CHƆN 15:6 - Yataa 'a Dɔbɛnɛ Nama

⁶ Nn fea mɔɛ min na, nn mbe ee mɔ dɔndɔya ɔ, a mɔɛ chɛ ɛ ma‑a wan yɔ kɔnɛ bonɛ, ɛ tɛ‑a wan a a, mbɛ a gbaa‑a. Kɔn bonɛ gbaaenɛ bonda chɛ nu, mɔɛ n mbe an na sɔn‑da wan, an ni sa ta a, minda koe a sɔɛ a.

CHƆN 15:6 ပူးပေါင်းရင်းမြစ်များ

MATIU 13:41

N fan, Mɔ Gbu 'a Denɛ, n mbe n 'na maeka n na na wan mɔɛ chɛ n tɛ ɔ, miin mbe Yataa 'a mansaya kɔɔ. An mbe mɔɛ chɛ n gbɛɛ a sɔn sɔn‑da wan, mɔɛ miin mbe ko yama ma‑a, ni miin bɛɛ an bɔɛ n na dɛ‑a ko yama ɔ.

MATIU 27:5

Mbɛ Chudasi‑a kɔpɔɛ gbu a dɛ nɔ Yataa 'a chen chɛ bu ɔ. Mbɛ a ta‑a, a‑a a wandi dɛn, a fa‑a nɔ.

MATIU 3:10

Ni kɔnɛ ma gbɔ chɛndɛ be ni, mɔɛ ɛ a tɛ wan a suu ma, mbɛ a‑a a minda. Wo gbɛɛ wo maen fan mu yɔ kɔnɛ nu. Yataa 'a yende a saen fan mu wo dɔ n tɛ koe a wo suu ma, wo wɛn mbe ee ko chɛndɛ ma‑a.

MATIU 7:19

A chia dɔndɔ gbe chɛ a, an gbonka chɛ mɔɛ chɛ n mbe miin ma‑a, an fan mbe a ɔ yian‑da wo a, an mbe buɛ min dɔ. Chɛ an‑na a fɔ, kɔn kan kɔ kan, min ma gbɔ chɛndɛ be ni, a ɛ tɛ‑a wan, mbɛ a a dɛ‑a ta ɔ.”

CHƆN 15:2

N bonɛ kan kɔ kan, min mbe ee gbɔ chɛndɛ be, ɛ a ka wan a ma. N bonɛ min sin mbe ee gbɔ a tenden be, ɛ a tɛ‑a wan a a, min mbe a ma, a ni nyan chɛndɛ, mbɛ a gbɔ‑a wɔsɔkɔɔ.

GBOO IBU MƆƐ N KO A 10:27

Chɛɛ ni mmɔ‑a chɛ ma, mmɔ ɛ ma‑a gbɛ ko dɔndɔ an ma kɔn‑da gbɛ dechee, chiandia ɔ. An nɛ gbɛmbo tee a, ni ta wa chɛ min mbe mɔɛ n kasaa‑a, miin mbe ee Yataa ko a.

2 PITA 2:20

Mɔɛ n‑na a ɔ sɔn, mbɛ mmɔ baun mɔɛ, mmɔ 'a mansa Chisɔsi Chasi an mbe mmɔ baun. Chɛ‑a a ma, an kun bɔ‑a an 'na ko yama n dɔ, dunya chɛ ɔ. Chɛɛ an ma yɛ to an 'na ko yama kun ma, a ni kun an ma dɔgbɔ. Ni chɛ ma‑a, ɛ yaua‑a wan an mɔ bonda chɛ n ko a tee dankama tee ma, a ni ben a kuu sɔ tena ma.

1 CHƆN 2:19

Mɔɛ chɛ n ni wan dechee mmɔ tɛ ɔ, chɛɛ mmɔ yiima nii dɔndɔ an na. Chɛ an‑na a ma, an ka‑a mmɔ fɛ, an ta‑a. Ni mmɔ yiima ni wan dɔndɔ gbe, an nii ka‑a mmɔ fɛ. Chɛɛ an ka‑a min chɛ‑a mmɔ fɛ, chɛ‑a a ɔ yian fan ka, mbɛ mmɔ yiima nii kaina dɔndɔ.

KO Ɔ NUNDENƐ 20:15

A sin, mɔ ɔ mɔ min tɔɛ nii ma bɔ ni gboo chɛ ɔ, mɔɛ miin‑na kuɔ fɔ fɔɛ ma sɔn, an tɔɛ ɛ gboo min dɔ, an mɔɛ chɛ a dɛ‑a wan ta man ba ɔ.

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”