CHƆN 15:2 - Yataa 'a Dɔbɛnɛ Nama

² N bonɛ kan kɔ kan, min mbe ee gbɔ chɛndɛ be, ɛ a ka wan a ma. N bonɛ min sin mbe ee gbɔ a tenden be, ɛ a tɛ‑a wan a a, min mbe a ma, a ni nyan chɛndɛ, mbɛ a gbɔ‑a wɔsɔkɔɔ.

CHƆN 15:2 ပူးပေါင်းရင်းမြစ်များ

MATIU 13:12

A mu min na, mɔɛ min gbɔsɔen mu Yataa 'a mansaya ɔ gbɛ koe a, a 'a yiimatɛ ma ɛ munda‑a wan, a sin, ɛ a ma sɔn‑da wan a chenama ɔ. Chɛɛ mɔɛ min gbɔsɔ ma Yataa 'a mansaya ɔ gbɛ koe a, ɛ fo‑a wan yiimatɛ ɛnden chɛ wɛɛ a, min mbe a ɔ.

MATIU 13:33

Chisɔsi‑a tai chɛ wɛɛ tɛ wan to an tena, a ɔ, “Yataa 'a mansaya maen fan mu yɔ min ma‑a tai chɛ ɔ. Musu dɔndɔ‑a yisin denɛ ya wan, mbɛ a‑a a chɛ feawa funku wa ɔ, konko pani ɔ biidi nyan koe a. Yisin chɛ kun‑da wan feawa funku chɛ gbɛɛ ɔ, mbɛ feawa chɛ sɛ‑a.”

MATIU 15:13

Mbɛ a ɔ, “Fa min mbe banda bu ɔ, ɛ nyan fen kan kɔ kan kuu bɔ‑a wan, a ma min chin ni.

MATIU 21:19

Mbɛ a‑a gbɔ kɔn dɔndɔ yen, min tɔ ni fiki, ɛ sɔ ɔ chia fɛ. Mbɛ a ta‑a kɔn chɛ tena, chɛɛ a nii ma a gbɔ kan kɔ kan tan ni a a, mɔɔ a yamba min na gbiien ni. Chɛ fɛ, a‑a a fɔ wan kɔn chɛ ma, a ɔ, “Mɔ ɔ mɔ ee i gbɔɛ daun‑da to kuɔ fɔ.” Mbɛ kɔnɛ gbu gbaa‑a a ya kɔɔɛ a.

MATIU 25:29

Koe min na mu, mɔɛ min mbe a 'a wai ma ti bia chɛndɛ chɛ, ɛ wai ma munda sɔn fan. Chɛɛ mɔɛ min mbe ee a 'a wai ɛnden chɛ ma ti bia, ɛ fo‑a wan an wai ɛnden chɛ wɛɛ a.

MATIU 3:10

Ni kɔnɛ ma gbɔ chɛndɛ be ni, mɔɛ ɛ a tɛ wan a suu ma, mbɛ a‑a a minda. Wo gbɛɛ wo maen fan mu yɔ kɔnɛ nu. Yataa 'a yende a saen fan mu wo dɔ n tɛ koe a wo suu ma, wo wɛn mbe ee ko chɛndɛ ma‑a.

MATIU 3:12

Ɛ mɔ gbu gbɛɛ gbɛmbo‑a wan. Ɛ mɔ gbu chɛndɛ n bɔ‑a wan a yama n ya a, yɔ sɛnɛ sa mɔɛ ɛ fenɛ ɔ fɛ buɛ min dɔ, a pofe bɔ koe a a chɛndɛ ya a. Ɛ a pofe a dɛ‑a wan, mbɛ a‑a a chɛndɛ si tena ɔ bɛn. Ɛ mɔ yama n tɔɔya‑a wan kuɔ fɔ ta ɔ, yɔ mɔɛ ɛ a fonɛ minda buɛ min dɔ ta a.”

