CHƆN 15:24 - Yataa 'a Dɔbɛnɛ Nama

²⁴ Yataa nii a tɛɛ si‑a an ma, ko yama ma koe a, ni n nii ma koe n ma ni an tɛ ɔ. Kamaya koe chɛ nu, n‑na miin ma, mɔ ɔ mɔ ma miin ma nin bɛ an ya kɔɔɛ. Chɛɛ an ban‑da gbɛ kamaya koe chɛ n gbɛɛ yen‑da, n‑na miin ma. Chɛ gbɛɛ ɔ, an too‑a wan n na, a basan Fa wɛɛ a.

CHƆN 15:24 ပူးပေါင်းရင်းမြစ်များ

MATIU 11:5

Wo a fɔ a ye, wo ta yiima ɔ, mbɛ ya te tɔɛ nu, an‑na kaina ɔ yen, wo ɔ, namaa an sɔ‑a. Wo a fɔ to, wo ta yiima ɔ, wo ɔ, gbandi yama ni miin gboo ma, an baun‑da, wo ɔ, too gbee tɔɛ nu, an‑na koe a min, wo ɔ, miin faen ni, an‑na fɔɛ ma sɔn to, wo ɔ, yɔn tɔɛ n bɛɛ, an‑na sakana bai chɛndɛ chɛ a min.

MATIU 21:32

A mu min na, Chɔn na‑a wan, mbɛ a‑a a ɔ yian Chu mɔɛ n gbɛɛ a, Yataa toen mu a ni wo sɔ buɛ min dɔ chia ma dunya chɛ ɔ. Chɛɛ wo ma dan ni a a. Mɔɛ miin dan‑da a 'a sakana bai a, an fan nɛ pawa bia mɔɛ chɛ n na, an bɛ duu dia chɛ n na. Wo‑a chɛ ɔ yen bɛɛ, chɛ gbɛɛ ɔ, wo ma wo yiima mun ni, wo ni dan sakana bai chɛ a, a‑a min fɔ wo ye.”

MATIU 9:33

Chisɔsi‑a nyina yama chɛ gbain kɛn dechee kamin chɛ fɛ, mbɛ a ya kɔɔɛ a, a bun‑da koɔ‑a. Mɔɛ chɛ n gbɛɛ, miin ni nɔ, an da ɔ gbaa‑a wan. Mbɛ an dɔ, “Kɛn gba, nn ma ko bonda chɛ sima ɔ yen nin bɛ Isɔɛɛ mɔɛ n 'na chɛnyɛ gbɛɛ ɔ.”

MAKI 2:12

A ya kɔɔɛ a, an gbɛɛ ya to‑a ka wan kamin chɛ a, a‑a a kɔɔ sɔ, a‑a a 'a yaa ya, mbɛ a ta‑a gbae. An gbɛɛ da ɔ gbaa‑a wan gbechee, mbɛ an‑na Yataa tando. An dɔ, “Nn ma koe ɔ yen nin bɛ, yɔ chɛ nyɔn sima.”

DUKU 24:19

Mbɛ Chisɔsi ɔ, “Wuo, fen ko chɛ‑a a ɔ?” Mbɛ an dɔ, “An‑na koe miin sɛ Chisɔsi ma, min ka‑a Nasaɛti duu ɔ. Kamin chɛ, Yataa 'a gbonka chɛ mɔɛ ni a a. A na‑a kamaya ko wa miin ma, a basan bai n na, a ni miin fɔ, an na‑a a ɔ yian fan, mbɛ Yataa ni wan a kɔ. Mɔɛ n gbɛɛ danden fan ni a a, mbɛ Yataa 'a gbasaya ni wan a ɔ.

CHƆN 10:32

Chɛɛ Chisɔsi ɔ an ma, a ɔ, “Wo‑a wai chɛndɛ sɛsɛ yen fan, n‑na miin chɛ. Fa 'a gbasaya ɔ mu, n mbe kun tena wai chɛ n chɛ koe a. N ma a ɔ sɔn, an wai chɛndɛ chɛ nu, ni a minan ko a mu, wo toen mu wo ni n bon, n ni fa.”

CHƆN 10:37

Ni Fa‑a n sɔ wai miin chɛ koe a, n mbe ee an fan chɛ tena, wo ma dan n na.

CHƆN 12:10

Mbɛ a tima chɛ a gbɛ, Chu n tɛ mɔɛ nu Yataa a, an 'na mansa nu, an‑na dɔbɛnɛ chɛ Dasayɔsi wɛɛ fa koe a.

CHƆN 12:45

Mɔ ɔ mɔ min‑na n yen, a‑a Fa an yen ka, min‑na n sɔ.

