CHƆN 15:16 - Yataa 'a Dɔbɛnɛ Nama

¹⁶ Wo wan ma n ya ni, ma koe a wo kan mɔ a, chɛɛ n fan‑na wo ya, ma koe a n fɛ mɔɛ n na. N fan‑na wo ya, mbɛ n‑na wai be wo ma, wo ni ta, wo chɛ chɛ wai ni koa. Wo chɛ chɛ wai chɛ n sin, an ni ma kuɔ fɔ wai n na. Ni wo‑a chɛ ma, Fa ɛ fen kɔ fen be‑a wan wo ma, wo e a ɔ tisa‑a min ko a, n tɔɛ ɔ.

CHƆN 15:16 ပူးပေါင်းရင်းမြစ်များ

MATIU 21:22

Ni danaya ma‑a wo ɔ Yataa ko a, ɛ ko ɔ ko chɛ‑a wan wo ye, wo e samunɛ chɛ‑a min ko a.”

MATIU 7:7

Chisɔsi ɔ, “Wo a a tun Yataa ɔ tisa koe a fen kɔ fen ko a, ɛ a be‑a wan wo ma. Wo a a tun wo ya a kan koe a chɛndɛ chɛ, wo e min yan tena, wo e a yen‑da wan. Wo a a tun chenɛ da tu koe a, Yataa ɛ a da a ka‑a wan wo ye.

DUKU 6:13

Banda ɔ ka‑a kɛn, a‑a a fɛ denɛ n gbɛɛ chee wan, mbɛ a‑a a boo sɔ mɔ tan kun ma fea n ma an tɛ. Mbɛ a‑a an ma a 'a sɔ mɔɛ n na.

CHƆN 13:18

“N mbe ee bai chɛ fɔ tena wo gbɛɛ an ko a. N‑na a ɔ sɔn fan, n‑na n boo sɔ mɔɛ miin sima ma, ma koe a n fɛ. Chɛɛ Yataa 'a gboo‑a min fɔ, ɛ bɔ‑a wan a a. A‑a a fɔ wan, a ɔ, ‘Nn fea mɔɛ min na, nn mbe n 'na daun fenɛ ɔ du, a bun‑da n chɛɛ‑a.’

CHƆN 15:19

Ni wo ni wan an 'na kuiɛ dɔndɔya ɔ dunya chɛ ɔ, an ni wo ya wan an sima a, mbɛ wo ko a dia‑a an ye. Chɛɛ n‑na wo bɔ wan an 'na dunya ɔ, a sin‑na a ma, wo bɛ ma to an na. Chɛ an fɛ mu, an tooenɛ ɛ wo a.

CHƆN 15:5

“N fan mu kɔnɛ a, wo sin, n bonɛ n mu wo a. Nn mbe ma‑a mɔ dɔndɔya ɔ, mɔɛ min na, a ma n boo ka ni, n bɛɛ, n ma a boo ka ni, a mɔɛ chɛ ɛ gbɔ sɛsɛ be‑a wan. Koe min na mu, wo ee che ko ɔ ko ma‑a, wo kun ma a a, ni n mbe ee wo kɔ.

CHƆN 6:70

Chisɔsi ɔ, “N fan‑na n boo sɔ wo mɔ tan kun ma fea n chɛ n ma, ma koe a n fɛ, a ee ka wan? Chɛɛ Sitana faa an mbe wo dɔndɔ bu ɔ.”

CHISƆSI 'A SƆ MƆƐ NU 1:24

Mbɛ an‑na samunɛ chɛ, an dɔ te, “Mansa Yataa, i wan‑na mɔ gbu gbɛɛ yii ma koe ɔ sɔn. Chɛ ko a, Fa, mɔ fea chɛ n tɛ ɔ, a ɔ yian nn na, ni i‑a i boo sɔ min ma,

CHISƆSI 'A SƆ MƆƐ NU 1:8

Chɛɛ wo e gbasaya ma sɔn‑da wan, ni Yataa Nyina chɛ bea‑a wo fɛ. A tima chɛ a, wo e a ɔ yian‑da wan mɔɛ n na, wo‑a min dɔ sɔn, a si n ma. Wo e a ɔ yian‑da wan mɔɛ n na Chuusaɛn duu ɔ, wo ni a ɔ yian Chudia chɛnyɛ tɔɛ gbu gbɛɛ ɔ, ni Samayia chɛnyɛ ɔ, a che kan kɔ kan dunya gbɛɛ ɔ.”

