CHƆN 14:9 - Yataa 'a Dɔbɛnɛ Nama

⁹ Chɛɛ Chisɔsi ɔ, “Fiipi, mmɔ mɛ buɛ chɛ mmɔ bɛ, a ni nyan fan wo gbɛɛ ni n sɔn gbɛ. Mɔ ɔ mɔ min‑na n yen, a‑a Fa an yen ka. E ee kun to, i ni n dɔ tisa, n ni Fa yian wo a. Chɛ ɛ ma wan?

CHƆN 14:9 ပူးပေါင်းရင်းမြစ်များ

MAKI 9:19

Mbɛ Chisɔsi ɔ, “A sin, wo e ka buɛ min dɔ, wo ee dan ko a. A ɔ yansan gbɛ mmɔ bɛ ɛ mmɔ nyɔn fɛ, fen mu wo ee dan n na? N ma a ɔ sɔn n mbe fen ma to wo ko a. Na i 'a denɛ a.”

DUKU 12:56

Wo wan nɛnɛn fea ti nu, wo e banda ma fɛn fan, an fea duu gboo a, mbɛ wo‑a a ɔ sɔn ni banda ɛ na tena wan nyan‑da. Wo e a ɔ sɔn fan to ni a ee nyan tena. Chɛɛ wo ee che koe chɛ n sin fasai‑a, miin mbe ma tena sanche.

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 10:30

Nn fea Fa a, mɔ dɔndɔɛ mu nn na.”

CHƆN 12:45

Mɔ ɔ mɔ min‑na n yen, a‑a Fa an yen ka, min‑na n sɔ.

CHƆN 14:20

Ni a tima chɛ che‑a, wo e a ɔ gbɛ‑a wan, mbɛ nn fea Fa a, mɔ dɔndɔɛ mu nn na. A sin, wo wɛɛ, wo e ma‑a wan mɔ dɔndɔya ɔ n na, yɔ n bɛɛ, n mbe ma‑a buɛ min dɔ dechee mɔ dɔndɔya ɔ wo a.

CHƆN 14:7

Ni wo na‑a a ɔ sɔn fan chɛndɛ chɛ, n mu mɔɛ min sima a, mbɛ wo ni Fa wɛɛ sɔn‑da wan. Chɛɛ a ka gbɛ sanche ma, aan a ta, wo‑a a sɔn gbɛ, a sin, wo ban‑da a yen‑da.”

CHƆN 8:19

Mbɛ an dɔ, “I fa chɛ gbu ɛ mende?” Mbɛ Chisɔsi ɔ, “Wo ma n sɔn buɛ min dɔ, wo ma Fa wɛɛ sɔn ka wan. Ni wo na‑a n sɔn fan, wo ni Fa wɛɛ sɔn‑da wan.”

GBOO SAA KƆYINDI KO A 15:12

Mmɔ 'a sakana bai sanche chɛ ɔ, an nɛ, mbɛ Chasi‑a a kɔɔ sɔ wan, a ka saya ɔ. Chɛ ko a, wo dɔ nu, wo ee che to a fɔ‑a, mbɛ kɔɔ sɔ ee nɔ, a ka saya ɔ.

Gboo Fiipai Ko A 2:6

A maen nin bɛɛ chia ɔ chia a yɔ Yataa, chɛɛ a nii ma butuin chɛ ni podon, min mbe a ma, an na kandenɛ ni ma tun, an fea Yataa a.

Gboo Kɔdɔsai Ko A 1:15

Mmɔ ee Yataa min yen, a bɔ nyɔɛ chɛndɛ chɛndɛ, mɔ gbu na‑a min yen, a mu Chisɔsi Chasi an na. Yataa 'a denɛ mu an na, a sin, gbasaya ɛ wan a boo ɔ fen kɔ fen kun ma, min na dan‑da dunya chɛ ɔ.

GBOO IBU MƆƐ N KO A 1:3

An den chɛ sin, Yataa 'a kamaya ɛ yen fan a ɔ. Yataa ɛ buɛ min dɔ dechee, a wɛɛ ɛ ka wan. A da a bai gbasayaen mu, min mbe a ma tena dunya kunɛ a biaenɛ ɛ kaina dɔndɔɛ. A ban‑da kɛn mmɔ ma ko‑a, a bɔ mmɔ 'a ko yama n dɔ, a si‑a kaina ma bɛndenɛ Mansa Yataa boo nyima ɔ, pan banda bu ɔ.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.