CHƆN 15:11 - Yataa 'a Dɔbɛnɛ Nama

¹¹ “N mbe koe chɛ n fɔ tena wo ye, min mbe a ma, buɔdia min mbe n dɔ, a ni ma wo wɛɛ ɔ. An mbe a ma‑a wo 'a buɔdia da ni fa gban.

CHƆN 15:11 ပူးပေါင်းရင်းမြစ်များ

DUKU 15:23

Mbɛ wo ta‑a, wo‑a ninchi busi ya, min maen mu buchɛ buchɛ. Mbɛ wo‑a a fa, mbɛ mmɔ‑a daun chɛ buɔdia bɔ.

DUKU 15:32

Chɛɛ mɔɔ ni mmɔ‑a buɔdia bonda chɛ bɔ, a mu min na, i dɔɛ chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ sanche.’ ”

DUKU 15:5

Ni a‑a a yen, a bu ɔ dia‑a wan, mbɛ a‑a a sa a kan ma,

DUKU 15:9

Ni a‑a a yen, ɛ a dia nyɔɛ n chee‑a wan, a basan a baachenɛ n na, mbɛ a ɔ, ‘N‑na n 'na kainɛ yen. Mmɔ buɔdia bɔ.’

CHƆN 16:24

Chɛɛ mmɔ ɛ chɛ gbɛɛ ɔ aan sanche, wo ma tisa chɛ nin bɛ fen kɔ fen ko a, n tɔɛ ɔ. Wo tisa chɛ, mbɛ wo‑a fen chɛ ma sɔn, wo e min bakoe ɔ tisa‑a. Chɛ an mbe a ma‑a, wo 'a buɔdia da ni fa gban.

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

CHƆN 17:13

A sin, sanche chɛ ɔ, n mbe gbɛ chia an na, na‑a i tena. Chɛɛ n mbe wɛ nɛ tima min na dunya chɛ ɔ, n mbe koe chɛ n gbɛɛ ɔ yian tena wan n fɛ den chɛ n na. Chɛ ɛ ma‑a wan, buɔdia min nyɔn sima ɛ n dɔ, an ni a buɔdia da faenɛ ma sɔn.

CHƆN 3:29

Sɛnama tana, musu fuu kai an ta mu a a. Chɛɛ an kai chɛ bɔɛ tana, min mbe ta a ya ɔ, dɔbɛn chɛ koe a, a too an ma sɔenɛ ɛ ma dechee. A bu ɔ dia‑a wan, ni a‑a musu fuu kai gbu kuiɛ a min. N ta buɔdia da faen mu ka wan gbɛ.

GBOO DOMI KO A 15:13

Yataa, min‑na yiinatɛ chɛ be, a ni buɔdia be wo ma. Yataa, a ni faachima be wo ma. A ni koe chɛ n ma wo ye, koe min na mu, wo kai faen mu an na. Yiinatɛ chɛ ma ni mun‑da wo ɔ kaka, Yataa Nyina 'a gbasaya ɔ.

GBOO FEAN BƆƐ KƆYINDI KO A 1:24

Nn mbe ee a din tena wo ma fɔsɛɛ a, wo e dan koe min na. Nn‑na a ɔ sɔn fan, wo kai faen fan mu Chisɔsi a gban. Nn mbe a ma tena, tee ɔ tee a, mmɔ bɛ ɛ wai chɛ tena, wo 'a buɔdia ko a.

Gboo Ɛfisɔsi Ko A 5:18

A sin, wo wo boo bɔ gbɛ min ba ɔ, a ma na wo wakoe ɔ chɛ chɛ. Chɛɛ Yataa Nyina, an ni tachɛ gbɛ wo a.

Gboo Fiipai Ko A 1:25

N danden fan mu chɛ a. A sin, n ko a, n‑na a ɔ sɔn fan, mbɛ n mbe ma‑a wan fɔɛ chɛ ɔ. N mbe ma‑a wan tun wo gbɛɛ tɛ ɔ, n ni basan wo ma, wo‑a wo kai fa min chɛ Chasi a, a ma ni munda. Chɛ ni a ma, wo bu ɔ ni dia, a chenama ɔ, Chisɔsi Chasi a.

Gboo Saa Tɛsadonika Ko A 5:16

Wo bu ɔ diama ni ma tima ɔ tima.

1 PITA 1:8

Wo ma a yen nin bɛ, chɛɛ wo toen fan mu a a. A yɛ to, wo kai faen fan mu a a, wo ee a yen tena wɛɛ. A sin, sanche chɛ ɔ wɛɛ, wo bu ɔ diama mu. An buɔdia chɛ danka ee, wo ee che bai fɔ‑a a si a ma.

1 CHƆN 1:4

Nn mbe gboo chɛ nyɛn tena wo tena, min mbe a ma, nn 'na buɔdia da ni fa gban.

2 CHƆN 1:12

Ko sɛsɛ ɛ wan n yii ma, a fɔ koe a wo ye. Chɛɛ n mbe ee a finɛ puin tena a gbɛ ɔ. N mbe min ma tena, n yiima ɛ a fɔ tena wan n ye, n ni na wo kɔndɔn, mmɔ ni chia ɔ bɔ dɔndɔ chɛ. Chɛ an mbe a ma‑a, mmɔ gbɛɛ, mmɔ 'a buɔdia da ni fa gban.