3 A sin, ni n ta‑a, mbɛ n‑na kaina chɛ ɔ bɛn wo ko a, n mbe yɛ‑a wan to nɛ wo ya ɔ. Mbɛ n‑na a ma, mmɔ ta‑a, min mbe a ma‑a, n mbe ma‑a kaina min, wo wɛɛ, wo ni ma nɔ.
Mɔ ɔ mɔ min toen mu, a ni ma n kɔɔ, mɔɔ ni a bea‑a n fɛ. Koe min na mu, n 'na bɔi denɛ ɛ ma kaina chɛ wan, n mbe ma‑a kaina min. A sin, Fa Yataa ɛ baa be‑a wan mɔ ɔ mɔ ma, min mbe ma‑a n kɔɔ.
Wo‑a a a min fan, n‑na min fɔ wo ye, mbɛ n mbe na tena wan ta‑a, chɛɛ n mbe yɛ‑a wan to wo ya ɔ. Ni n ko a di wan wo ye, wo bu ɔ dia‑a wan, a si n yɛ koe ma Fa tena. Koe min na mu, a benden mu n ma.
“Fa, i ban‑da gbɛ an be‑a n ma. N toen mu, n mbe ma‑a kaina min, nn bɛ ni ma nɔ n fɛ den chɛ n na. Chɛ ɛ a ma‑a wan, an ni a ɔ yen n kamayaen mu buɛ min dɔ. A sin, i wan‑na an kamaya chɛ be n ma. I na‑a a be n ma, koe min na mu, i to‑a wan n na pɛn dunya chɛ a ni to dan‑da.
Mbɛ mɔ fea chɛ n dɔ, “Kadidi mɔɛ nu, fen mu wo e sɔ ɔ banda a fɛn‑da tidan? Chisɔsi chɛ, Yataa sɛ‑a ka min na banda bu ɔ, ɛ na‑a wan to mɔya chɛ ɔ, yɔ wo‑a a yen ka buɛ min dɔ sɛ‑a banda bu ɔ.”
Mmɔ mu ka buɛ min dɔ a 'a denɛ n na, a‑a dua miin sa tena ɔ bɛn a 'a mɔɛ n ko a, mmɔ wan ta ɛ ma an na. A na‑a min sa tena ɔ bɛn Chasi wɛɛ ko a, ɛ ma‑a wan to mmɔ ta a. Mmɔ na‑a Chasi 'a tɔɔya ɔ bia wan, mmɔ ɛ a 'a basɔmaya wɛɛ dɔ sɔn‑da wan ya ɔ ma.
Chia chɛ a mu, mmɔ 'a mansa Chisɔsi tɔɛ ɛ basɔmaya ma sɔn‑da, a ka wo a. A sin, wo wɛɛ, wo e basɔmaya ma sɔn‑da wan, a ka a a. Yataa 'a koadia demanɛ, an fea mmɔ 'a mansa Chisɔsi Chasi a, an mbe a ma‑a chɛ ni ma.
A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.
Mɔ ɔ mɔ min mbe sɔ‑a gban Yataa ko a, n mbe a ma‑a wan, a ni si n baima n 'na mansaya ɔ. An mɔɛ chɛ, ɛ ma‑a wan yɔ n fan, n sɔ‑a buɛ min dɔ gban, mbɛ n‑na si tena chɛ ya Fa Yataa tɔnfɛ.”