CHƆN 15:21 - Yataa 'a Dɔbɛnɛ Nama

²¹ Chɛɛ an mbe a ma‑a wan wo ni tɔɔ, n bakoe fɛ. An mbe chɛ ma‑a wan, koe min na mu, an ma Fa Yataa sɔn, min‑na n sɔ.

CHƆN 15:21 ပူးပေါင်းရင်းမြစ်များ

MATIU 10:18

An mbe wo bia‑a wan, an ni ta wo a chɛnyɛ ti n tena, an mbe ta‑a wan wo a mansa wa n chen kɔɔ. An mbe chɛ n ma‑a wo a n bakoe an na. Chɛɛ wo e kun‑da wan Yataa 'a sakana bai chɛndɛ ɔ yian‑da mɔɛ chɛ n na, miin ma Chu mɔ a.

MATIU 10:22

Mɔɛ n gbɛɛ mbe too‑a wan wo a, a mu min na, n fɛ mɔɛ mu wo a. Chɛɛ i wɛn mbe i faa bia‑a aan a danka a, Yataa ɛ i baun‑da wan.

MATIU 10:39

Ni mɔ ɔ mɔ ban‑da bea koe a n fɛ, a wandi fɔɛ ma kanda koe a, an mɔɛ chɛ ee kuɔ fɔ fɔɛ ma sɔn‑da. Chɛɛ mɔɛ min mbe a yii bɔ‑a a fɔɛ ɔ n ko a, an mɔɛ chɛ ɛ kuɔ fɔ fɔɛ ma sɔn‑da wan.”

MATIU 24:9

“Mɔɛ nu dunya gbɛɛ ɔ, an mbe too‑a wan wo a, a mu min na, n fɛ mɔɛ mu wo a. An mbe wo bia‑a wan, mbɛ an‑na ko ma gbaaenɛ sa wo ma, mbɛ an‑na wo fa.

MATIU 5:11

“Ni mɔɛ n‑na ko yawaenɛ sa wo ma, an ni wo main, an ni fania yama kan kɔ kan fɔ wo ma, n fan, n bakoe a, wo duaen mu.

MAKI 13:13

Wo sin, mɔɛ n gbɛɛ, an mbe too‑a wan wo a, a mu min na, n fɛ mɔɛ mu wo a. Chɛɛ i wɛn mbe i faa bia‑a aan a danka a, Yataa ɛ i baun‑da wan.”

DUKU 21:12

Chɛɛ koe chɛ n gbɛɛ mbe e na to ma‑a, an mbe wo bia‑a wan, mbɛ an‑na ko ma gbaaenɛ sa wo ma. An mbe ta‑a wan wo a, wo gbɛmbo koe a, mmɔ 'a samun chɛ chenɛ n na, mbɛ an‑na wo sa pimbi chenɛ a. An mbe na‑a wan wo a, mansa n chen kɔɔ, an bɛ kun ti n na. An mbe chɛ gbɛɛ si‑a wan wo a, a si n bakoe ma.

DUKU 21:17

Mɔɛ n gbɛɛ mbe too‑a wan wo a, a si n ma.

DUKU 6:22

“Ni mɔ gbu n too‑a wo a a si n ma, n fan, Mɔ Gbu 'a Denɛ, dua mu a a wo ma. Ni an‑na an kan kɔ sɔ wo a, mbɛ an‑na wo main, mbɛ an yɛ‑a, an‑na bai yama sa wo ma.

CHƆN 15:24

Yataa nii a tɛɛ si‑a an ma, ko yama ma koe a, ni n nii ma koe n ma ni an tɛ ɔ. Kamaya koe chɛ nu, n‑na miin ma, mɔ ɔ mɔ ma miin ma nin bɛ an ya kɔɔɛ. Chɛɛ an ban‑da gbɛ kamaya koe chɛ n gbɛɛ yen‑da, n‑na miin ma. Chɛ gbɛɛ ɔ, an too‑a wan n na, a basan Fa wɛɛ a.

CHƆN 16:3

Mɔɛ n mbe koe chɛ n ma‑a wan wo a, koe min na mu, an ma Fa Yataa sɔn tee dɔndɔ wɛɛ, chɛ ma, n fandi gbu wɛɛ.

CHƆN 17:25

Fa, i wɛn tanden mu, i wakoe ee mɔɛ miin faa ɔ, kɛn gba an ma i sɔn. Chɛɛ n tana, n‑na i sɔn fan tima ɔ tima ko a. A sin, n fɛ den chɛ n bɛɛ gbu, an‑na a ɔ sɔn gbɛ, mbɛ i wan‑na n sɔ.

CHƆN 8:19

Mbɛ an dɔ, “I fa chɛ gbu ɛ mende?” Mbɛ Chisɔsi ɔ, “Wo ma n sɔn buɛ min dɔ, wo ma Fa wɛɛ sɔn ka wan. Ni wo na‑a n sɔn fan, wo ni Fa wɛɛ sɔn‑da wan.”

CHƆN 8:54

Chisɔsi ɔ, “Ni n gbu, n‑na basɔmaya be n fandi ma, an basɔmaya chɛ nɛnɛ, fen kɔ fen mbe ee a ɔ. Fa dechee, an mbe a ma tena, n mbe basɔmaya ma sɔn tena. Fa min ka, wo e a fɔ tena, wo ɔ, an mu wo 'a Yataa a.

