yataa 'a gbonka chɛ mɔɛ chɛ n fa wan, miin na‑a a gbonka suun, a si Yataa 'a wai chɛ mɔɛ ma. Mbɛ an wai chɛ mɔɛ chɛ, min tanden mu a chen kɔɔ, ɛ na‑a wan. Chɛɛ wo gbu‑a a ma tachɛ gbɛ, mbɛ wo‑a a fa.

GBOO DOMI KO A 1:17

Koe min na mu, sakana bai chɛndɛ chɛ ɛ a ɔ yian tena wan, Yataa ɛ a ma buɛ min dɔ, mmɔ ni tan a tena. Chɛ ee bɔ ko dɔ mende kan kɔ kan dɔ, mɔɔ dechee danaya dɔndɔ gbe Yataa a. Ɛ wan dechee, yɔ Yataa 'a gboo‑a a fɔ buɛ min dɔ, a ɔ, “Mɔɛ min mbe a kai fa‑a Yataa a, ɛ an ya mɔ tandenɛ a, a sin fan mbe kuɔ fɔ fɔɛ ma sɔn.”

GBOO SAA KƆYINDI KO A 1:30

A wan Yataa dɔndɔ gbe, a wan‑na a ma, wo ma‑a mɔ dɔndɔɛ a Chisɔsi Chasi a. Ni mmɔ‑a a fɔ, yiimatɛ ɛ mmɔ ɔ, Chasi mu. Ni mmɔ‑a a fɔ, mmɔ tanden mu, a wan mu. A‑a mmɔ kun bɔ mmɔ 'a ko yama n dɔ, mmɔ ma‑a Yataa 'a mɔɛ n na.

GBOO FEAN BƆƐ KƆYINDI KO A 5:21

Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.

Gboo Kadesia Ko A 5:5

Koe min na mu, mmɔ tana, Yataa Nyina 'a gbasaya ɔ, yiinatɛ ɛ ka mmɔ wɛn dɔ, mbɛ Yataa ɛ mmɔ ya wan mɔ tandenɛ n na, a tena. Mmɔ kai faenɛ ɛ Chasi a, mbɛ chɛ ɛ ma‑a wan.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

1 PITA 3:18

An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.