CHISƆSI 'A SƆ MƆƐ NU 10:41

Chisɔsi nii ma bɔ ni mɔɛ gbɛɛ an ya a, chɛɛ a bɔ‑a dechee nn fan ya a. Yataa na‑a a boo sɔ nn fɛn ma, ma koe a sii n na. Nn fan‑na daun dɔndɔɛ chɛ, nn‑na nn min kaina dɔndɔɛ, Chisɔsi a sɔenɛ gbakɔ saya ɔ.

CHISƆSI 'A SƆ MƆƐ NU 22:14

Mbɛ a ɔ, ‘Yataa, mmɔ bemba n ta bemba n ni min fai, an‑na a boo sɔ bi i ma, i ni a faa ma koe ɔ sɔn. Chɛ ni a ma, i ni mɔɛ chɛ yen, min tanden mu Yataa tena gbeden, a yɛ to, i ni bai a min, min mbe bɔ‑a a da ɔ.

CHISƆSI 'A SƆ MƆƐ NU 9:15

Chɛɛ Mansa Chisɔsi‑a a fɔ wan a ye, a ɔ, “Ta, mɔna chɛ mu, n‑na n boo sɔ min ma, wai chɛ koe a n ko a. A ni n bakoe ɔ yian mɔɛ n na, miin ma Chu mɔɛ n na, a basan mansa n na, an bɛ Isɔɛɛ mɔɛ n na.

GBOO DOMI KO A 1:13

N suun ma nyɔɛ nu Chasi ɔ, n toen mu wo ni a ɔ sɔn, mbɛ tima sɛsɛ ko a, mbɛ ɛ ma wan n yii ma tima ɔ tima, n ni na wo kɔndɔn. Chɛɛ koe an‑na a ma, n ma che nin bɛ na‑a wo tena. N toen mu n ni na, min mbe a ma, n ni mɔɛ n ma sɔn wo tɛ ɔ, Domi duu ɔ, miin mbe an kai fa‑a Chisɔsi a. N‑na a ma ka wan kaina sɛsɛ nu mɔɛ n tɛ ɔ, miin ma Chu mɔɛ n na.

GBOO DOMI KO A 1:5

Yataa‑a a ma wan, Chasi 'a duaya ɔ, nn ma‑a a 'a sɔ mɔɛ a. A‑a chɛ ma, min mbe a ma, nn ni a ma mɔɛ n gbɛɛ dunya ɔ, danaya ni ma an dɔ Yataa ko a, mbɛ an‑na kooya be Chisɔsi ma.

GBOO DOMI KO A 15:4

Koe min na mu, bai miin gbɛɛ mbe Yataa 'a gboo ɔ, an nyɛnden mu mmɔ wan ko a, mmɔ kan koe a. Koe min na mu, gboo chɛ ɛ mmɔ faa ma nande wan, mbɛ mmɔ‑a mmɔ faa bia gban Yataa 'a wai ɔ, yiinatɛ ni ma mmɔ ɔ.

GBOO DOMI KO A 9:21

Boo da nyan mɔɛ dɔndɔ yen ko, a ɛ dia a wandi an ye, ɛ a 'a boo a wai buɛ min dɔ. A ɛ da fea nyan fan boo dɔndɔɛ ɔ. A sin, a da dɔndɔɛ ɛ ma wan wai chɛ koe a tee ɔ tee ko a. Mbɛ dɔndɔɛ ma‑a nɔ tenchen, bɛn chenama ko a.

GBOO SAA KƆYINDI KO A 10:11

Koe chɛ gbɛɛ miin ma‑a ka, an‑na a ɔ yian fan, koe min mbe ma mɔɛ a, ni i wɛɛ i‑a ko dɔndɔ gbe chɛ an ma, mɔɛ chɛ n‑na miin ma. Chɛ an‑na a fɔ, mɔɛ n‑na a nyɛn Yataa 'a gboo ɔ, ma koe a dasi a mmɔ ko a. A mu min na, mmɔ ɛ ka tee min kɔɔ, a ɔ ma yansan to mbɛ dunya ban‑da.

