CHƆN 14:27 - Yataa 'a Dɔbɛnɛ Nama

²⁷ “N mbe wo to tena faachima an dɔ. Faachima min nyɔn sima ɛ n dɔ, n mbe an be tena wo ma. N ta faachima, n mbe min be, a ee ka yɔ dunya chɛ ɔ nɛnɛ. Wo ma ma faamɔnɛ ɔ, a sin to, wo ma chian, a si koe chɛ n ma, miin mbe ma‑a.

CHƆN 14:27 ပူးပေါင်းရင်းမြစ်များ

MATIU 10:26

“Chɛ an‑na a fɔ, wo ma chian an mɔɛ chɛ n ma. Koe min na mu, boo kundu ee to doma kɔɔ, ɛ bɔ wan ya a ma tee dɔndɔ a.

DUKU 1:79

Mɔɛ miin mbe saya pimbi pimbi ɔ, ɛ an bɔ‑a wan a ɔ. Ɛ manɛ be‑a wan an ma, a ta faachima fɔɛ ɔ.”

DUKU 10:5

Ni wo don‑da chen kan kɔ kan na, wo a fɔ an ye chen chɛ a, wo ɔ, Yataa ni an gbɛɛ dua, an fɛn mbe an 'na chen chɛ a.

DUKU 12:4

“N dia nyɔɛ nu, n ni a ma din wo tena, mbɛ wo ma chian mɔ gbu ma wo fa ko a. Ɛ wo fa‑a wan, chɛɛ a ee ko ɔ ko dɔ mende ma‑a chɛ gbakɔ.

DUKU 2:14

“Tando ni be Yataa ma, min mbe banda bu ɔ pɔɔ, a sin, faachima ni ma mɔ gbu n ma dunya ɔ, Yataa ɛ ko chɛndɛ ma‑a miin na.”

CHƆN 14:1

Mbɛ Chisɔsi ɔ an ma, a ɔ, “Chɛ ma wo faa mɔnɛ. Wo a a tun wo kai fa koe a Yataa a, wo ni a a tun wo kai fa koe a n bɛɛ a.

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

CHƆN 20:19

A Tɛnɛ kan kɔ dɔɛ chɛ ma, tee bea ma ni gbɛ nyɔ dɛɛ. A sin, Chisɔsi fɛ den chɛ n na‑a an nyɔn na kan fan chenɛ a, mbɛ an‑na a da a tɔn, an chiandenɛ ɛ Chu n ya ɔ sɔɛ n ma. Mbɛ Chisɔsi bɔ‑a a a, a sɔ‑a an tɛtɛ ma. Mbɛ a ɔ, “Yataa ni faachima be wo ma.”

CHƆN 20:21

Mbɛ a ɔ to an ma, a ɔ, “Yataa ni faachima be wo ma. Fa‑a n na na buɛ min dɔ dunya chɛ ɔ, n bɛɛ, a chia dɔndɔ gbe chɛ a mu, n mbe wo a ta tena a ɔ.”

CHƆN 20:26

Wichi dɔndɔ bendenɛ gbakɔ, an na sɔn‑da wan to kaina dɔndɔ chenɛ a, mbɛ an‑na a da a tɔn. Tɔmɔsi chɛ wɛɛ ni wan nɔ an tɛ ɔ a tima chɛ nɛnɛ kɔɔ. Chen chɛ a tɔndenɛ ni wɛɛ ka, chɛɛ Chisɔsi bɔ‑a wan to, a sɔ‑a an tɛtɛ ma. Mbɛ a yɛ‑a to, a ɔ, “Yataa ni faachima be wo ma.”

CHISƆSI 'A SƆ MƆƐ NU 10:36

Wo‑a a ɔ sɔn fan, Yataa‑a bai min na ta Isɔɛɛ mɔɛ n tena. A ni wan sakana bai chɛ ɔ yian‑da, mbɛ faachima ɛ sɔn fan Yataa a, Chisɔsi Chasi 'a gbasaya ɔ, min mu mɔ gbu gbɛɛ 'a mansa a.

