CHƆN 15:26 - Yataa 'a Dɔbɛnɛ Nama

²⁶ “Chɛɛ min mbe wo deman‑da, n mbe a sɔ‑a wan, a ka Fa tena. Fa Yataa Nyina chɛ, an mbe tea ɔ yian‑da wo a, a si a wandi ma. N mbe a ma‑a wan a ni ka Fa tena, a ni na wo tena. A sin, ɛ n bakoe ɔ yian‑da wan wo a.

CHƆN 15:26 ပူးပေါင်းရင်းမြစ်များ

DUKU 24:49

Mbɛ a yen ko, n mbe a a yii‑a wan wo tena, Fa Yataa na‑a wo too ɔ dia‑a min na. Chɛɛ wo ma ka nɛ Chuusaɛn aan wo ni gbasaya ma sɔn, min mbe ka‑a banda bu ɔ.”

CHƆN 14:26

Min mbe wo deman‑da, Yataa Nyina, Fa ɛ na‑a min na na‑a n gba ɔ, an mbe wo kan‑da ko ɔ ko ma, a si n 'na bai n ma. A sin mbe a ma‑a wan, n 'na bai chɛ n ni puin wo yii ma, n ni bai miin fɔ, mmɔ bɛ ni tima min na.

CHƆN 16:7

Chɛɛ n mbe chɛ ma din tena wo tena, mbɛ a nyin fan wo ko a, n ni ta. Koe min na mu, ni n ma yɛ ni, Yataa Nyina min mbe wo deman‑da, a ee na‑a wo tena. Chɛɛ ni n yɛ‑a, n mbe a ma‑a wan, a ni na wo tena.

CHƆN 8:42

Mbɛ Chisɔsi ɔ, “Ni Yataa an ni wo fa a, wo nii too‑a n na. Koe min na mu, n ka‑a Yataa an tena, n na‑a nɛ chɛ. N fandi an ma si ni ka dechee, n ni na n kun ye, n kun ma gbasaya ɔ. Chɛɛ Yataa an‑na n sɔ.

CHISƆSI 'A SƆ MƆƐ NU 1:4

An bɛ ni wan tima dɔndɔ a daun chɛ tena, mbɛ a‑a dasi be an ma, a ɔ, “Wo ma bɔ Chuusaɛn duu ɔ, chɛɛ wo fen chɛ ma kɔn, Fa Yataa‑a wo too ɔ dia min be koe a wo ma. N na‑a a wakoe ɔ yian fan wo a,

CHISƆSI 'A SƆ MƆƐ NU 15:8

A sin, Yataa min‑na mɔ ɔ mɔ faa ɔ koe sɔn, a dɔn‑da wan an ma koe a ka. A‑a a ma wan, Yataa Nyina bea‑a an bɛɛ fɛ, yɔ a‑a a ma buɛ min dɔ mmɔ ko a.

CHISƆSI 'A SƆ MƆƐ NU 5:32

Nn fan mu koe chɛ n gbɛɛ ma sii a. A yɛ to, Yataa Nyina wɛɛ, min mbe bea mɔɛ fɛ, miin mbe kooya be Yataa ma, sii mu to a wɛɛ a.”

GBOO SAA KƆYINDI KO A 1:6

Chɛ‑a a ɔ yian fan ka, mbɛ nn‑na bai min fɔ wo ye, a si Chisɔsi Chasi ma, mbɛ wo boo a sien mu a kɔɔ chɛndɛ chɛ.

GBOO IBU MƆƐ N KO A 2:4

Yataa wandi wɛɛ, a na‑a a ɔ yian fan, mbɛ tea mu sakana bai chɛ a. A na‑a chɛ ma kamaya koe sɛsɛ n fan dɔ. A yɛ to, a ni a ma wan to, a Nyina ni mɔɛ n dua chia sɛsɛ n na. Ni Yataa wandi toen ni chɛ ni ma, tima ɔ tima ko a, a ni ma wan.

KO Ɔ NUNDENƐ 22:1

Chɛ gbakɔ, maeka chɛ‑a yii chɛ yian n na, yii min mbe fɔɛ be. An yii chɛ kunɛ ɛ Yataa 'a mansa sea chɛ tena wan, an fea sa tɔngbɔɛ chɛ a. Yii gbu ɛ yii‑a, a kɔɔ gbɛenɛ ɛ fo, ɛ ma‑a mia mia yɔ mɛmɛ.