CHƆN 14:9

Chɛɛ Chisɔsi ɔ, “Fiipi, mmɔ mɛ buɛ chɛ mmɔ bɛ, a ni nyan fan wo gbɛɛ ni n sɔn gbɛ. Mɔ ɔ mɔ min‑na n yen, a‑a Fa an yen ka. E ee kun to, i ni n dɔ tisa, n ni Fa yian wo a. Chɛ ɛ ma wan?

CHƆN 15:21

Chɛɛ an mbe a ma‑a wan wo ni tɔɔ, n bakoe fɛ. An mbe chɛ ma‑a wan, koe min na mu, an ma Fa Yataa sɔn, min‑na n sɔ.

CHƆN 15:22

Ni n nii ma na ni, n ni koɔ an tena, a si Yataa wakoe ma, Yataa nii a tɛɛ si‑a an ma, ko yama ma koe a. Chɛɛ ɛ ka gbɛ buɛ min dɔ sanche, an mbe ee che to a fɔ‑a an nii ma an 'na ko yama n sɔn.

CHƆN 15:23

Mɔɛ min mbe too‑a n na, ɛ too‑a ka Fa an na.

CHƆN 16:9

Yiima min mbe an dɔ, a si ko yama ma, tea yiinachii ma, koe min na mu, an ma an kai fa ni n na.

CHƆN 3:2

Yɛɛ dɔndɔ ma, kamin chɛ na‑a wan Chisɔsi tena, mbɛ a ɔ, “Kan mɔ, nn‑na a ɔ sɔn, mbɛ i ta tichaya, Yataa an‑na i a na. Mɔ ɔ mɔ ee che kamaya koe chɛ n ma‑a, e miin ma ka, mɔɔ ni Yataa ma‑a an mɔɛ chɛ kɔ.”

CHƆN 5:36

Chɛɛ siiya ɛ wan nɔ n ko a, n faen mu min na, a ben Chɔn ta siiya ma. N mbe koe miin ma, chɛ chɛ wai chɛ nu, Fa Yataa‑a n sɔ miin chɛ koe a, an fan mbe koɔ n ko a. N mbe an chɛ buɛ min dɔ, an fan mbe a ɔ yian, mbɛ Fa an‑na n sɔ.

CHƆN 6:36

Chɛɛ n‑na a fɔ wan wo ye, mbɛ wo e n yen tena wɛɛ ka boo ɔ boo, wo ee wo kai fa‑a n na.

CHƆN 7:31

Chɛɛ mɔ fanka chɛ nu, an sɛsɛ na‑a an kai fa wan a a. Mbɛ an dɔ, “Kunka mansa chɛ gbu, a ɛ na‑a tima min na, kamaya koe ee to nɔ, a ɛ min ma‑a, a ni ben kamin chɛ ma.”

CHƆN 9:32

A ka dunya a dan tima ma, aan sanche, mɔ ɔ mɔ ma a a min nin bɛ, mbɛ mɔ ɔ mɔ‑a a ma wan, mɔɛ‑a kaina yen, min suun‑da a fiondenɛ ɛ.

CHƆN 9:41

Mbɛ Chisɔsi ɔ, “Ni fion tɔɛ ni wo a, Yataa ni a ya ka‑a wan wo 'a ko yama n na. Chɛɛ wo e a fɔɛ min chɛ, wo ɔ, fion tɔ ma wo a, an fɛ mu, a ee a ya ka‑a wo 'a ko yama n na.”

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

CHISƆSI 'A SƆ MƆƐ NU 2:22

Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma.

GBOO DOMI KO A 1:30

An mbe bai yama sa a si an nyɔn ma, an ma to ni Yataa nan fan na. An mbe an nyɔn main fan, mbɛ an‑na dɔpandaya bɔ, an mbe ta‑a yonka tɛ‑a. Tima ɔ tima ko a, an mbe yiinachii an na, ko yama ma munda ma koe a. An mɔɛ chɛ nu, an mbe ee baa be an woo mɔɛ n bɛɛ ma.

2 TIMOTI 3:4

Mɔ bun mɔɛ mu an na, mɔɛ miin mbe ee an yii na chii an mbe ma koe ma‑a, dɔ diaya faenɛ ɛ an gboo a gban. An ma to ni Yataa a, an toen mu dechee dunya ma buɔdia an na.

CHIMISI 4:4

Wo ma danaya ni gba Yataa tena. Wo gbu‑a a ɔ sɔn fan, mbɛ ni dunya chɛ ko a dia‑a wo ye, mbɛ Yataa ɛ ma‑a wan wo chɛɛ ma nyɔɛ a. Chɛ an‑na a fɔ, ni dunya chɛ ma‑a mɔ ɔ mɔ koadia nyɔɛ a, Yataa ma‑a a mɔɛ chɛ chɛɛ ma nyɔɛ a.