CHƆN 15:25 - Yataa 'a Dɔbɛnɛ Nama

²⁵ Chɛ ma‑a, min mbe a ma, min nyɛnden ni an 'na sawa n dɔ, a ni bɔ a a. A nyɛnden ni ka wan, ‘An too‑a wan n na dechee, n nii ma ko ɔ ko yɔn ni an ma.’

CHƆN 15:25 ပူးပေါင်းရင်းမြစ်များ

MATIU 10:8

Wo gbandi mɔɛ n baun, mbɛ wo‑a fɔɛ a yɛ chɛ n sun da a, miin faenɛ ɛ. Wo mɔɛ chɛ n baun, gboo ma gbandi yama ɛ miin ma, mbɛ wo‑a nyina yama n gbain mɔɛ n fɛ. N‑na gbasaya chɛ be wo ma gbama an na. N ma fen bia ni wo boo ɔ. Chɛ an fɛ mu, wo wɛɛ, wo ta, wo ni mɔɛ n deman. Wo ma an dɔ tisa fen kɔ fen ko a.

DUKU 24:44

Mbɛ a ɔ, “Tima min na mmɔ bɛ ni, n na‑a a fɔ wan wo ye, mbɛ koe miin gbɛɛ nyɛndenɛ ɛ a si n ma, mbɛ an gbɛɛ ɛ bɔ‑a wan a a. Mbɛ ko ɔ ko sawa chɛ ɔ, Yataa‑a min be Mosisi ma, an bɛ Yataa 'a gbonka chɛ mɔɛ tɔɛ n na, a basan Yataa tando si gboo a, an gbɛɛ ɛ bɔ‑a wan a a.”

CHƆN 10:34

Chisɔsi ɔ, “A nyɛnden fan mu, wo wandi gbu 'a sawa gboo ɔ, mbɛ Yataa na‑a a fɔ wan, a ɔ, ‘Wo mu Yataa dɔma n fan na.’

CHƆN 13:18

“N mbe ee bai chɛ fɔ tena wo gbɛɛ an ko a. N‑na a ɔ sɔn fan, n‑na n boo sɔ mɔɛ miin sima ma, ma koe a n fɛ. Chɛɛ Yataa 'a gboo‑a min fɔ, ɛ bɔ‑a wan a a. A‑a a fɔ wan, a ɔ, ‘Nn fea mɔɛ min na, nn mbe n 'na daun fenɛ ɔ du, a bun‑da n chɛɛ‑a.’

CHƆN 19:36

Chɛ na‑a ma, min mbe a ma, Yataa 'a gboo‑a min fɔ, a ni bɔ a a. A‑a a fɔ wan, a ɔ, “An mbe ee a kuu dɔndɔ wɛɛ ɔ kai‑a.”

GBOO DOMI KO A 3:19

Mmɔ‑a a ɔ sɔn gbɛ sanche, mbɛ sawa chɛ‑a min gbɛɛ fɔ, a sien mu chɛ n fan ma, miin mbe sawa gbu kɔɔ. An mbe a ma, an mbe ee kafai kan kɔ kan be ko yama ma koe a. A sin to, ɛ a ma‑a wan Yataa ni kaa a tɛ, a si mmɔ gbɛɛ a ko yama ma.

GBOO DOMI KO A 3:24

Chɛɛ Yataa 'a chinchimaya an‑na a ma, a‑a mmɔ ya mɔ tandenɛ n na a chen kɔɔ. Ko kan kɔ kan dɔ gbɛɛ an ma a ma ni, a ni chɛ ma. A‑a chɛ ma koe min na, Chisɔsi Chasi‑a mmɔ kun ka wan mmɔ 'a ko yama n dɔ.

GBOO FEAN BƆƐ KƆYINDI KO A 11:7

N ma ko yama an ma ni ka, n fandi ma yii koe a, min mbe a ma, n ni wo a sɛ. N‑na Yataa 'a sakana bai chɛ ɔ yian fan wo a, n ma wo ɔ tisa ni fen kɔ fen be koe a.

Gboo Kadesia Ko A 2:21

N mbe ee dɔn, n ni Mansa Chisɔsi 'a koadia demanɛ kɔɔsa bia. Koe min na mu, ni Yataa 'a sawa nu, an fan mbe mɔɛ ma mɔ tandenɛ a Yataa tena, mbɛ Chasi fa‑a wan fuu.

GBOO FEAN BƆƐ TƐSADONIKA KO A 3:8

Nn nii ma dɔn ni, nn ni fen kɔ fen bia mɔ ɔ mɔ boo ɔ, gbama gbama a. Nn na‑a wai chɛ wan nn sɔɛ gbɛɛ a, su ɔ tee a, min mbe a ma, nn ma koe ma na si wo dɔndɔ wɛɛ kun ma.

KO Ɔ NUNDENƐ 21:6

Mbɛ a ɔ te n ma to, a ɔ, “N ban‑da koe chɛ n gbɛɛ chɛ‑a. N fan mbe a ma fen fen mbe a kuu sɔ, n fan mbe a ma to fen fen mbe danka. Mɔ ɔ mɔ min kanɛ a gbaaen mu, n mbe yii be‑a wan a ma. N mbe yii be‑a wan an ma, min ka‑a yii chɛ ɔ, yii min mbe fɔɛ be mɔɛ ma gbama gbama ko a.

KO Ɔ NUNDENƐ 22:17

Yataa Nyina an fea sa tɔngbɔɛ 'a sɛnama a, an dɔ, “Mansa Chisɔsi, na fo.” Chɛ a min mɔɛ wɛɛ, a ni a fɔ, a ɔ, “Mansa Chisɔsi, na fo.” Mɔ ɔ mɔ min kanɛ a gbaaen mu, a ni na wɛ. Mɔ ɔ mɔ min toen mu na koe a, fɔɛ be yii chɛ min koe a, a ee ka na‑a, a sɔnkɔ be ee a ma.