CHƆN 15:5 - Yataa 'a Dɔbɛnɛ Nama

⁵ “N fan mu kɔnɛ a, wo sin, n bonɛ n mu wo a. Nn mbe ma‑a mɔ dɔndɔya ɔ, mɔɛ min na, a ma n boo ka ni, n bɛɛ, n ma a boo ka ni, a mɔɛ chɛ ɛ gbɔ sɛsɛ be‑a wan. Koe min na mu, wo ee che ko ɔ ko ma‑a, wo kun ma a a, ni n mbe ee wo kɔ.

CHƆN 15:5 ပူးပေါင်းရင်းမြစ်များ

MATIU 13:21

Chɛɛ Yataa 'a bai chɛ ee si an yiima ɔ, tima ɔ yansama ko a. An mbe dan dechee a a tima kundu ɛnden fan ko a. Ni an‑na ko ma gbaaenɛ sa an ma dechee, sakana bai chɛ wako a, an mbe an boo bɔ wan a kɔɔ.

CHƆN 12:24

Ka n mbe chɛ ma din wo tena, mbɛ chin fen kuu, a mu chin fen kuu dɔndɔɛ an na, aan a ni chin, mbɛ a tui‑a. Ni a tui‑a wan, min mbe bɔ gbɛ, mbɛ a‑a gbɔɛ be kaka.

CHƆN 15:16

Wo wan ma n ya ni, ma koe a wo kan mɔ a, chɛɛ n fan‑na wo ya, ma koe a n fɛ mɔɛ n na. N fan‑na wo ya, mbɛ n‑na wai be wo ma, wo ni ta, wo chɛ chɛ wai ni koa. Wo chɛ chɛ wai chɛ n sin, an ni ma kuɔ fɔ wai n na. Ni wo‑a chɛ ma, Fa ɛ fen kɔ fen be‑a wan wo ma, wo e a ɔ tisa‑a min ko a, n tɔɛ ɔ.

CHƆN 5:19

Mbɛ Chisɔsi ɔ an ma, a ɔ, “N ni chɛ ma din wo tena, mbɛ n fan, n fɛn mu ka Yataa 'a denɛ a, n mbe ee che ko ɔ ko ma‑a, n kun ma gbasaya a. N mbe koe chɛ n fan ma dechee, n mbe Fa yen miin ma‑a. N Fa, ɛ koe miin ma, n bɛɛ, n fɛn mu a 'a denɛ a, n mbe an fan ma.

CHƆN 9:33

Ni kamin chɛ nii ma ka ni Yataa tena wan, a nii kun‑da a ni n ya chɛ a ka.”

CHISƆSI 'A SƆ MƆƐ NU 4:12

Yataa‑a gbasaya be Chisɔsi dɔndɔ gbe an ma, a ma koe a mɔ gbu gbɛɛ ni bauncha ma sɔn. Yataa ma tɔ dɔ mende a bɔ ni to dunya chɛ ɔ, mmɔ ɛ min chee bauncha ma sɔn koe a, a fɔ dechee Chisɔsi dɔndɔ gbe.”

GBOO DOMI KO A 12:5

A chia dɔndɔ gbe chɛ a, mmɔ kɔkoo wɛɛ ka boo ɔ boo Chisiancha chɛ ɔ, mmɔ ma‑a gbɛ mɔ dɔndɔ a mmɔ bɛ Chasi a. A yɛ to, mmɔ‑a tun tunden fan mu, mmɔ nyɔn na.

GBOO DOMI KO A 6:22

Chɛɛ sanche chɛ ɔ, wo kun bɔ‑a wo 'a ko yama n dɔ, wo ma‑a gbɛ Yataa 'a yɔnɛ n na. Wo 'a fɔɛ chɛ ɔ gbɛ, wo e gbɛ tenchen Yataa an ko a. Chɛ sin tɔnɔnɛ mu kuɔ fɔ fɔɛ an na wo ko a.

GBOO DOMI KO A 7:4

N suun ma nyɔɛ nu Chasi ɔ, wo wɛɛ ɛ ka wan. Sawa ta fɛ chia a, a maen fan mu dechee yɔ wo wɛɛ na‑a fa wan. Chasi‑a saya min chɛ, a‑a a ma yɔ wo wɛɛ fa‑a sawa tena. A sin sanche gbɛ, wo e Chasi an ko a, min kɔɔ sɔ‑a saya ɔ. Chɛ ma‑a, min mbe a ma, mmɔ ni gbɔɛ be Yataa ko a.

GBOO SAA KƆYINDI KO A 10:16

Ni mmɔ ma‑a Mansa Chisɔsi 'a tebu chɛ ma, a yɛ to, ni mmɔ ma‑a gbɛ min‑da kɔpu chɛ ɔ, mmɔ‑a Yataa fai min dua koe a, mmɔ ɛ ma ka Chasi wii an ma sɔn‑da kuiɛ dɔndɔya ɔ. A sin to, ni mmɔ‑a biidi ɔ kai, mmɔ ni a daun, mmɔ ɛ ma‑a ka Chasi gboo an ma sɔn‑da kuiɛ dɔndɔya ɔ.