CHISƆSI 'A SƆ MƆƐ NU 18:9

Yɛɛ dɔndɔ ma, Mansa Yataa‑a koe ɔ yian fan Pɔɔ a, yɔ a ni cho an dɔ. Yataa‑a a fɔ wan Pɔɔ ye, a ɔ, “Pɔɔ, i ma chian, koe min na mu, n mbe i fɛ. Mɔ ɔ mɔ ee che ko yama ma‑a i a. E Yataa bai sa min na, a a tun, i ma sɛmbɛ. Koe min na mu, mɔ sɛsɛ n mbe wan nɛ duu chɛ ɔ, miin mu n 'na mɔɛ n na.”

GBOO DOMI KO A 1:7

Chɛ an fɛ mu, n mbe gboo chɛ nyɛn tena wo tena, wo gbɛɛ Domi duu ɔ. Wo ko a di Yataa ye, a sin‑na wo ya ma koe a a 'a mɔɛ n na. Mmɔ Fa Yataa, an fea Mansa Chisɔsi Chasi a, an 'na dua ni ma wo ma, a basan an 'na faachima a.

GBOO DOMI KO A 15:13

Yataa, min‑na yiinatɛ chɛ be, a ni buɔdia be wo ma. Yataa, a ni faachima be wo ma. A ni koe chɛ n ma wo ye, koe min na mu, wo kai faen mu an na. Yiinatɛ chɛ ma ni mun‑da wo ɔ kaka, Yataa Nyina 'a gbasaya ɔ.

GBOO DOMI KO A 5:1

Chɛ an fɛ mu, mmɔ ya‑a mɔ tandenɛ n na, mmɔ 'a danaya ko a Yataa a. Chɛ an‑na a fɔ gbɛ, mmɔ 'a mansa Chisɔsi Chasi‑a a ma, mmɔ ɛ faachima ɔ Yataa a.

GBOO DOMI KO A 5:10

Mmɔ ni Yataa chɛɛ ma nyɔɛ n fan na, chɛɛ a 'a denɛ Chisɔsi 'a saya‑a a ma, a‑a mmɔ ma gbɛ a dia nyɔɛ n na. Mmɔ ma‑a ka gbɛ buɛ min dɔ sanche Yataa dia nyɔɛ n na, bauncha ɛ gbɛ mmɔ wan ko a, koe min na mu, Chasi ɛ fɔɛ ɔ.

GBOO DOMI KO A 8:6

Mɔɛ yii ma ma koe a, gbasaya kɔɔ, mɔgbuya ɔ min ma nyin, ɛ na saya an na. Chɛɛ mɔɛ yii ma ma koe a Yataa Nyina 'a gbasaya kɔɔ, ɛ na kuɔ fɔ fɔɛ an na, a basan faachima a.

GBOO SAA KƆYINDI KO A 1:3

Mmɔ Fa Yataa, an fea Mansa Chisɔsi Chasi a, an 'na dua ni ma wo ma, a basan an 'na faachima a.

Gboo Kadesia Ko A 1:3

Mmɔ Fa Yataa, an fea Mansa Chisɔsi Chasi a, an 'na dua ni ma wo ma, a basan an 'na faachima a.

Gboo Kadesia Ko A 5:22

Chɛɛ ni Yataa Nyina ma‑a mɔɛ fɛ, ɛ a mɔɛ chɛ ma ka wan. An fan nɛ koadia a, buɔdia, faachima, faabia, ko chɛndɛ ma, mɔ chɛndɛya, ni mɔɛ ma koe danaya tɔɛ a.

Gboo Kadesia Ko A 6:16

Mɔɛ n gbɛɛ, miin mbe bea‑a chia chɛ fɛ, Yataa ni faachima be an ma, a ni chinchincha yian an na. Mɔɛ chɛ n gbɛɛ, an fan mu Yataa ta mɔɛ n na.

Gboo Fiipai Ko A 4:7

Chɛ an fɛ mu, Yataa ɛ faachima min be, min benden mu mmɔ 'a ko sɔnɛ gbɛɛ ma, ɛ wo faa kun ma fɛn‑da wan, a ni wo yiima wɛɛ kun ma fɛn. Koe min na mu, mɔ dɔndɔɛ mu wo a, wo bɛ Chisɔsi Chasi a.