Gboo Kadesia Ko A 1:15

Chɛɛ Yataa‑a a boo sɔ wan n ma, n suun‑da tima min na. A‑a n chee wan, a 'a koadia demanɛ ɔ. A bu ɔ dia‑a wan,

Gboo Ɛfisɔsi Ko A 2:10

Koe min na mu, Yataa boo gba mu mmɔ a. A‑a mmɔ a dan, koe min na mu, mɔ dɔndɔɛ mu mmɔ a, mmɔ bɛ Chisɔsi a, mmɔ chɛ chɛ wai chɛndɛ ko a. Mmɔ chɛ chɛ wai chɛ nu, Yataa‑a miin to mmɔ ya ɔ, mmɔ ni tachɛ an chia chɛ n na.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

Gboo Kɔdɔsai Ko A 1:6

Sakana bai chɛndɛ chɛ ɛ a ma tena wan, ko chɛndɛ sɛsɛ ɛ mɔɛ n tan tena tima ɔ tima ko a dunya gbɛɛ ɔ. A sin, wo wandi wɛɛ tɛ ɔ, ɛ ma tena ka wan. A bia tee saa saa chɛ ma, wo na‑a a a min kɛn, mbɛ wo dan‑da koadia demanɛ a chɛndɛ chɛ, Yataa ɛ min chɛ tea tea ɔ.

1 TIMOTI 2:7

Chɛ ko a mu, a‑a n ya sɔ mɔɛ a, sakana bai chɛndɛ ɔ yian koe a. N ni mɔɛ n kan, Chu mɔ ma miin na, dan koe a Chisɔsi a, a basan tea sakana bai chɛndɛ a. N mbe ka tea an fɔ‑a, fania ma chɛ a.

2 TIMOTI 1:11

Sakana bai chɛ ko a mu, a‑a n ya sɔ mɔɛ a, n ni kanɛ chɛ, mbɛ n‑na a ɔ yian mɔɛ n na.

2 TIMOTI 2:2

N na‑a i kan fan koe n sɛsɛ ma, a sin, mɔ sɛsɛ ni wan nɔ siiya a. An kan chɛ a ben mɔ dɔ mende n tena, miin danayaen mu, an ni mɔ dɔ mende n bɛɛ kan.

TAITƆSI 1:5

Chɛ an‑na a ma, n‑na i to Keti yii tinɛ ɔ duu n dɔ, min mbe a ma, i ni koe n dɔ bɛn. A yɛ to, i ni chɔchi gbakoo n yian duu kan kɔ kan dɔ, yɔ n‑na a fɔ buɛ min dɔ i ye.

GBOO IBU MƆƐ N KO A 11:4

Ebɛɛ na‑a a kai fa wan Yataa a. An na‑a a ma, a‑a yasi be Yataa ma. An yasi chɛ ni nyin Yataa tena, a ben Ken ta ma. Yataa na‑a Ebɛɛ ya wan mɔ tandenɛ a, kaifa ɔ chia a, mbɛ a‑a a boo si a 'a yasi kɔɔ. Ebɛɛ faen mu wɛɛ boo ɔ boo bi tee chɛ kɔɔ, chɛɛ ɛ wɛ koɔ tena mmɔ tena tun. Koe min na mu, a na‑a a kai fa wan Yataa a, a sin mu tɔmɔsi an na mmɔ tena.

CHIMISI 3:18

Mɔɛ miin tanden mu Yataa tena, an mbe a ma mɔ dɔ mende n mbe ma kuiɛ dɔndɔya ɔ, a nyin an ko a. Koe min na mu, ni an‑na koe n ma faachimaya ɔ, ɛ ma ko chɛndɛ n fan na.

1 PITA 3:15

Chɛɛ Chasi ma chianɛ ni ma wo faa ɔ, wo ni baa be a wan mansa ma. Wo ma bɛndenɛ ni ma, tima ɔ tima ko a, mɔɛ n 'na tisa yɛman koe a. Ni an‑na wo ɔ tisa, a si yiinatɛ ma min mbe wo ɔ, wo a ɔ yian an na.

1 PITA 3:2

Koe min na mu, an mbe a ɔ yen‑da wan wo sɔnɛ nyin buɛ min dɔ Yataa chen kɔɔ, wo sin chianden mu ka wan to a ma.

1 CHƆN 4:10

An ma a fɔ ni, mbɛ mmɔ wan to‑a Yataa a, chɛɛ a wan to‑a dechee mmɔ a. Chɛ‑a a ma wan, a wan Yataa, a‑a a 'a den chɛ a na, a ni ma yasi a mmɔ 'a ko yama n ko a. Koadia chɛ mu chɛ an na.

1 CHƆN 4:19

A nyin koadia ni ma mmɔ ɔ, koe min na mu, Yataa pɛn‑na koadia yian mmɔ a.