GBOO SAA KƆYINDI KO A 12:12

Mɔ gbu gboo ɛ dɔndɔ gbe, chɛɛ a sɔna n kɔkoo. Chɛ gbɛɛ ɔ, gboo dɔndɔ gbe chɛ mu tun, sɔna sɛsɛ n mbe wɛɛ a ma. Chisɔsi Chasi wɛɛ ɛ ka wan.

GBOO SAA KƆYINDI KO A 12:27

Sanche chɛ ɔ, wo gbɛɛ, wo mu Chasi gboo dɔndɔɛ chɛ an na. A sin, dɔndɔ dɔndɔɛ a, wo mu a sɔna n fan na.

GBOO FEAN BƆƐ KƆYINDI KO A 13:8

Koe min na mu, nn mbe ee ko ɔ ko ma, miin mbe ee tea gbee a. Chɛɛ ɛ ma tea gbee an na, a si Chisɔsi ma.

GBOO FEAN BƆƐ KƆYINDI KO A 9:10

Yataa sin fan mbe chin fen kuu be chin fen chin mɔɛ ma, ɛ daun fenɛ be mɔ gbu ma, a daun koe a. Chin fen kuu gbɛɛ, i toen mu min na, ɛ a be‑a wan i ma. Ɛ i boo fenɛ ma munda‑a wan, min mbe a ma, e fenɛ min be yakɔɔtawa tɔɛ n ma, a ni koa.

Gboo Kadesia Ko A 5:22

Chɛɛ ni Yataa Nyina ma‑a mɔɛ fɛ, ɛ a mɔɛ chɛ ma ka wan. An fan nɛ koadia a, buɔdia, faachima, faabia, ko chɛndɛ ma, mɔ chɛndɛya, ni mɔɛ ma koe danaya tɔɛ a.

Gboo Ɛfisɔsi Ko A 5:9

Koe min na mu, a ɔ ɛ yen ka wan, mbɛ mɔɛ ɛ wan manɛ kɔɔ. Mɔ ɔ mɔ min mbe manɛ chɛ kɔɔ, ɛ ko chɛndɛ an ma tea tea ɔ, a sin, a tanden mu Yataa tena.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

Gboo Fiipai Ko A 4:13

Chasi 'a gbasaya ɔ, ɛ min be n ma, n mbe che wan, n ni ko ɔ ko kan kɔ kan ma.

Gboo Fiipai Ko A 4:17

An ma a fɔ ni, mbɛ n toen mu dechee wo boo fenɛ n fan ma sɔn koe a. Chɛɛ n toen mu n ni a ɔ yen, Yataa ni wo deman, basan koe chɛ a n ma.

Gboo Kɔdɔsai Ko A 1:10

Chɛ ɛ a ma‑a wan, wo ni kosan tachɛ‑a fɔɛ ɔ, min mbe nyan Mansa Chisɔsi tena, a faa ni chima a da faenɛ ɔ. Tima ɔ tima, wo e ko chɛndɛ sɛsɛ ma‑a wan. Wo 'a yiimatɛ ma ni mun‑da a si Yataa wakoe ma.

Gboo Kɔdɔsai Ko A 1:6

Sakana bai chɛndɛ chɛ ɛ a ma tena wan, ko chɛndɛ sɛsɛ ɛ mɔɛ n tan tena tima ɔ tima ko a dunya gbɛɛ ɔ. A sin, wo wandi wɛɛ tɛ ɔ, ɛ ma tena ka wan. A bia tee saa saa chɛ ma, wo na‑a a a min kɛn, mbɛ wo dan‑da koadia demanɛ a chɛndɛ chɛ, Yataa ɛ min chɛ tea tea ɔ.

CHIMISI 1:17

Ko chɛndɛ gbɛɛ, mabɔ ee min ma, ɛ ka Yataa an tena. Manɛ gbɛɛ, miin na dandenɛ ɛ banda bu ɔ, a boo gba mu an na. Ko chɛndɛ kan kɔ kan, mabɔ ee min ma, a wan‑na an be mmɔ ma, a ka banda bu ɔ. A tana, a ee mun kuɔ fɔ. A ee ka yɔ nininɛ, min mbe ka a gba ɔ.

1 PITA 2:4

Wo na Chisɔsi tena. An mu senɛ chɛ a, min mbe fɔɛ ɔ. Mɔ gbu n ban‑da wan a ɔ, chɛɛ Yataa tana, a ma kawaen mu a tena, a sin‑na a boo sɔ a ma.

2 PITA 3:18

Chɛɛ koadia demanɛ, a kun ma ni sa wo tena. A yɛ to, yiima min mbe wo ɔ, a si mmɔ 'a mansa Chisɔsi Chasi ma, mmɔ baun mɔɛ, a kun ma ni sa. Tando ni ma a tɔɛ ma sanche, ni kuɔ fɔ ko a. A ni ma ka.