Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHƆN 15:22 - Yataa 'a Dɔbɛnɛ Nama

22 Ni n nii ma na ni, n ni koɔ an tena, a si Yataa wakoe ma, Yataa nii a tɛɛ si‑a an ma, ko yama ma koe a. Chɛɛ ɛ ka gbɛ buɛ min dɔ sanche, an mbe ee che to a fɔ‑a an nii ma an 'na ko yama n sɔn.

အခန်းကိုကြည့်ပါ။ ကော်ပီ




CHƆN 15:22
17 ပူးပေါင်းရင်းမြစ်များ  

Chɛɛ a kun ti chɛ ɛ yɛ‑a wan tee dɔndɔ a, a yii n mbe ee ma‑a a yɛ koe ɔ tima min na. Kun ti chɛ ɛ wai chɛ mɔɛ chɛ a tɔɔya‑a wan a yama yama boo a, mbɛ a‑a a bia, yɔ mɔɛ chɛ nu, a ee che a fa‑a miin na.


Mɔ ɔ mɔ min mbe ban‑da n dɔ, a ni a boo bɔ n 'na sakana bai kɔɔ, min mbe kaa a tɛ‑a a wakoe ma, ɛ nɔ. N‑na bai miin fɔ, an fan mbe kaa a tɛ‑a a wakoe ma, a ni tɔɔ. Chɛ ɛ ma‑a wan tee dankama ma, mɔɛ n mbe an kɔɔ sɔ‑a saya ɔ tee min ma.


Mɔɛ min mbe too‑a n na, ɛ too‑a ka Fa an na.


Yataa nii a tɛɛ si‑a an ma, ko yama ma koe a, ni n nii ma koe n ma ni an tɛ ɔ. Kamaya koe chɛ nu, n‑na miin ma, mɔ ɔ mɔ ma miin ma nin bɛ an ya kɔɔɛ. Chɛɛ an ban‑da gbɛ kamaya koe chɛ n gbɛɛ yen‑da, n‑na miin ma. Chɛ gbɛɛ ɔ, an too‑a wan n na, a basan Fa wɛɛ a.


Yiima min mbe an dɔ, a si ko yama ma, tea yiinachii ma, koe min na mu, an ma an kai fa ni n na.


Chɛɛ Chisɔsi ɔ, “Gbasaya ee che ma‑a i boo ɔ n kun ma, ni Yataa an ma a be ni i ma. Chɛ an fɛ mu, mɔɛ min‑na a ma, an na‑a nɛ chɛ n na i chen kɔɔ, a ta ko yama benden mu i ta ma.”


Mbɛ Chisɔsi ɔ, “Ni fion tɔɛ ni wo a, Yataa ni a ya ka‑a wan wo 'a ko yama n na. Chɛɛ wo e a fɔɛ min chɛ, wo ɔ, fion tɔ ma wo a, an fɛ mu, a ee a ya ka‑a wo 'a ko yama n na.”


Tima min na ni wo nii ma a ɔ sɔn, wo ni koe miin ma tena, Yataa‑a a ya ka a nɛnɛ a. Chɛɛ sanche gbɛ, ɛ a fɔ tena mɔ ɔ mɔ ye, dunya gbɛɛ ɔ, mbɛ an ni an kan kɔ sɔ an 'na ko yama n na.


A ka dunya a dan tima ma, mmɔ ee Yataa yen tena, chɛɛ mmɔ ɛ a 'a gbasaya a tinsɔn tena wan. A 'a gbasaya chɛ kuɔ fɔ ko a, a basan a 'a gbasaya a, fenɛ n gbɛɛ a dan koe a dunya ma. Chɛ an fɛ mu, bai ee ma‑a an da a, koe min‑na a ma, an ma Yataa sɔn ni.


Wo wan, wo wɛn mbe kaa a tɛ, a si wo bɔɛ n ma, wo ni ma mɔ kan kɔ kan na, wo ee che wo ka‑a ko yama ma koe a. Koe min na mu, bai ee ma‑a wo da a, min mbe wo kun bɔ‑a a ɔ. Ni wo‑a kaa a tɛ, a si mɔ dɔ mende n ma koe ko a, chɛɛ wo wɛɛ, wo e an ko dɔndɔ gbe chɛ ma, wo e ma‑a ka kaa a tɛ‑a, a si wo wandi an ma.


A ni ma wo yii ma, ni mɔ‑a a ɔ sɔn, e koe min ma, min nyin, chɛɛ i sin ma an koe chɛ ma ni, ko yama mu a a.


Wo kooya be, yɔ Yataa 'a mɔɛ nu, miin mbe ee yɔncha ɔ mɔ dɔ gbɛɛ n kɔɔ. Chɛɛ yuu min tɛ‑a ka wo ma, wo ma ben ko yama ma‑a nun dɔ, wo ni a dɛn wo bɔ koe ma yɔncha ɔ. Chɛɛ wo tachɛ buɛ ni wo ma Yataa 'a yɔnɛ n na, tima ɔ tima ko a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