CHƆN 14:26 - Yataa 'a Dɔbɛnɛ Nama

²⁶ Min mbe wo deman‑da, Yataa Nyina, Fa ɛ na‑a min na na‑a n gba ɔ, an mbe wo kan‑da ko ɔ ko ma, a si n 'na bai n ma. A sin mbe a ma‑a wan, n 'na bai chɛ n ni puin wo yii ma, n ni bai miin fɔ, mmɔ bɛ ni tima min na.

CHƆN 14:26 ပူးပေါင်းရင်းမြစ်များ

MATIU 1:18

Chisɔsi Chasi suun‑da ka wan. Kamin dɔndɔ ni wan nɔ, min tɔ ni Chosɛfi. A na‑a Chisɔsi de Mɛi too ɔ dia wan, a si koe a musu a. Chɛɛ yatina, an mbe e na to si‑a, Yataa Nyina‑a a ma wan Mɛi bu ma‑a.

MATIU 1:20

Chɛɛ ɛ kɛn an yiinachii chɛ ɔ, a yen ko, Mansa Yataa 'a maeka na‑a a tena cho ɔ. Mbɛ a ɔ, “Chosɛfi, Mansa Defidi 'a dambi ɔ nyɔɛ, i ma sika Mɛi si koe a i 'a musu a. Koe min na mu, a‑a bu min ya ka, Yataa Nyina an‑na a be a ma.

MATIU 28:19

Chɛ an‑na a fɔ, wo ta mɔɛ n gbɛɛ tena dunya chɛ gbɛɛ ɔ, mbɛ wo‑a an ma n fɛ denɛ n na. Wo ni yɛ, wo ni yii chɛ an kunɛ ɔ Fa Yataa tɔɛ ɔ, n tɔɛ ɔ, a basan Yataa Nyina tɔɛ ɔ a.

MATIU 3:11

N fan, n mbe yii an chɛ wo kunɛ ɔ, min mbe a ɔ yian, mbɛ wo‑a wo kan kɔ sɔ wo 'a ko yama n na. Chɛɛ mɔ dɔndɔ ɛ na tena n gbaa, a benden mu n ma kaka. N gbu sin mbe ee che a 'a kɔɔwa wɛɛ bia koe a. A tana, ɛ Yataa Nyina a na‑a wan ma koe a wo fɛ, wo wɛn mbe wo kan kɔ sɔ‑a wo 'a ko yama n na. Chɛɛ wo wɛn mbe ee wo kan kɔ sɔ‑a wo 'a ko yama n na, ɛ wo a ta‑a wan ta ɔ.

MAKI 12:36

Mansa Defidi wandi gbu wɛɛ, Yataa Nyina na‑a bai don kɛn a da ɔ, a na‑a a fɔ wan, a ɔ, ‘Mansa Yataa‑a a fɔ n 'na Mansa ye, a ɔ, “Si nɛ n boo nyima ɔ, aan n ni i chɛɛ ma nyɔɛ n don i kɔɔ.” ’

MAKI 13:11

Ni an na‑a wo a kun ti n tena, wo gbɛmbo koe a, an ni wo be gbae, wo faa ma gbaa, a si bai ma, wo e na tena min fɔ‑a. Chɛɛ bai ɔ bai, wo e min ma sɔn‑da a tima chɛ kɔɔ, wo e an fɔ. Koe min na mu, wo fɔ bai nu ma, wo e miin fɔ‑a, chɛɛ a bai chɛ n mbe ka tena Yataa Nyina an tena.

DUKU 1:15

Koe min na mu, ɛ ma‑a wan mɔ chenama a Mansa Yataa tena. A ma gbɛ kan kɔ kan min. A de e na to a suun‑da, Yataa Nyina ɛ ma‑a wan den chɛ fɛ gban.

