CHƆN 15:10 - Yataa 'a Dɔbɛnɛ Nama

¹⁰ Ni wo e koe chɛ n ma‑a, n mbe miin fɔ wo ye an ma koe a, wo ee na‑a wo kan kɔ sɔ‑a n 'na koadia a. N bɛɛ, n‑na koe chɛ n ma wan, Fa ɛ miin fɔ n ye, mbɛ n ma n kan kɔ sɔ ni a 'a koadia a.

CHƆN 15:10 ပူးပေါင်းရင်းမြစ်များ

CHƆN 10:18

Mɔ ɔ mɔ ee kun a ni n fɔɛ ya n sun da a. Chɛɛ n fandi gbu, n fan mbe n fɔɛ be‑a. Gbasaya been mu n fandi an ma, n fandi fɔɛ be koe a, an ni n fa. A gbasaya chɛ ɛ to n fandi an boo ɔ, a ma koe a to, n ni yɛ fɔɛ ɔ. Fa na‑a a fɔ ka wan n ye, a ma koe a.”

CHƆN 12:49

N mbe ee koɔ n fandi 'a gbasaya an kɔɔ. Chɛɛ Fa min‑na n sɔ, ɛ min fɔ n ye a fɔ koe a, n mbe an fɔ.

CHƆN 14:15

Mbɛ Chisɔsi ɔ a fɛ denɛ n ma, a ɔ, “Wo e koe chɛ n ma‑a wan, n‑na miin fɔ wo ye an ma koe a, ni wo toen fan mu n na.

CHƆN 14:21

“Mɔɛ min mbe koe n ma‑a, n mbe miin fɔ an ma koe a, an mɔɛ chɛ an toen mu n na. A sin, an mɔɛ chɛ, a toen min chɛ‑a ka n na, Fa wɛɛ, a ɛ to‑a wan a a. N bɛɛ, n mbe to‑a wan a mɔɛ chɛ a, mbɛ n‑na a ma, a‑a n sɔn chɛndɛ chɛ.”

CHƆN 14:23

Mbɛ Chisɔsi ɔ, “Mɔɛ min toen mu n na, ɛ koe chɛ n ma wan, n‑na miin fɔ a ye, an ma koe a. Fa ɛ to‑a wan a mɔɛ chɛ a. A sin, Fa ni ma, ni n fan, nn mbe na‑a wan a tena, mbɛ nn bɛ gbɛɛ ɛ ma‑a kaina dɔndɔ.

CHƆN 14:31

Chɛɛ a nyin dunya chɛ ɔ mɔɛ nu, an ni a ɔ sɔn, mbɛ n toen mu Fa a. Chɛ an fɛ mu, ko ɔ ko ɛ min fɔ, n mbe an ma a buɛ an dɔ. “Wo wo kɔɔ sɔ, mmɔ ni bɔ nɛ.”

CHƆN 17:4

N ban‑da a ɔ yian‑da dunya ɔ, i kamayaen mu buɛ min dɔ. A yen ko, n‑na i 'a wai a ban, i‑a min be n ma a chɛ koe a.

CHƆN 4:34

Mbɛ Chisɔsi ɔ, “Min 'na dɛya mu n na, ni n‑na a faa ma koe ma, n ni a 'a wai a ban, a‑a n sɔ min na, an mu n 'na daun fenɛ a.

CHƆN 8:29

A sin, a wɛn‑na n sɔ, nn fea an mbe nn kun puin kaina dɔndɔɛ, a ee n dɔndɔ gbe boo ka tee dɔndɔ wɛɛ. Koe min na mu, a faa chima koe nu, n mbe an fan ma tima ɔ tima.”

CHƆN 8:55

Wo ma a sɔn bɛɛ boo ɔ boo, chɛɛ n tana, n‑na a sɔn fan. Ni n‑na a fɔ, n dɔ, n ma a sɔn, n mbe ma‑a ka fania an fɔ‑a, yɔ wo e fania fɔ tena buɛ min dɔ, a sɔn koe a. Chɛɛ n gbu sin‑na a sɔn fan, a sin, n mbe wan a da a kuiɛ ma.

GBOO SAA KƆYINDI KO A 7:19

Mɔɛ a ni kamincha wan, a a ma kamincha ni fan, ko ɔ ko ma chɛ a. Koe mu min na dechee, an nɛ, Yataa 'a sawa bia koe a chɛndɛ chɛ.

Gboo Saa Tɛsadonika Ko A 4:1

A danka a gbɛ, nn suun ma nyɔɛ nu Chasi ɔ, wo‑a a kan fan nn ma, wo e ma fɔɛ min sima ɔ, min mbe Yataa faa chima. Wo sin, tea ko a, wo e tachɛ tena ka wan fɔɛ ɔ. Sanche gbɛ sin, a dinden fan mu wo ma, mbɛ wo ma yɛ to kuu kɔ. Mmɔ ma‑a mɔ dɔndɔɛ a, mmɔ bɛ Mansa Chisɔsi a. An fɛ mu, nn mbe wo faa ma nande tena, wo ni a a tun tachɛ koe a chɛndɛ chɛ.

GBOO IBU MƆƐ N KO A 7:26

Chɛ an fɛ mu, ko ma bɛndenɛ mu, tɛ mɔ wa chɛ, mɔ gbu n tɛ Yataa a, a sima ma sɔn koe a. A wɛn ma ko yama kan kɔ kan ma ni, ɛ tenchen Yataa ko a. A sin to, mabɔ ee a ma, an tɛ duenɛ ɛ, an bɛ ko yama ma mɔɛ n na. A ya‑a, a sɛ banda bu ɔ.

2 PITA 2:21

A ni nyan‑da wan an ko a, ni an nii ma chia sɔn ni, an mbe tan buɛ min dɔ Yataa tena. Chɛɛ ni an‑na a sɔn, mbɛ an‑na an kan kɔ sɔ Yataa 'a sawa duaenɛ a, a yau an ko a.

1 CHƆN 2:3

Ni mmɔ dɔn‑da Yataa 'a sawa n na tachɛ koe a, yɔ ɛ a fɔ‑a buɛ min dɔ mmɔ ye, mbɛ mmɔ‑a a ɔ gbɛ, mbɛ mmɔ‑a a sɔn fan.

1 CHƆN 2:5

Chɛɛ ni mɔ ɔ mɔ‑a a da a kuiɛ a min, an mɔɛ chɛ an mu mɔɛ a, min toen mu Yataa a tea tea ko a. Mmɔ ɛ a ɔ sɔn‑da ka wan, mbɛ mmɔ ma‑a mɔ dɔndɔɛ a Yataa a.

1 CHƆN 2:6

Mɔ ɔ mɔ, min mbe a fɔ‑a, mbɛ an ma‑a mɔ dɔndɔɛ a Yataa a, a ni sɔ Chisɔsi chen gba ɔ.

1 CHƆN 5:3

Mmɔ ɛ koadia yian ka wan Yataa a, ni mmɔ don‑da a da a kuiɛ kɔɔ. Chɛ sin, a ma gbɛ a a min koe a.

KO Ɔ NUNDENƐ 22:14

Mɔɛ chɛ n duaen mu, miin mbe an 'na koa ko‑a, min mbe a ma, an ni don duu wa chɛ ɔ, fɛnsi chɛ da chɛ n na, mbɛ an‑na kɔn chɛ gbɔɛ daun, kɔn chɛ min mbe fɔɛ be ka.