CHƆN 14:21 - Yataa 'a Dɔbɛnɛ Nama

²¹ “Mɔɛ min mbe koe n ma‑a, n mbe miin fɔ an ma koe a, an mɔɛ chɛ an toen mu n na. A sin, an mɔɛ chɛ, a toen min chɛ‑a ka n na, Fa wɛɛ, a ɛ to‑a wan a a. N bɛɛ, n mbe to‑a wan a mɔɛ chɛ a, mbɛ n‑na a ma, a‑a n sɔn chɛndɛ chɛ.”

CHƆN 14:21 ပူးပေါင်းရင်းမြစ်များ

DUKU 11:28

Chɛɛ Chisɔsi ɔ, “I‑a tea an fɔ ka, chɛɛ miin mbe Yataa 'a bai a min‑da, mbɛ an‑na a ma, yɔ bai chɛ‑a min fɔ an ye a ma koe a, dua chenama wa gbu ɛ ma‑a an fan ma.”

CHƆN 14:15

Mbɛ Chisɔsi ɔ a fɛ denɛ n ma, a ɔ, “Wo e koe chɛ n ma‑a wan, n‑na miin fɔ wo ye an ma koe a, ni wo toen fan mu n na.

CHƆN 14:18

“Ni n ta‑a, n mbe ee wo boo ka‑a. N mbe yɛ‑a wan wo tena.

CHƆN 15:14

A sin, wo e ma‑a wan mɔɛ n na, n toenɛ ɛ ma‑a miin na tima ɔ tima, ni wo‑a koe chɛ n ma, n mbe miin fɔ‑a wo ye.

CHƆN 16:14

Ɛ a ɔ yian‑da wan wo a, n kamayaen mu buɛ min dɔ. Koe min na mu, n da a bai nu, ɛ an fan na ben‑da wo tena.

CHƆN 16:27

Koe min na mu, Fa wandi gbu, a toen fan mu wo a. Wo toenɛ min chɛ‑a n na, a wɛɛ, an‑na a to wo a. A sin, wo‑a wo kai fa to n na, mbɛ wo dan‑da a a, mbɛ n ka‑a Fa Yataa tena wan.

CHƆN 17:23

Nn bɛ an na, mɔ dɔndɔɛ mu nn na, yɔ mɔ fea wɛɛ, mɔ ɛ buɛ min dɔ. Chɛ ni a ma, an mbe mɔ dɔndɔya min dɔ an nyɔn na, a da ni fa gban. Chɛ ɛ a ma‑a wan, i wakoe ee mɔɛ miin faa ɔ, an ni a ɔ sɔn, mbɛ i wan‑na n sɔ. A yɛ to, an mɔɛ chɛ n ni a ɔ gbɛ chɛndɛ chɛ, mbɛ i toen fan mu n fɛ den chɛ n na, yɔ i toen mu n na buɛ min dɔ.

CHISƆSI 'A SƆ MƆƐ NU 22:18

mbɛ n‑na Mansa Chisɔsi yen. A ni wan a fɔ tena n ye, a ɔ, ‘A a gbandia, i ni bɔ dɔndɔ gbe nɛ chɛ Chuusaɛn duu ɔ. Koe min na mu, an mbe ee an boo si‑a bai chɛ kɔɔ, e miin fɔ‑a, a si n ma.’

GBOO FEAN BƆƐ KƆYINDI KO A 12:8

N‑na Mansa Chisɔsi fai wan, gba sawa ko a, an koe chɛ ma, n dɔ, a ni n boo ka.

GBOO FEAN BƆƐ KƆYINDI KO A 3:18

Mmɔ gbɛɛ sin, koa kan kɔ kan mbe ee to bun dɔ mmɔ ya a. Chɛ an fɛ mu, mmɔ ɛ Mansa 'a manɛ an na ta, yɔ mɛmɛ. Yataa Nyina sin, min mu Mansa chɛ a, ɛ a ma tena wan, mmɔ ma‑a tee ɔ tee a Yataa bɔ nyɔɛ a, manɛ ɔ.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

GBOO FEAN BƆƐ TƐSADONIKA KO A 2:16

Nn mbe samunɛ chɛ tena, Mansa Chisɔsi Chasi tena, an fea mmɔ Fa Yataa a, min toen mu mmɔ a. A sin, ɛ mmɔ faa ma nande tima ɔ tima ko a. Koe min na mu, a 'a koadia demanɛ, a ma mmɔ a bea ni kuɔ fɔ. A sin, a na‑a yiinatɛ be wan mmɔ ma chɛndɛ chɛ.

2 TIMOTI 4:22

Mansa Chisɔsi ni tachɛ i a. A 'a dua ni ma wo ma.

1 CHƆN 2:5

Chɛɛ ni mɔ ɔ mɔ‑a a da a kuiɛ a min, an mɔɛ chɛ an mu mɔɛ a, min toen mu Yataa a tea tea ko a. Mmɔ ɛ a ɔ sɔn‑da ka wan, mbɛ mmɔ ma‑a mɔ dɔndɔɛ a Yataa a.

1 CHƆN 3:1

Wo a yen bɛ, Fa Yataa‑a koadia wa min nyɔn sima yian mmɔ a. Koe min na mu, a‑a a ma, an mbe mmɔ chee Yataa 'a denɛ n na. A sin gbu, Yataa 'a denɛ mu mmɔ a. Koe min‑na a ma, dunya ma mmɔ sɔn Yataa 'a denɛ n na, a nii ma Yataa wandi gbu sɔn.

1 CHƆN 5:3

Mmɔ ɛ koadia yian ka wan Yataa a, ni mmɔ don‑da a da a kuiɛ kɔɔ. Chɛ sin, a ma gbɛ a a min koe a.

2 CHƆN 1:6

Chɛ sin fan mu koadia a, bea koe a Yataa 'a sawa fɛ. A sin‑na a fɔ wan wo ye, a ka sakana bai chɛndɛ chɛ a min tima saa saa ma, mbɛ wo ni tachɛ chɛ koadia ɔ.

KO Ɔ NUNDENƐ 2:17

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ min mbe sɔ‑a gban Yataa ko a, a mɔɛ chɛ, n mbe daun fen chɛ dɔ be‑a wan a ma a daun koe a, daun fen nunden chɛ. A yɛ to, n mbe senɛ be‑a wan an mɔɛ chɛ ma, senɛ min gbɛenɛ ɛ, a sin, tɔ nama an nyɛndenɛ ɛ ma‑a a ma. Mɔɛ min mbe senɛ chɛ ma sɔn‑da, an mu dechee mɔɛ a, min mbe tɔɛ chɛ sɔn‑da.”

KO Ɔ NUNDENƐ 22:14

Mɔɛ chɛ n duaen mu, miin mbe an 'na koa ko‑a, min mbe a ma, an ni don duu wa chɛ ɔ, fɛnsi chɛ da chɛ n na, mbɛ an‑na kɔn chɛ gbɔɛ daun, kɔn chɛ min mbe fɔɛ be ka.

KO Ɔ NUNDENƐ 3:20

A yen ko, n sɔ‑a chenɛ da a, n mbe a tu‑a. Ni mɔ ɔ mɔ‑a n kuiɛ a min, mbɛ a‑a chenɛ da a ka, n mbe don‑da wan a 'a chenɛ a. A sin, nn fea, nn mbe daunɛ chɛ‑a wan kaina dɔndɔɛ.