CHƆN 14:6 - Yataa 'a Dɔbɛnɛ Nama

⁶ Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 14:6 ပူးပေါင်းရင်းမြစ်များ

MATIU 11:27

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma ko ɔ ko kun ma. Fa dɔndɔ gbe an‑na n sɔn chɛndɛ chɛ. N bɛɛ n dɔndɔ gbe an‑na Fa sɔn chɛndɛ chɛ. N‑na mɔɛ miin ya Fa sɔn koe a, an bɛɛ‑a a sɔn fan chɛndɛ chɛ.

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 1:17

Yataa na‑a a 'a sawa n na ben Mosisi an na, chɛɛ koadia chinchimaya tana, a basan danaya a, mmɔ‑a an ma sɔn Chisɔsi Chasi an na.

CHƆN 1:4

A wan mbe fɔɛ chɛndɛ be. An fɔɛ chɛ, an mu manɛ a mɔ gbu ko a.

CHƆN 10:28

N fɛ mɔɛ nu, n mbe kuɔ fɔ fɔɛ an be‑a an ma, min mbe a ma, an mbe ee fa‑a, an ni to saya ɔ. Mɔ ɔ mɔ ee che an bɔ‑a n boo ɔ.

CHƆN 10:7

Chɛ‑a a ma wan, mbɛ Chisɔsi ɔ, “Ka n mbe chɛ ma din wo tena. N mbe wan dechee yɔ sa kuii chɛ da, sa chɛ n mbe don min na, an mbe bɔ.

CHƆN 10:9

N fan mu sa kuii chɛ da a. Ni mɔ ɔ mɔ ben‑da n tena chia a, a ni don, a mɔɛ chɛ ɛ kun ka ma sɔn‑da wan. Ɛ don‑da wan, a ni bɔ, a faa ma a. A sin mbe a daun fenɛ ma sɔn‑da wan.

CHƆN 14:19

A ɔ ma yansan to, mbɛ Yataa wakoe ee mɔɛ miin faa ɔ dunya chɛ ɔ, an mbe ee n yen‑da to. Chɛɛ wo tana, wo e n yen‑da wan, koe min na mu, ni n yɛ‑a fɔɛ ɔ, wo wɛɛ, wo e ma‑a wan fɔɛ ɔ.

CHƆN 15:1

Chisɔsi ɔ, “N fan mu kɔnɛ chɛndɛ chɛndɛ a, min mbe gbɔ chɛndɛ be. A sin, Fa an mu yadi ti a.

CHƆN 18:37

Chɛ‑a a ma wan, Kɔfana Padeti ɔ, “E ka a fɔ an na gbɛ n ye, mbɛ mansa mu i a?” Mbɛ Chisɔsi ɔ, “I wan‑na a fɔ, i ɔ, mansa mu n na. N na‑a dunya chɛ ɔ, mbɛ n suun‑da mɔgbuya ɔ. Chɛ ma‑a, ko dɔndɔ gbe chɛ an ko a, tea ɔ yian koe a mɔɛ n na. A sin, mɔ ɔ mɔ min toen mu an tea chɛ a, ɛ a too ma sɔ wan n da a kuiɛ ma.”

CHƆN 5:21

N Fa, ɛ mɔɛ n kɔɔ sɔ wan, a ka saya ɔ, ɛ fɔɛ be an ma. A chia dɔndɔ gbe chɛ a mu, n bɛɛ, n mbe fɔɛ be‑a chɛ n ma, n toen mu n ni a be miin ma.

CHƆN 6:33

A mu min na, daun fen chɛ, Yataa‑a min be, a mu chɛ an na, min ka‑a banda bu ɔ, a yii‑a, a‑a fɔɛ be dunya ma.”

CHƆN 6:51

N fan mu fɔɛ be daun fen chɛ a, min yii‑a a ka banda bu ɔ. Ni mɔ ɔ mɔ‑a daun fen chɛ daun, ɛ kuɔ fɔ fɔɛ ma sɔn‑da wan. N mbe daun fen chɛ min sin be‑a a ma, a mu n gboo an na. N mbe a be‑a wan, fɔɛ ko a dunya ɔ.”