Gboo Kɔdɔsai Ko A 1:2

N mbe gboo chɛ nyɛn tena wo wan tena, wo wan Yataa 'a mɔɛ chɛ nu, Kɔdɔsai duu ɔ. Wo gbɛɛ, wo wɛn danayaen mu, wo maenɛ ɛ mɔ dɔndɔɛ a, wo bɛ Chasi a. Mmɔ Fa Yataa ni wo dua, a ni faachima be wo ma.

Gboo Kɔdɔsai Ko A 1:20

Yataa‑a a ɔ bɛn fan to, fen kɔ fen dunya chɛ ɔ, ni banda bu ɔ, Chisɔsi‑a a ma, an ma‑a a wan Yataa dia nyɔɛ n na. Yataa‑a chɛ ma wii chɛ an dɔ, Chisɔsi‑a min na bɔn kɔn gbengbandenɛ ma.

Gboo Kɔdɔsai Ko A 3:15

Chasi ɛ faachima min be, a ni ma wo faa ɔ wo nyɔn ko a. Koe min na mu, Yataa‑a wo chee kaina dɔndɔɛ faachima chɛ an ko a, yɔ mɔ gbu sɔna n mbe buɛ min dɔ an nyɔn boo ɔ. A sin nyin wo ni Yataa wai bɔ tima ɔ tima.

GBOO FEAN BƆƐ TƐSADONIKA KO A 1:2

Mmɔ Fa Yataa, an fea Mansa Chisɔsi Chasi a, an 'na dua ni ma wo ma, a basan an 'na faachima a.

GBOO FEAN BƆƐ TƐSADONIKA KO A 3:16

Nn mbe samunɛ chɛ tena, mmɔ 'a mansa Chisɔsi wandi, mmɔ 'a faachima ɛ ka min tena, a ni faachima be wo ma tima ɔ tima ko a. A ni a be wo ma, chia ɔ chia a. A ni ma wo gbɛɛ kɔ.

2 TIMOTI 1:7

Koe min na mu, Yataa Nyina min be mmɔ fɛ, a ee a ma mmɔ ni chian. Chɛɛ ɛ gbasaya an chɛ mmɔ ɔ, a basan koadia a, ni mɔɛ e kun buɛ min dɔ i faa ma.

GBOO IBU MƆƐ N KO A 13:20

Yataa‑a a ma wan, mmɔ 'a mansa Chisɔsi‑a a kɔɔ sɔ, a ka saya ɔ. Mmɔ ɛ wan gbɛ yɔ sa nu, Chisɔsi ɛ miin kun ma fɛn. A‑a a wandi wii a bɔn fan, mmɔ ko a. Chɛ sin ma‑a wan dɔbɛn nama a, min mbe ma‑a kuɔ fɔ ko a. Chisɔsi wii chɛ 'a gbasaya ɔ, Yataa min mbe faa chima be,

GBOO IBU MƆƐ N KO A 7:2

A sin, fenɛ gbɛɛ, Ebeami ka‑a miin na an chɛɛ chɛ ɔ, a na‑a an du wan, si tena tanɛ a, mbɛ a‑a si tena dɔndɔ be Mɛchisɛdɛki chɛ ma. An mu mɔɛ saa a, ni mmɔ‑a mmɔ yii na chii a tɔɛ fasai ma, mbɛ an mu mansa a, min tanden mu. An mu kɛn to mansa a, Saden, min fasaien mu, faa chima mansa.

KO Ɔ NUNDENƐ 1:4

N fan Chɔn, n fan mbe gboo chɛ nyɛn tena wo tena, wo wɛn mbe chɔchi wɔnfea n dɔ, Esia chɛnyɛ ɔ. Yataa ni wo dua, Yataa ni faachima be wo ma. Yataa min mbe nɔ sanche, a ni wan nɔ suun, a sin mbe ma‑a wan nɔ kuɔ fɔ ko a. Nyina wɔnfea n bɛɛ, miin mbe sɔ ɔ Yataa ya kɔɔ, ɛ si ɔ a 'a mansaya sea a.

KO Ɔ NUNDENƐ 2:10

Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”