DUKU 1:35

Mbɛ maeka chɛ ɔ, “Yataa Nyina an mbe ma‑a i fɛ, mbɛ Yataa Wa 'a gbasaya, a‑a a ma, i‑a bu ya. Chɛ an fɛ mu, e denɛ min suun‑da, ɛ ma‑a tenchen Yataa 'a wai an na. A sin, an mbe a chee‑a wan, an dɔ, Yataa 'a denɛ.

DUKU 1:41

Mɛi‑a Disabɛti kɔndɔn kɛn dechee, mbɛ denɛ min ni Disabɛti bu ɔ, a‑a a ma ma‑a wan gbasaya a. Mbɛ Yataa Nyina bea‑a Disabɛti fɛ gban,

DUKU 1:67

Mbɛ Yataa Nyina bea‑a wan Chɔn fa Sakaaya fɛ gban, mbɛ a‑a a kuu sɔ Yataa 'a sakana bai n dɔ yian‑da,

DUKU 11:13

Ni wo wɛn sɔnɛ yau ka, ni wo kosan fan fen chɛndɛ n be‑a wo 'a denɛ n ma, mmɔ Fa sin gbɛ, min mbe banda bu ɔ, ɛ fen chɛndɛ be‑a wan wo ma, min benden mu wo ta n ma. Ɛ Yataa Nyina be‑a wan chɛ n ma, miin mbe a ɔ tisa‑a a ko a.”

DUKU 2:25

A tima chɛ a, kamin dɔndɔ ni wan Chuusaɛn duu ɔ, min tɔ ni Simiyɔn. Kamin chɛ tanden fan ni Yataa tena. A yɛ to, a Yataa koen ni kaka. A ni gbɛ tima an ma kɔn tena, tima min na, Yataa ɛ di ka‑a Isɔɛɛ mɔɛ n ya a. Yataa Nyina ni wan a fɛ.

DUKU 24:49

Mbɛ a yen ko, n mbe a a yii‑a wan wo tena, Fa Yataa na‑a wo too ɔ dia‑a min na. Chɛɛ wo ma ka nɛ Chuusaɛn aan wo ni gbasaya ma sɔn, min mbe ka‑a banda bu ɔ.”

DUKU 3:22

Mbɛ Yataa Nyina yii‑a, bugbɔya ɔ, mbɛ a si‑a a kun ma. Mbɛ kuiɛ ka‑a banda bu ɔ, a ɔ, “N 'na denɛ mu i a, i ko a di n ye kaka. N faa chimaen mu i ko a chɛndɛ chɛ.”

CHƆN 12:16

A tima chɛ a, Chisɔsi fɛ denɛ n nii ma koe chɛ n dɔ gbɛ ni. Chɛɛ kɛn Yataa na‑a Chisɔsi kɔɔ sɔ, a sɛ‑a banda bu ɔ manɛ ɔ, mbɛ a puin‑da an yii ma, Yataa 'a gboo na‑a chɛ fɔ wan, a si a ma. A sin, an‑na an chɛ ka a ko a.

CHƆN 14:16

N mbe fa ɔ tisa‑a wan, a ni a ma, wo ni demanɛ dɔ mende ma sɔn. A sin, ɛ a Nyina a na‑a wan, a ni ma wo fɛ tima ɔ tima ko a.

CHƆN 14:25

“N mbe bai chɛ n gbɛɛ fɔ tena wo ye, tima min na mu wɛ mmɔ bɛ ɛ.

CHƆN 15:26

“Chɛɛ min mbe wo deman‑da, n mbe a sɔ‑a wan, a ka Fa tena. Fa Yataa Nyina chɛ, an mbe tea ɔ yian‑da wo a, a si a wandi ma. N mbe a ma‑a wan a ni ka Fa tena, a ni na wo tena. A sin, ɛ n bakoe ɔ yian‑da wan wo a.

CHƆN 16:7

Chɛɛ n mbe chɛ ma din tena wo tena, mbɛ a nyin fan wo ko a, n ni ta. Koe min na mu, ni n ma yɛ ni, Yataa Nyina min mbe wo deman‑da, a ee na‑a wo tena. Chɛɛ ni n yɛ‑a, n mbe a ma‑a wan, a ni na wo tena.