MATIU 7:19

A chia dɔndɔ gbe chɛ a, an gbonka chɛ mɔɛ chɛ n mbe miin ma‑a, an fan mbe a ɔ yian‑da wo a, an mbe buɛ min dɔ. Chɛ an‑na a fɔ, kɔn kan kɔ kan, min ma gbɔ chɛndɛ be ni, a ɛ tɛ‑a wan, mbɛ a a dɛ‑a ta ɔ.”

MAKI 4:20

Chɛɛ mɔɛ dɔ n sin mbe wan yɔ duu gboo chɛndɛ chɛ, chin fen kuu n bea‑a ka min ma. An gbɔ‑a wan wɔsɔkɔɔ. Dɔ n gbaa ni wan an kansanɛ ma chɛmɛ dɔndɔ, dɔ nu bi wɔdɔ, dɔ n sin ni bi sawa. Mɔɛ chɛ n bɛɛ ɛ ka wan, miin mbe sakana bai chɛndɛ chɛ a min, mbɛ an‑na a sa an faa ɔ chɛndɛ chɛ, mbɛ an‑na a ma, yɔ sakana bai chɛ‑a a fɔ buɛ min dɔ an ye, a ma koe a.”

DUKU 8:13

Mɔɛ dɔ n sin mbe wan yɔ faa gban duu gboo chɛ, chin fen kuu n bea‑a min ma. Ni an‑na sakana bai chɛndɛ chɛ a min, an mbe an boo si wan a kɔɔ, buɔdia wandi gbu a. Chɛɛ Yataa 'a bai chɛ ee sa an yiima ɔ chɛndɛ chɛ, a ni tima ɔ yansama ya nɔ. An mbe dan dechee a a tima ɛnden fan ko a, chɛɛ ni koe ɔ gbɛa‑a an ma, mbɛ an‑na an boo bɔ a kɔɔ.

CHƆN 15:1

Chisɔsi ɔ, “N fan mu kɔnɛ chɛndɛ chɛndɛ a, min mbe gbɔ chɛndɛ be. A sin, Fa an mu yadi ti a.

CHƆN 15:16

Wo wan ma n ya ni, ma koe a wo kan mɔ a, chɛɛ n fan‑na wo ya, ma koe a n fɛ mɔɛ n na. N fan‑na wo ya, mbɛ n‑na wai be wo ma, wo ni ta, wo chɛ chɛ wai ni koa. Wo chɛ chɛ wai chɛ n sin, an ni ma kuɔ fɔ wai n na. Ni wo‑a chɛ ma, Fa ɛ fen kɔ fen be‑a wan wo ma, wo e a ɔ tisa‑a min ko a, n tɔɛ ɔ.

CHƆN 15:3

Bai chɛ nu, n‑na miin fɔ wo ye, an‑na a ma, wo bon chɛ n tɛ‑a wo ma, wo ni gbɔɛ be chɛndɛ chɛ.

CHƆN 15:6

Nn fea mɔɛ min na, nn mbe ee mɔ dɔndɔya ɔ, a mɔɛ chɛ ɛ ma‑a wan yɔ kɔnɛ bonɛ, ɛ tɛ‑a wan a a, mbɛ a gbaa‑a. Kɔn bonɛ gbaaenɛ bonda chɛ nu, mɔɛ n mbe an na sɔn‑da wan, an ni sa ta a, minda koe a sɔɛ a.

CHƆN 15:8

Wo e ko chɛndɛ min ma‑a, ni an da a koa‑a, wo e ma‑a ka a ɔ yian fan na, mbɛ n fɛ denɛ mu wo a. An ko chɛndɛ chɛ n sin mbe a ɔ yian‑da wan to mɔɛ n na, Fa kamayaen mu buɛ min dɔ.

CHƆN 17:12

Tima min na nn bɛ ni an na, n na‑a an kun ma fɛn fan chɛndɛ chɛ. N na‑a chɛ ma i 'a gbasaya ɔ wan, i na‑a gbasaya min be n ma. A sin, n ma fo nin bɛ an dɔndɔ wɛɛ a. Chɛɛ an dɔndɔ mu dechee, i na‑a min bakoe fɔ, mbɛ a tana ɛ na‑a wan a wandi nimisa‑a. Chɛ ɛ ma‑a wan, min mbe a ma, min nyɛnden mu i 'a gboo ɔ, a ni bɔ a a.