CHƆN 8:55

Wo ma a sɔn bɛɛ boo ɔ boo, chɛɛ n tana, n‑na a sɔn fan. Ni n‑na a fɔ, n dɔ, n ma a sɔn, n mbe ma‑a ka fania an fɔ‑a, yɔ wo e fania fɔ tena buɛ min dɔ, a sɔn koe a. Chɛɛ n gbu sin‑na a sɔn fan, a sin, n mbe wan a da a kuiɛ ma.

CHISƆSI 'A SƆ MƆƐ NU 17:23

Koe min na mu, n mbe ma ben ben‑da wo 'a duu chɛ ɔ, n mbe fenɛ n yen fan, wo e miin fai. A yɛ to, n‑na gbengbe yen fan, yasi bɔ koe a, a nyɛndenɛ ɛ min ma, a ɔ, ‘Yataa tena, nn ma min sɔn.’ An Yataa chɛ, wo e min fai ka, chɛɛ wo sin ma a sɔn, n mbe ka gbɛ an bakoe ɔ yian tena wo a.

CHISƆSI 'A SƆ MƆƐ NU 26:9

“N fandi gbu wɛɛ, n ni n yii na chii wan, ko kan kɔ kan ma koe a, min ni a ma, Chisɔsi tɔɛ ni fa, Nasaɛti mɔɛ chɛ.

CHISƆSI 'A SƆ MƆƐ NU 3:17

“N suun ma nyɔɛ nu, n‑na a ɔ sɔn fan gbɛ, mbɛ ko ɔ gbɛ waiya an‑na a ma, wo‑a chɛ ma Chisɔsi a. An‑na a ma, wo 'a ya ɔ sɔɛ n bɛɛ‑a a ma.

CHISƆSI 'A SƆ MƆƐ NU 4:17

Chɛɛ min mbe a ma, an ma na a ma mɔ dɔ mende n ni a ɔ sɔn, mmɔ an na si gbau gbau. Mbɛ an ma bai kan kɔ kan sa to mɔɛ n tena, a si Chisɔsi chɛ ma.”

CHISƆSI 'A SƆ MƆƐ NU 5:41

Chɛɛ an bu ɔ ni di wan, an mbe kɛn ka‑a Chu kuti wa chɛ ɔ. Koe min na mu, an‑na a ɔ sɔn fan, mbɛ Yataa‑a an ya mɔ chɛndɛ n na, mauma koe ɔ bia koe a Chisɔsi ko a.

CHISƆSI 'A SƆ MƆƐ NU 9:14

Mbɛ a sin gbu na‑a ka wan gbɛ Damasikɔsi, gboo nyɛndenɛ a a boo ɔ. Gboo chɛ sin, a‑a gbasaya be wan a ma, a ka Chu n tɛ mɔɛ nu Yataa a, an 'na mansa n tena, mɔɛ n gbɛɛ bia koe a, miin mbe i fai tena.”

CHISƆSI 'A SƆ MƆƐ NU 9:16

A sin, n mbe a ɔ yian‑da wan a a gbɛ, a wɛɛ, ɛ mɔnɛ min nyɔn sima ɔ bia‑a n ko a.”

GBOO DOMI KO A 1:28

An gbu sin nii ma to ni, tea yiinachii chɛ koe a, a si Yataa ma. Chɛ ko a, Yataa‑a an to wan nɔ, an ni ma an kun ye, an 'na yiinachii yama chɛ a. Chɛ ɛ a ma wan, an ni koe n ma, miin ma nyin an ma koe a.

GBOO SAA KƆYINDI KO A 15:34

Wo yiima chɛndɛ ni ma gbɛ wo baima, wo ni sɛmbɛ ko yama ma koe a kuɔ fɔ. N mbe chɛ fɔ tena den, mbɛ wo dɔ nu, wo ma ko ɔ ko sɔn, a si Yataa ma. Chɛ ni a ma wo ni mau.

GBOO SAA KƆYINDI KO A 2:8

Yiimatɛ an nɛ, min nii an mɔɛ chɛ n dɔndɔ wɛɛ ɔ, mɔɛ chɛ n gbɛɛ, gbasaya ɛ miin boo ɔ dunya chɛ ɔ. Koe min na mu, a ni ma‑a an dɔ, an nii Mansa Chisɔsi fa‑a kɔn gbengbandenɛ ma, a wɛn mbe si ɔ a 'a gbasaya ɔ.

GBOO FEAN BƆƐ TƐSADONIKA KO A 1:8

Ɛ na‑a wan ta man ba ɔ, an bɛ a 'a maeka n na, mɔɛ chɛ n tɔɔ koe a, miin ban‑da Yataa ɔ. An sin nii ma bea ni sakana bai chɛ fɛ, a si mmɔ 'a mansa Chisɔsi ma.

1 CHƆN 3:1

Wo a yen bɛ, Fa Yataa‑a koadia wa min nyɔn sima yian mmɔ a. Koe min na mu, a‑a a ma, an mbe mmɔ chee Yataa 'a denɛ n na. A sin gbu, Yataa 'a denɛ mu mmɔ a. Koe min‑na a ma, dunya ma mmɔ sɔn Yataa 'a denɛ n na, a nii ma Yataa wandi gbu sɔn.

3 CHƆN 1:7

Koe min na mu, an mbe ka tachɛ min dɔ Chisɔsi Chasi ko a, an ma dɔn ni fen kɔ fen bia koe a, mɔɛ chɛ n na‑a min be, mɔɛ miin nii ma an kai fa ni Chisɔsi a.

KO Ɔ NUNDENƐ 2:3

Wo‑a wo faa bia kaka tɔɔya a n ko a, a sin, wo gboo ɔ ma fa ni ma koe a n fɛ.