CHƆN 2:22

Chɛ an na‑a a ma, a na‑a a kɔɔ sɔ kɛn, a ka saya ɔ, a puin‑da a fɛ den chɛ n yii ma, a ni min fɔ tee. Mbɛ chɛ ko a, an dan‑da Yataa 'a gboo a, a basan bai chɛ n na, Chisɔsi ni miin fɔ.

CHƆN 20:22

Mbɛ a‑a a fia fu an ma fuu, mbɛ a‑a a fɔ an ye, a ɔ, “Yataa Nyina ni ma wo fɛ.

CHƆN 6:45

Yataa 'a gbonka chɛ mɔ dɔndɔ‑a a nyɛn fan a 'a gboo ɔ, a ɔ, ‘Yataa ɛ mɔ ɔ mɔ kan‑da wan.’ A sin, mɔ ɔ mɔ min mbe a too ma sɔ‑a Fa kuiɛ ma, a ni a 'a kanɛ sɔn, a mɔɛ chɛ ɛ na wan n tena.

CHƆN 7:39

Chisɔsi na‑a chɛ fɔ, a yii ni Yataa Nyina chɛ an ma, min mbe ma‑a mɔɛ n fɛ, miin kai faenɛ ɛ ma‑a a a. Chɛɛ a tima chɛ a, Yataa Nyina chɛ nii ma yii nin bɛ, a ni ma an mɔɛ chɛ n fɛ. Koe min na mu, Chisɔsi kɔɔ ni ma sɔ nin bɛ, a ka saya ɔ, a ni sɛ manɛ ɔ.

CHISƆSI 'A SƆ MƆƐ NU 1:2

aan a sɔ tee chɛ a, Yataa‑a a wan Chisɔsi ya min ma, a sɛ banda bu ɔ. A e na to ya‑a, a sɛ banda bu ɔ, a 'a sɔ mɔɛ nu, a na‑a a boo sɔ miin ma, a koɔ‑a pɛn an tena, Yataa Nyina 'a gbasaya ɔ.

CHISƆSI 'A SƆ MƆƐ NU 1:4

An bɛ ni wan tima dɔndɔ a daun chɛ tena, mbɛ a‑a dasi be an ma, a ɔ, “Wo ma bɔ Chuusaɛn duu ɔ, chɛɛ wo fen chɛ ma kɔn, Fa Yataa‑a wo too ɔ dia min be koe a wo ma. N na‑a a wakoe ɔ yian fan wo a,

CHISƆSI 'A SƆ MƆƐ NU 1:8

Chɛɛ wo e gbasaya ma sɔn‑da wan, ni Yataa Nyina chɛ bea‑a wo fɛ. A tima chɛ a, wo e a ɔ yian‑da wan mɔɛ n na, wo‑a min dɔ sɔn, a si n ma. Wo e a ɔ yian‑da wan mɔɛ n na Chuusaɛn duu ɔ, wo ni a ɔ yian Chudia chɛnyɛ tɔɛ gbu gbɛɛ ɔ, ni Samayia chɛnyɛ ɔ, a che kan kɔ kan dunya gbɛɛ ɔ.”

CHISƆSI 'A SƆ MƆƐ NU 11:16

Chɛ‑a a ma wan, n yii puin‑da Mansa Chisɔsi 'a bai chɛ ma. A na‑a a fɔ wan, a ɔ, ‘Chɔn ni yii an chɛ wo kunɛ ɔ, Yataa chia a, chɛɛ Yataa ɛ a ma‑a wan, a Nyina ni bea wo fɛ.’

CHISƆSI 'A SƆ MƆƐ NU 13:2

Tee dɔndɔ a, an ni kɛn sun bia a, an mbe ta‑a Mansa Yataa fai‑a, Yataa Nyina‑a a fɔ wan an ye, a ɔ, “Wo a ma n ye, Banabasi, an fea Sɔɔ a, an ni ma tenchen wai chɛ ko a, n‑na an chee min chɛ koe a.”

