CHƆN 15:12 - Yataa 'a Dɔbɛnɛ Nama

¹² N mbe chɛ an fɔ tena wo ye a ma koe a, mbɛ wo ni to wo nyɔn na, yɔ n toen mu buɛ min dɔ wo a.

CHƆN 15:12 ပူးပေါင်းရင်းမြစ်များ

CHƆN 13:34

A sin sanche, n yen ko sawa nama be‑a wo ma, n ma min be nin bɛ a kɔma a, mbɛ wo ni to wo nyɔn na. N to‑a buɛ min dɔ wo a, wo wɛɛ, wo to wo nyɔn na ka.

CHƆN 15:17

N mbe chɛ an fɔ tena wo ye, mbɛ wo ni to wo nyɔn na.

GBOO DOMI KO A 12:10

Wo to wo nyɔn na chɛndɛ chɛ wo faa gbɛɛ a, yɔ mɔɛ ɛ to buɛ min dɔ a suun ma nyɔɛ n na. A sin, wo ma bɛndenɛ ni ma basɔmaya be koe a wo nyɔn ma, tima ɔ tima ko a.

Gboo Ɛfisɔsi Ko A 5:2

Koadia faa ni ma wo ɔ, yɔ Chasi to‑a buɛ min dɔ mmɔ a. A sin, a‑a a wandi fɔɛ be wan mmɔ ko a, a ma‑a yɔ yasi, min mbe Yataa faa chima.

Gboo Saa Tɛsadonika Ko A 3:12

Koadia min mbe wo faa ɔ, wo nyɔn ko a, a basan mɔɛ tɔɛ gbɛɛ a, Mansa Chisɔsi ni a ma munda ta‑a. A ni koa yɔ nn ta koadia wo ko a.

Gboo Saa Tɛsadonika Ko A 4:9

Tima yayi mu, gboo nyɛn koe a wo tena, a fɔ koe a wo ye, mbɛ wo ni to wo bɔ Chisianɛ n na. Yataa wandi‑a wo kan, wo e kun buɛ min dɔ to koe a wo nyɔn na.

GBOO FEAN BƆƐ TƐSADONIKA KO A 1:3

Nn suun ma nyɔɛ nu Chasi ɔ, nn mbe samunɛ chɛ tena tima ɔ tima wo ko a. A sin nyin fan nn ni a ma ka. Koe min na mu, wo 'a kaifa Chisɔsi a, a ma ɛ munda tena wan kaka. A sin to, koadia ma ɛ munda tena wan wo faa ɔ, wo nyɔn ko a.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 PITA 3:8

Ka n mbe n da a bai chɛ kunɛ a bia nɛ, mbɛ wo yiima ni ma dɔndɔ. Wo ni to wo nyɔn na wo faa gbɛɛ a. Chinchimaya ni ma wo ɔ wo nyɔn ko a, wo sin ma dɔpandaya bɔ.

1 PITA 4:8

Min mbe ko ɔ ko kun ma, wo to wo nyɔn na wo faa gbɛɛ a. Koe min na mu, koadia ɛ a ma wan mmɔ ni mmɔ ya ka ko yama sɛsɛ a.

1 CHƆN 3:23

A sin, a 'a sawa gbu an nɛ, mbɛ mmɔ ni mmɔ kai fa a 'a denɛ Chisɔsi Chasi a. A yɛ to, mmɔ ni to mmɔ nyɔn na, yɔ a 'a sawa‑a min fɔ mmɔ ye.

1 CHƆN 4:21

Yataa sin‑na chɛ an fɔ mmɔ ye, a ɔ, mɔ ɔ mɔ, i wɛn mbe to‑a a wan Yataa a, a ɔ, i mɔɛ chɛ ni to i suun ma nyɔɛ wɛɛ a.

2 CHƆN 1:5

Sanche gbɛ, bɔɔɛ, n mbe ee ka na tena sawa nama an nyɛn tena wo tena, chɛɛ sawa mu, min mbe mmɔ boo ɔ, a ka sakana bai chɛndɛ chɛ a min tima saa saa ma. An sawa chɛ ɔ, mmɔ ni to mmɔ nyɔn na.