GBOO DOMI KO A 11:17

A maen fan mu ka gbɛ yɔ an kɔn chɛ bonɛ dɔ n ka‑a a ma, mbɛ fia kɔnɛ dɔ gbɛɛ bonɛ ya a, mbɛ a chii‑a kɔnɛ bonɛ chɛ gba ɔ. Fia kɔn chɛ ɛ ka gbɛ kana‑a kɔn chɛ a tifa an dɔ. Wo wan mɔɛ chɛ nu, wo wɛn ma Chu mɔ a, wo e ka wan. Wo e ka gbɛ kana‑a mɔɛ chɛ n na tifa an dɔ Yataa tena, mɔɛ chɛ nu, miin mu Chu mɔɛ n na.

GBOO DOMI KO A 11:22

Chɛ ɛ kun fan a ni a ɔ yian wo a, Yataa sɔnɛ nyin buɛ min dɔ, a yɛ to, a faa a kɔɔen mu buɛ min dɔ. A ee chinchin‑da chɛ n ma, miin‑na an kan kɔ sɔ a a, chɛɛ ɛ chinchin‑da wan wo ma, wo wɛn mbe a a tun‑da wo kai fa koe a a a, a wɛn sɔnɛ nyin. Chɛɛ ni wo ma wo kai fa ni a a, Yataa ɛ wo wɛɛ bonɛ n ka‑a ka wan a ma.

GBOO DOMI KO A 8:28

Mmɔ‑a a ɔ sɔn fan, mbɛ ko ɔ ko kan kɔ kan dɔ, mɔɛ miin toen mu Yataa a, a wɛɛ, ɛ wai chɛndɛ n fan chɛ an ko a. An mɔɛ chɛ nu, an fan cheeen mu, a 'a dɔbɛnɛ ta fɛ chia a.

GBOO SAA KƆYINDI KO A 13:1

Chɛnyɛ koɛ sɛsɛ wa chɛ nu, mɔ gbu n mbe miin fɔ, maeka n bɛɛ an mbe miin fɔ, n ni an gbɛɛ fɔ wɛɛ, koadia ni ma n faa ɔ. Chɛɛ ni koadia ee n faa ɔ, n bɔ mɔ gbu ko a, n da a bai chɛ n mbe wan dechee yɔ tainɛ sɔnkɔ sɔnkɔ kuiɛ, chɛ ma, pani tata n mbe ma bɛn bɛn‑da an nyɔn na.

TAITƆSI 2:14

A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

GBOO IBU MƆƐ N KO A 12:15

Wo tima ya, wo ma na wo kan kɔ sɔ koadia demanɛ a, Yataa ɛ min be. Wo dɔndɔ wɛɛ ma ma yɔ kɔn konama. Ni a koa‑a dechee, ɛ ma kɔn yama an na, a bɔɛ n tɛ ɔ.

1 CHƆN 2:19

Mɔɛ chɛ n ni wan dechee mmɔ tɛ ɔ, chɛɛ mmɔ yiima nii dɔndɔ an na. Chɛ an‑na a ma, an ka‑a mmɔ fɛ, an ta‑a. Ni mmɔ yiima ni wan dɔndɔ gbe, an nii ka‑a mmɔ fɛ. Chɛɛ an ka‑a min chɛ‑a mmɔ fɛ, chɛ‑a a ɔ yian fan ka, mbɛ mmɔ yiima nii kaina dɔndɔ.

KO Ɔ NUNDENƐ 3:19

Mɔɛ chɛ nu, n toen mu miin na, n mbe an fan ma nyin, mbɛ n‑na a ma, an tɔɔ‑a. Chɛ an fɛ mu, wo wo ma bɛn, mbɛ wo‑a wo kan kɔ sɔ wo 'a ko yama n na.