CHƆN 15:20 - Yataa 'a Dɔbɛnɛ Nama

²⁰ N da a bai chɛ ni to wo yii ma, n na‑a min fɔ wo ye, mbɛ bɔi den mbe ee nɔ, min benden mu a kan mɔ ma. Ni an‑na a ma wan n tɔɔ‑a, wo wɛɛ, an mbe a ma‑a ka wan wo ni tɔɔ. Chɛɛ ni an dɔ nu, an na‑a an too ma sɔ wan n da a kuiɛ ma, mbɛ an mbe an too ma sɔ‑a wan wo ta wɛɛ ma.

CHƆN 15:20 ပူးပေါင်းရင်းမြစ်များ

MATIU 10:24

“Kan chɛ mɔɛ benden mu a 'a kan denɛ ma. Bɔi denɛ wɛɛ, an na ma kan ni, an fea a ti a.

MAKI 10:39

Mbɛ an dɔ, “Mm, nn mbe kun fan.” Mbɛ Chisɔsi ɔ an ma, “Ko yawaen chɛ, min mbe na tena n tan‑da, ɛ wo wɛɛ tan‑da wan.

DUKU 2:34

Mbɛ Simiyɔn‑na an dua, mbɛ a‑a a fɔ den chɛ de Mɛi ye, a ɔ, “Denɛ chɛ i boo ɔ, ɛ a ma‑a wan mmɔ Isɔɛɛ mɔɛ nu, Yataa ni mmɔ sɛsɛ kondon, mbɛ a yɛ‑a, a‑a mmɔ sɛsɛ a sɛ. An mbe a ma‑a, mmɔ Isɔɛɛ mɔɛ n ni tea a min. Chɛɛ mmɔ sɛsɛ ɛ ban‑da wan a ɔ.

DUKU 6:40

A yɛ to, kan den kan kɔ kan ma ben ni a kan mɔɛ ma. Chɛɛ kan den kan kɔ kan, ni a‑a kanɛ a ban, ɛ ma wan yɔ a kan mɔɛ.

CHƆN 10:31

Mbɛ Chu mɔɛ chɛ nu, an‑na senɛ ya to, a bon koe a fasa.

CHƆN 11:57

Mɔɛ miin ni Chu n tɛ ɔ Yataa a, an 'na mansa nu, an bɛ Fayisii n na, an na‑a sawa a ben fan. An na‑a a fɔ wan, an dɔ, ni mɔ ɔ mɔ na‑a a ɔ sɔn, Chisɔsi ni kaina min, an dɔ, an ni a fɔ an ye, an dɔ, min mbe a ma, an ni a bia.

CHƆN 13:16

Ka n mbe chɛ ma din wo gbɛɛ tena, yɔnɛ ma ben ni a ti ma, a sin, sɔ mɔ kan kɔ kan ma ben ni mɔɛ ma, min‑na a sɔ.

CHƆN 5:16

Chu mɔɛ chɛ nu, an ya ɔ sɔɛ chɛ n‑na chɛɛ ma nyɔncha bun fan Chisɔsi ma, kamin chɛ 'a baun koe a, an 'na suin tee chɛ ma.

CHƆN 7:32

Mbɛ Chu mɔɛ chɛ dɔ nu, miin ni Fayisii n na, an‑na fanka chɛ wɛwɛɛ kuiɛ a min bai chɛ n na, a si Chisɔsi ma. Chɛ ko a, an fan, an bɛ Chu n tɛ mɔɛ n na Yataa a, an 'na mansa n na, an‑na kata chɛ ɔ poesi n sɔ, a bia koe a.

CHƆN 8:51

N mbe chɛ ma din tena wo tena, mbɛ mɔ ɔ mɔ min mbe ma‑a a da a kuiɛ ma, a mɔɛ chɛ ee fa‑a.”

CHƆN 8:52

Mbɛ Chu mɔɛ chɛ n dɔ, “Nn‑na a ɔ sɔn gbɛ tea a, mbɛ nyina yama an mbe i fɛ. Ebeami wɛɛ gbu fa‑a wan, mbɛ Yataa 'a gbonka chɛ mɔɛ n bɛɛ fa‑a. Chɛɛ i tana, i ɔ, mɔ ɔ mɔ‑a a boo si kan chɛ kɔɔ, e min chɛ tena, a ee fa‑a kuɔ fɔ ko a.

CHƆN 8:59

Chɛ ko a, mbɛ an‑na senɛ n ya, a bondan koe a Chisɔsi a, an ni a fa. Chɛɛ a bɔ‑a wan an tɛ ɔ, Yataa 'a kata chɛ ɔ, kai wɛɛ, a a ma tɛ ni a ma.

CHISƆSI 'A SƆ MƆƐ NU 14:22

Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

GBOO SAA KƆYINDI KO A 4:12

Nn mbe wai chɛ wan, nn sɔɛ a, nn boo n na, nn da a daun fenɛ ma sɔn koe a. Ni an‑na nn main, nn mbe dua wan an ko a. Ni an‑na ko yawaenɛ sa nn ma, nn mbe nn faa bia wan.

GBOO FEAN BƆƐ KƆYINDI KO A 4:9

An mbe ko ma gbaaenɛ n sa wan nn ma, chɛɛ chɛ ma a ɔ yian ni, mbɛ Yataa ɛ a boo bɔ wan nn kɔɔ. A sin, dumɛ ɛ si wɛɛ nn na tima dɔ n na, chɛɛ a ee ma kasaa a nn ma.

Gboo Saa Tɛsadonika Ko A 2:15

An dɔ n‑na Yataa 'a gbonka chɛ mɔɛ n fa wan suun. Mbɛ an dɔ n sin‑na a ma, an‑na Mansa Chisɔsi wandi wɛɛ fa. Mbɛ sanche gbɛ, an dɔ n‑na ko yawaenɛ si mmɔ a, an gbu‑a nn gbain. Mɔ ɔ mɔ mu an chɛɛ ma nyɔɛ an na. Yataa faa tɛen mu an ma gbeden.

2 TIMOTI 3:12

Tea ko a, ni mɔ ɔ mɔ‑a a wandi be Yataa chia ma, ni an ma‑a mɔ dɔndɔɛ a Chisɔsi Chasi a, ɛ ko yawaenɛ ɔ yen fan.