CHISƆSI 'A SƆ MƆƐ NU 13:4

Mbɛ Yataa Nyina chɛ‑a Banabasi sɔ kɛn, an fea Sɔɔ a, ta koe a baa kɔ, an yii‑a wan Sɛdusia duu ɔ. An bɛ an ta‑a Chɔn Maki a, basan koe a an ma an 'na wai chɛ koe a. An ka‑a wan nɔ, mbɛ an‑na yii tɛ dɛndɛ ɔ Saipɔsi yii tinɛ ɔ. An che‑a wan Sadamisi duu ɔ, an don‑da Chu n na samun chɛ chenɛ a, mbɛ an‑na Yataa bai ɔ yian mɔɛ n na.

CHISƆSI 'A SƆ MƆƐ NU 15:28

Koe min na mu, nn‑na a ɔ yen fan, mbɛ a nyin fan nn tena, ni Yataa Nyina gbu wɛɛ tena, mbɛ yakɔɔtawa dɔ mende kan kɔ kan ma si to wo kun ma. Chɛɛ wo ni bea dechee sawa chɛ n fan fɛ, miin nyin wo ko a, yɔ chɛ nu.

CHISƆSI 'A SƆ MƆƐ NU 15:8

A sin, Yataa min‑na mɔ ɔ mɔ faa ɔ koe sɔn, a dɔn‑da wan an ma koe a ka. A‑a a ma wan, Yataa Nyina bea‑a an bɛɛ fɛ, yɔ a‑a a ma buɛ min dɔ mmɔ ko a.

CHISƆSI 'A SƆ MƆƐ NU 16:6

An ta‑a wan aan Fichiya chɛnyɛ gbɛɛ ɔ, a basan Kadesia chɛnyɛ ɔ a. Koe min na mu, Yataa Nyina nii ma dɔn ni, an ni Yataa bai sa Esia chɛnyɛ ɔ.

CHISƆSI 'A SƆ MƆƐ NU 2:33

Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.

CHISƆSI 'A SƆ MƆƐ NU 2:4

Yataa Nyina ni wan gbɛ an gbɛɛ fɛ gban, mbɛ an‑na a kuu sɔ koɔ‑a chɛnyɛ koɛ dɔ mende n dɔ. Yataa Nyina chɛ an ni gbasaya chɛ be an ma, an bai chɛ n sa koe a.

CHISƆSI 'A SƆ MƆƐ NU 20:28

Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.

CHISƆSI 'A SƆ MƆƐ NU 20:35

N‑na a ɔ yian fan wo a, chia ɔ chia a, mɔɛ ɛ wai chɛ buɛ min dɔ a boo a, basan koe a mɔɛ n ma, boo ee miin ma, an ma koe chɛ koe a. Mmɔ yii ɛ ma‑a wan bai chɛ kɔ, Mansa Chisɔsi na‑a min fɔ, a ɔ, ‘Dua ɛ fenɛ be mɔɛ ma kaka, a ni ben a bia mɔɛ ma.’ ”