CHƆN 6:57

Fa min mbe fɔɛ be, an‑na n sɔ dunya chɛ ɔ, a sin fan‑na a ma to, n mbe fɔɛ ɔ. A chia dɔndɔ gbe chɛ a, mɔ ɔ mɔ min mbe n gboo daun‑da, n bɛɛ, n mbe a ma‑a ka wan, an ni ma fɔɛ ɔ.

CHƆN 6:68

Mbɛ Saimɔn Pita ɔ, “Mansa, nn mbe ta‑a gbɛ nyɔn tena? A yen ko, i da a bai, an mbe a ma kɛn, mɔ gbu ni kuɔ fɔ fɔɛ ma sɔn.

CHƆN 8:32

Wo e tea ɔ gbɛ‑a wan, a si Yataa ma, a sin fan mbe a ma‑a, wo kunɛ ni bɔ yɔncha ɔ.”

CHƆN 8:51

N mbe chɛ ma din tena wo tena, mbɛ mɔ ɔ mɔ min mbe ma‑a a da a kuiɛ ma, a mɔɛ chɛ ee fa‑a.”

CHISƆSI 'A SƆ MƆƐ NU 3:15

A sin, wo‑a Chisɔsi fa wan, gbasaya ɛ min boo ɔ, kuɔ fɔ fɔɛ be koe a. Chɛɛ Yataa‑a Chisɔsi gbu kɔɔ sɔ wan, a ka saya ɔ. Nn sin mbe siiya bɔ tena wan chɛ ma.

CHISƆSI 'A SƆ MƆƐ NU 4:12

Yataa‑a gbasaya be Chisɔsi dɔndɔ gbe an ma, a ma koe a mɔ gbu gbɛɛ ni bauncha ma sɔn. Yataa ma tɔ dɔ mende a bɔ ni to dunya chɛ ɔ, mmɔ ɛ min chee bauncha ma sɔn koe a, a fɔ dechee Chisɔsi dɔndɔ gbe.”

CHISƆSI 'A SƆ MƆƐ NU 9:2

mbɛ a‑a a ɔ tisa, gboo be koe a a ma. Gboo nyɛndenɛ chɛ, ɛ kun fan a ni a wakoe ɔ yian, ya ɔ sɔɛ chɛ n na, Chu n 'na samun chɛ chenɛ n na, Damasikɔsi duu ɔ. A na‑a chɛ ma koe min na, a toen ni, ni a‑a mɔ ɔ mɔ tan, min‑na a sɔ chia chɛ fɛ, Chisɔsi‑a min yian ka a sɔ koe a a fɛ, a ni a bia. A ni ma mɔ kaima a, chɛ ma, musu wɛɛ, a ni na a a Chuusaɛn duu bu ɔ.

GBOO DOMI KO A 15:16

A‑a a boo sɔ wan n ma, ma koe a Chisɔsi Chasi 'a wai chɛ mɔɛ a, mɔɛ chɛ n ko a, miin ma ka Chu mɔ a. N mbe wai chɛ wan an ye, yɔ Yataa 'a tɛ mɔɛ. N mbe Yataa 'a sakana bai sa wan an tena. Chɛ ɛ ma, min mbe a ma, Yataa ni a boo si an kɔɔ, yɔ yasi miin mbe tenchen a ko a. An ni ma yasi chɛ a, Yataa Nyina wandi gbu‑a min be tenchen a ma.

GBOO DOMI KO A 5:2

Mmɔ 'a danaya chɛ ko a Yataa a, Chasi‑a a ma, mmɔ boo kun‑da Yataa 'a koadia deman chɛ ma, min mbe ka mmɔ ko a sanche. Mmɔ ɛ buɔdia bɔ wan gbɛ sanche, koe min na mu, mmɔ yii na tɛen fan mu gbɛ, mbɛ Yataa sɔnɛ dɔ ɛ ma‑a wan mmɔ ɔ ya ɔ ma.