CHISƆSI 'A SƆ MƆƐ NU 28:25

An mbe e na to bɔ‑a an bɛn chɛ ɔ, Pɔɔ danka‑a bai chɛ an ma an tena, a ɔ, “Yataa Nyina‑a tea an fɔ. A‑a chɛ fɔ wo bemba n ta bemba n fan ye, a‑a bai don kɛn Yataa 'a gbonka chɛ mɔɛ Aisaya da ɔ. Aisaya‑a a fɔ wan Yataa 'a gboo ɔ, a ɔ, ‘Ta Chu mɔɛ chɛ n tena, i ni a fɔ, i ɔ te, “Wo too gbu, ɛ koe a min‑da wan, chɛɛ wo ee ko ɔ ko ɔ gbɛ a, a sin, wo ya gbu, ɛ kaina yen‑da wan, chɛɛ wo ee ko ɔ ko ɔ gbɛ a. Koe min na mu, wo yiima a faen mu, wo too n sin sɔsɔenɛ mu, koe a min koe a, wo ya sin, wo‑a an na chii. Ni chɛ ma, wo ya n ni kaina ɔ yen‑da wan, wo too n ni koe a min, wo yiima ni koe ɔ gbɛ, a sin, wo e wo ya a mun‑da wan n ma, n sin, n fan Yataa, n mbe wo baun‑da wan.” ’ ” Mbɛ Pɔɔ ɔ te gbɛ, a ɔ, “A nyin wo ni a ɔ sɔn gbɛ, mbɛ Yataa 'a bauncha chɛ, a‑a a a che gbɛ mɔɛ chɛ n bɛɛ ma, miin ma Chu mɔ a. An sin mbe an too ma sɔ‑a wan.” Mbɛ an bɔ‑a kɛn an bɛn chɛ ɔ, an gbɛɛ ni wan an nyɔn kɔɔsa bia‑a, mbɛ an ta‑a an baa nu.

CHISƆSI 'A SƆ MƆƐ NU 5:3

Mbɛ Pita‑a a fɔ a ye, a ɔ, “Ananiyasi, fen‑na a ma i dɔn‑da Sitana kun‑da i yii ma, fania fɔ koe a Yataa Nyina ye? I 'a duu gboo sɔnkɔɛ gbɛɛ ma chɛ a, i‑a dɔ nun.

CHISƆSI 'A SƆ MƆƐ NU 7:51

Mbɛ Sitibin n dɔ te gbɛ, a ɔ, “Wo too ɔ gbɛ kaka. Wo faa n dɔ ɛ wan dechee yɔ mɔɛ chɛ nu, miin ban‑da Yataa ɔ. Wo too gbee‑a, Yataa bai a min koe a. Wo e wan dechee yɔ wo bemba n ta bemba nu. Wo ee dɔn tima ɔ tima ko a, wo too ma sɔ koe a Yataa Nyina ma.

CHISƆSI 'A SƆ MƆƐ NU 7:55

Chɛɛ Yataa Nyina ni wan Sitibin fɛ gban. Mbɛ a‑a a ya a sɛ banda a, a‑a Yataa 'a manɛ yen ɛ man‑da. A yɛ to, a‑a Chisɔsi wɛɛ yen, ɛ sɔ ɔ Yataa boo nyima ɔ.

GBOO DOMI KO A 14:17

Koe min na mu, mmɔ ɛ fenɛ miin daun, mmɔ ɛ miin min, an fan mbe ee Yataa ma mmɔ 'a mansa a. Chɛɛ a kuu si mu tan koe an na a tena, ni faachima, a basan buɔdia chɛ a, Yataa Nyina ɛ min be mmɔ ma.

GBOO DOMI KO A 15:13

Yataa, min‑na yiinatɛ chɛ be, a ni buɔdia be wo ma. Yataa, a ni faachima be wo ma. A ni koe chɛ n ma wo ye, koe min na mu, wo kai faen mu an na. Yiinatɛ chɛ ma ni mun‑da wo ɔ kaka, Yataa Nyina 'a gbasaya ɔ.

GBOO DOMI KO A 15:16

A‑a a boo sɔ wan n ma, ma koe a Chisɔsi Chasi 'a wai chɛ mɔɛ a, mɔɛ chɛ n ko a, miin ma ka Chu mɔ a. N mbe wai chɛ wan an ye, yɔ Yataa 'a tɛ mɔɛ. N mbe Yataa 'a sakana bai sa wan an tena. Chɛ ɛ ma, min mbe a ma, Yataa ni a boo si an kɔɔ, yɔ yasi miin mbe tenchen a ko a. An ni ma yasi chɛ a, Yataa Nyina wandi gbu‑a min be tenchen a ma.