GBOO DOMI KO A 5:21

N da a bai kunɛ a bia koe a, ko yama‑a gbasaya ɔ yian buɛ min dɔ saya ɔ, Yataa 'a koadia demanɛ a ta gbasaya wɛɛ ɔ, mmɔ ya‑a ka wan mɔ tandenɛ n na a chen kɔɔ. Chɛ‑a a ma wan, mmɔ‑a kuɔ fɔ fɔɛ ma sɔn, mmɔ 'a mansa Chisɔsi Chasi‑a min be.

GBOO SAA KƆYINDI KO A 15:45

A gbu sin, a nyɛnden mu ka wan Yataa 'a gboo ɔ, mbɛ mɔ kaima saa saa, min tɔ ni Adami, Yataa‑a fɔɛ be wan a ma. Mbɛ Adami dankama sin, a mu Yataa Nyina an na, min mbe fɔɛ be.

Gboo Ɛfisɔsi Ko A 2:18

Chasi an‑na a ma, Chu mɔɛ nu, ni miin ma Chu mɔ a, mmɔ bɛ, mmɔ ɛ si mmɔ Fa Yataa chen kɔɔ. Mmɔ‑a chia chɛ ma sɔn Yataa Nyina 'a gbasaya an dɔ.

Gboo Kɔdɔsai Ko A 2:17

Koe min na mu, koe miin mbe na tena ma‑a, an nininɛ gbama gbama n fan nɛ. Koe kuu ba gbu, a sien mu Chasi an ma.

Gboo Kɔdɔsai Ko A 2:9

Koe min na mu, Chasi ni mɔ gbu gboo an dɔ nɛ dunya ma, chɛɛ Yataa ni a a, chia ɔ chia a.

Gboo Kɔdɔsai Ko A 3:4

Chasi dɔndɔ gbe, an mbe a ma wo ni ma fɔɛ nama ɔ. A sin, ni a yɛ‑a to dunya chɛ ɔ, wo bɛ an mbe ma‑a a a. A sin mbe ma‑a Yataa 'a manɛ min dɔ, wo wɛɛ, wo e ma‑a an dɔ.

GBOO IBU MƆƐ N KO A 7:25

A sin fan fɛ mu, mɔɛ miin mbe na Yataa tena, a 'a gbasaya ɔ, ɛ an mɔɛ chɛ n kun bɔ wan tima ɔ tima an 'na ko yama n dɔ. Koe min na mu, tima ɔ tima ko a, ɛ wan nɔ, Yataa ma nande koe a, an mɔɛ chɛ n ko a.

GBOO IBU MƆƐ N KO A 9:8

Chɛ ko a, Yataa Nyina na‑a a ɔ yian fan ka, mbɛ chia chɛ, mɔɛ n don koe a Yataa ɛ kaina, a da a nii ma ka ni. A sin mbe ma‑a ka wan, tima min na wɛ tɛndi chɛ ɛ sɔ ɔ.

1 PITA 1:21

Chisɔsi Chasi, min‑na a kɔɔ sɔ a ka saya ɔ, a chɛ chɛ wai n fan‑na a ma, wo‑a wo kai fa Yataa a. Mbɛ Yataa‑a baa be a ma. Chɛ an‑na a ma, wo kai faen mu a a. A sin, wo yii na tɛen mu a ma.

1 PITA 2:4

Wo na Chisɔsi tena. An mu senɛ chɛ a, min mbe fɔɛ ɔ. Mɔ gbu n ban‑da wan a ɔ, chɛɛ Yataa tana, a ma kawaen mu a tena, a sin‑na a boo sɔ a ma.

1 PITA 3:18

An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.

1 CHƆN 1:8

Chɛɛ ni mmɔ‑a a fɔ, mbɛ mmɔ ma ko yama ma ni, mmɔ‑a fania fɔ mmɔ wandi ma, a sin, tea ee mmɔ ɔ.

1 CHƆN 2:23

Koe min na mu, ni mɔ ɔ mɔ ban‑da Yataa 'a denɛ ɔ, a mɔɛ chɛ ban‑da ka Fa Yataa wandi an dɔ. Ni mɔ ɔ mɔ‑a a boo si Yataa 'a denɛ kɔɔ, a‑a a boo si ka Fa Yataa wandi wɛɛ an kɔɔ.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

1 CHƆN 5:6

A wan mu, a wan Chisɔsi Chasi, min na‑a dunya ɔ. Yii chɛ‑a wan a kunɛ ɔ, Yataa chia a, a sin, a fa‑a kɛn, a wii bɔn‑da wan. Yii dechee ma chɛ ni a kunɛ ɔ, a yɛ to, a wii bɔn‑da wan to. A sin, Yataa Nyina wɛɛ‑a siiya bɔ wan, mbɛ koe chɛ n mu tea an na.

2 CHƆN 1:9

Mɔ ɔ mɔ min ma a too ma sɔ ni kan chɛ ma, Chasi‑a min chɛ, chɛɛ a‑a a ta sa a kun ma, a mɔɛ chɛ ma mɔ dɔndɔ a an fea Yataa a. Mɔ ɔ mɔ min mbe a too ma sɔ‑a kan chɛ ma, Chasi‑a min chɛ, a mɔɛ chɛ ma‑a mɔ dɔndɔɛ a, an fea Fa Yataa a, a basan a 'a denɛ Chisɔsi a.

KO Ɔ NUNDENƐ 1:5

A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.

KO Ɔ NUNDENƐ 19:11

Chɛ gbakɔ, n‑na banda bu ɔ yen a a kaenɛ ɛ. Mbɛ a yen ko, soo gbɛ ɛ nɔ. Mɔɛ min mbe si ɔ an soo chɛ kun ma, a tɔ mu Danaya ni Tea. A sin, kaa min ɛ a a tɛ, tea an mbe ma a ɔ, a sin mbe ee ta chɛɛ ɔ fania kun ma.

KO Ɔ NUNDENƐ 20:15

A sin, mɔ ɔ mɔ min tɔɛ nii ma bɔ ni gboo chɛ ɔ, mɔɛ miin‑na kuɔ fɔ fɔɛ ma sɔn, an tɔɛ ɛ gboo min dɔ, an mɔɛ chɛ a dɛ‑a wan ta man ba ɔ.

KO Ɔ NUNDENƐ 22:1

Chɛ gbakɔ, maeka chɛ‑a yii chɛ yian n na, yii min mbe fɔɛ be. An yii chɛ kunɛ ɛ Yataa 'a mansa sea chɛ tena wan, an fea sa tɔngbɔɛ chɛ a. Yii gbu ɛ yii‑a, a kɔɔ gbɛenɛ ɛ fo, ɛ ma‑a mia mia yɔ mɛmɛ.

KO Ɔ NUNDENƐ 22:17

Yataa Nyina an fea sa tɔngbɔɛ 'a sɛnama a, an dɔ, “Mansa Chisɔsi, na fo.” Chɛ a min mɔɛ wɛɛ, a ni a fɔ, a ɔ, “Mansa Chisɔsi, na fo.” Mɔ ɔ mɔ min kanɛ a gbaaen mu, a ni na wɛ. Mɔ ɔ mɔ min toen mu na koe a, fɔɛ be yii chɛ min koe a, a ee ka na‑a, a sɔnkɔ be ee a ma.

KO Ɔ NUNDENƐ 3:14

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Daɔdisia duu ɔ. A ɔ, “N fan, mɔɛ chɛ, n fɛn mbe a ma Yataa da a kuiɛ ni to a gba ɔ, n fɛn mbe tea fɔ a si Yataa ma, n fɛn mbe a 'a dunya gbɛɛ kun ma,” a ɔ, “n 'na sakana an nɛ.”

KO Ɔ NUNDENƐ 3:7

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”