GBOO DOMI KO A 5:5

Yiinatɛ chɛ mmɔ ɔ, a ee ma fania a, koe min na mu, Yataa 'a koadia koo mmɔ faa an dɔ. Yataa Nyina, min mbe mmɔ fɛ, Yataa wandi‑a min be mmɔ ma, an‑na koadia chɛ chɛ mmɔ ɔ.

GBOO SAA KƆYINDI KO A 12:3

Sanche gbɛ, n toen mu wo ni chɛ an dɔ sɔn. Mbɛ mɔ ɔ mɔ, Yataa Nyina ɛ min fɛ, a ee Chisɔsi main. A sin, mɔ ɔ mɔ ee a bɔ a da ɔ, a ni Chisɔsi chee mansa a, ni Yataa Nyina ma a sɔ ni chia ma.

GBOO SAA KƆYINDI KO A 6:19

Wo ni a ɔ sɔn, mbɛ wo gboo mu Yataa Nyina 'a chenɛ n fan na, miin mbe tenchen a ko a. Yataa an‑na an Nyina chɛ be wo ma, an ni ma wo fɛ. Wo ee wo wandi an ko a, chɛɛ wo e Yataa an ko a.

GBOO FEAN BƆƐ KƆYINDI KO A 6:6

Nn‑na a ɔ yian fan, mbɛ nn mbe wai chɛ tena Yataa an ko a. Nn sɔnɛ a koen fan mu Yataa tena, a 'a yiimatɛ ɛ wan nn dɔ, nn mbe nn faa bia wan. A sin to, nn mbe ko chɛndɛ ma wan mɔɛ n na. Yataa Nyina ɛ wai chɛ tena wan nn dɔ, koadia wɛɛ ɛ nn faa ɔ.

Gboo Ɛfisɔsi Ko A 1:13

A sin, a ma‑a ka wan wo wɛɛ a. Wo wan, wo wɛn‑na sakana bai chɛ a min, tea mu min na, min mbe wo baun. Wo sin‑na wo kai fa wan Chisɔsi Chasi a, mbɛ a‑a Yataa Nyina a na, wo too ɔ dia‑a min na, wo kun ma fɛn koe a.

Gboo Ɛfisɔsi Ko A 1:17

N dɔ, mmɔ 'a mansa Chisɔsi Chasi 'a Yataa a, mmɔ fa min kamayaen mu, a ni a Nyina a yii ma koe a wo fɛ. An Nyina chɛ ni a ma, wo ni yiimatɛ wa ma sɔn, koe n dɔ gbɛ koe a chɛndɛ chɛ. A yɛ to, koe miin dɔ nundenɛ ɛ, a si a ma, wo ni an dɔ gbɛ.

Gboo Ɛfisɔsi Ko A 4:30

Wo sin ma a ma, Yataa Nyina faa ni yɔn. An mbe a ɔ yian, mbɛ Yataa an ta mu wo a, aan tee chɛ ko a, wo e bauncha ma sɔn‑da tee min ma.

Gboo Saa Tɛsadonika Ko A 4:8

Chɛ an‑na a fɔ, mɔ ɔ mɔ min mbe ban‑da kan chɛ ɔ, a ee ma‑a ka ban‑da mɔ gbu an dɔ. Chɛɛ ɛ ma‑a ka a kan kɔ sɔ‑a Yataa an na, min‑na a Nyina bea wo fɛ.

2 TIMOTI 1:14

Yataa Nyina 'a gbasaya ɔ, min mbe mmɔ fɛ, tea chɛ min been mu i ma, a bia i boo fea a.

TAITƆSI 3:5

A‑a mmɔ baun. Chɛ ma bɔ ni mmɔ sɔn chɛndɛ an dɔ, mmɔ 'a teaya ɔ ma. Chɛɛ a 'a chinchimaya ko a, a‑a mmɔ 'a ko yama n ko, a‑a fɔɛ nama be mmɔ ma, a Nyina 'a gbasaya ɔ.

GBOO IBU MƆƐ N KO A 10:15

A sin, Yataa Nyina wɛɛ, a koɔ‑a wan mmɔ tena, a si koe chɛ ma. A na‑a a fɔ ka wan Yataa 'a gboo ɔ, a ɔ,

GBOO IBU MƆƐ N KO A 2:4

Yataa wandi wɛɛ, a na‑a a ɔ yian fan, mbɛ tea mu sakana bai chɛ a. A na‑a chɛ ma kamaya koe sɛsɛ n fan dɔ. A yɛ to, a ni a ma wan to, a Nyina ni mɔɛ n dua chia sɛsɛ n na. Ni Yataa wandi toen ni chɛ ni ma, tima ɔ tima ko a, a ni ma wan.

GBOO IBU MƆƐ N KO A 3:7

Chɛ an fɛ mu, Yataa Nyina ɛ a fɔ wan Yataa 'a gboo ɔ, a ɔ, “Ni wo‑a Yataa da a kuiɛ a min bi,

GBOO IBU MƆƐ N KO A 9:8

Chɛ ko a, Yataa Nyina na‑a a ɔ yian fan ka, mbɛ chia chɛ, mɔɛ n don koe a Yataa ɛ kaina, a da a nii ma ka ni. A sin mbe ma‑a ka wan, tima min na wɛ tɛndi chɛ ɛ sɔ ɔ.

1 PITA 1:12

Yataa na‑a a ma wan, a 'a gbonka chɛ mɔɛ chɛ n‑na a ɔ sɔn, mbɛ an mbe ee wai chɛ tena an fandi an ko a. Chɛɛ an mbe a chɛ tena wo wan ko a. Koe min na mu, an na‑a bai sa suun a si koe chɛ n fan ma, wo‑a miin na min ka sanche mɔɛ chɛ n da ɔ, an mbe ma sakana bai chɛndɛ ɔ yian‑da. Yataa Nyina min ka‑a banda bu ɔ, an mbe gbasaya chɛ be an ma. An koe chɛ n fan gbu sin mu, maeka n bɛɛ toen mu, an ni miin dɔ gbɛ.

2 PITA 1:21

Koe min na mu, Yataa 'a gbonka chɛ mɔɛ n fandi an ma si ni an ni yiinachii chɛ, mbɛ an‑na bai chɛ n tɛ an gboo ma. Chɛɛ Yataa Nyina an na‑a bai chɛ n fɔ an ye, Yataa toen ni an ni min fɔ.

1 CHƆN 2:20

Chɛɛ wo tana, Chisɔsi‑a a ma, Yataa Nyina ɛ wo fɛ, min‑na a ma, wo gbɛɛ‑a tea sɔn.

1 CHƆN 2:27

Chɛɛ wo tana, Chisɔsi ban‑da Yataa Nyina a yii‑a, ma koe a wo fɛ. Tima min na mu wɛ, Yataa Nyina ɛ wo fɛ, mɔ dɔ mende ma gbɔsɔ ee wɛ wo ma, wo kan koe a. Koe min na mu, Yataa Nyina chɛ, an mbe wo kan tena ko kan kɔ kan ma. A sin tea mu, fania kan kɔ kan ma. Chɛ an fɛ mu, wo wo boo a chii, ma koe a mɔ dɔndɔya chɛ ɔ Chisɔsi a, yɔ Yataa Nyina chɛ‑a wo kan min na.

1 CHƆN 5:7

A gbu sin, siiya sawa an mbe tea chɛ ma a si Chisɔsi ma.

CHUDA 1:20

Chɛɛ wo tana, n dia nyɔɛ nu, wo ma yɛ kuu kɔ wo 'a danaya ɔ Yataa a. Wo samunɛ chɛ gbasaya chɛ ɔ, Yataa Nyina ɛ min be.

KO Ɔ NUNDENƐ 2:11

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ min mbe sɔ‑a gban Yataa ko a, a mɔɛ chɛ ee saya fean bɔɛ chɛ‑a.”