CHƆN 14:20 - Yataa 'a Dɔbɛnɛ Nama

²⁰ Ni a tima chɛ che‑a, wo e a ɔ gbɛ‑a wan, mbɛ nn fea Fa a, mɔ dɔndɔɛ mu nn na. A sin, wo wɛɛ, wo e ma‑a wan mɔ dɔndɔya ɔ n na, yɔ n bɛɛ, n mbe ma‑a buɛ min dɔ dechee mɔ dɔndɔya ɔ wo a.

CHƆN 14:20 ပူးပေါင်းရင်းမြစ်များ

CHƆN 10:38

Chɛɛ ni n mbe Fa 'a wai an chɛ tena, wo ma dan nin bɛɛ n na boo ɔ boo, a nyin wo ni dan n chɛ chɛ wai n nan gbu n na. Chɛ ɛ a ma‑a wan, wo ni a ɔ gbɛ fɛsɛ fɛsɛ, mbɛ nn fea Fa a, mɔ dɔndɔɛ mu nn na.”

CHƆN 14:10

A nyin i ni dan a a, mbɛ nn fea Fa a, mɔ dɔndɔɛ mu nn na. Bai chɛ nu, n‑na miin fɔ ka wo ye, an ma ka ni ka dechee n kun ma yiinachii an dɔ. Fa, nn fea mu min na mɔ dɔndɔɛ a, tima ɔ tima ko a, an mbe ma ka wai chɛ‑a.

CHƆN 14:11

N‑na a fɔɛ min chɛ, n dɔ, nn fea Fa a, n dɔ, mɔ dɔndɔɛ mu nn na, dan chɛ a. Ni chɛ ma, Fa ɛ a ma, n mbe wai miin bɛɛ chɛ, an mbe che wan a ma‑a, wo ni dan n na.

CHƆN 16:23

“Ni an tee chɛ che‑a, wo ee n dɔ tisa‑a to a si ko ɔ ko ma. Ka n mbe chɛ ma din wo tena, mbɛ ni wo‑a Fa ɔ tisa fen kɔ fen ko a, n tɔɛ ɔ, ɛ a be‑a wan wo ma.

CHƆN 16:26

Ni a tee chɛ che‑a, wo e fa ɔ tisa‑a wan, n tɔɛ ɔ. Chɛɛ n mbe ee a fɔ tena, mbɛ fɔ ni, n bɛɛ, n‑na a disa wo ko a.

CHƆN 17:11

Sanche chɛ ɔ gbɛ, n mbe chia an na, na koe a i tena. N tana, ɛ gbɛ buɛ min dɔ, n mbe ee ma tena to dunya chɛ ɔ. Chɛɛ an tana, an mbe wɛ nɛ chɛ a ɔ. Fa, i wɛn kan nyɔ ee, an kun ma fɛn, min mbe a ma, an ni ma mɔ dɔndɔɛ a an nyɔn tena, yɔ mɔ ɛ buɛ min dɔ. Chɛ ma i 'a gbasaya ɔ, i na‑a gbasaya min sima be n ma.

CHƆN 17:26

N‑na i wakoe ɔ yian fan an na, an‑na i sɔn. A sin, n gboo ɔ ee fa‑a a ɔ yian koe a an na. Chɛ ɛ a ma‑a wan, n ko a di ka buɛ min dɔ i ye, a nyɔn sima koadia ni ma an faa ɔ. Mbɛ a sin fan mbe a ma‑a, nn bɛ an na, nn ni ma mɔ dɔndɔɛ a.”

CHƆN 17:7

Sanche chɛ sin dɔ gbɛ, an‑na a ɔ sɔn gbɛ chɛndɛ chɛ, mbɛ i na‑a fenɛ miin gbɛɛ be n ma, an ka‑a i wandi gbu an tena.

CHƆN 6:56

Mɔ ɔ mɔ min mbe n gboo daun‑da, a ni n wii min, nn fea a mɔɛ chɛ a, nn mbe ma‑a wan mɔ dɔndɔɛ a.

GBOO DOMI KO A 16:7

Andɔnikɔsi an fea Chunia, n mbe an bɛɛ kɔndɔn tena. N bɔ Chu mɔɛ n fan nɛ, nn bɛ ni miin na pimbi chenɛ a. Chisɔsi 'a sɔ mɔɛ nu, an‑na an sɔn fan chɛndɛ chɛ. An sin pɛn pɛn na‑a an kai fa Chisɔsi Chasi a, n ya ɔ.

GBOO DOMI KO A 8:1

Chɛ an fɛ mu sanche chɛ ɔ, ni mɔ ɔ mɔ ma‑a mɔ dɔndɔɛ a Chisɔsi Chasi a, Yataa ee kaa a tɛ‑a a wakoe ma, a ni tɔɔ.

GBOO SAA KƆYINDI KO A 1:30

A wan Yataa dɔndɔ gbe, a wan‑na a ma, wo ma‑a mɔ dɔndɔɛ a Chisɔsi Chasi a. Ni mmɔ‑a a fɔ, yiimatɛ ɛ mmɔ ɔ, Chasi mu. Ni mmɔ‑a a fɔ, mmɔ tanden mu, a wan mu. A‑a mmɔ kun bɔ mmɔ 'a ko yama n dɔ, mmɔ ma‑a Yataa 'a mɔɛ n na.

GBOO FEAN BƆƐ KƆYINDI KO A 12:2

N‑na kamin dɔndɔ sɔn fan, min ni Chisianɛ a. Yataa‑a an kamin chɛ ya wan, mbɛ a sɛ‑a a a pɔɔ banda bu ɔ. San tan kun ma naanin fan ben‑da gbɛ, kɛn koe chɛ chɛ‑a a ɔ. Chɛɛ n ma a ɔ sɔn, ni a gbugbu an ya a, a sɛ‑a, chɛ ma, ni a ma‑a cho ɔ wan. Yataa dɔndɔ gbe, an‑na a ɔ sɔn.

GBOO FEAN BƆƐ KƆYINDI KO A 13:5

Wo wo wandi ma mɛn, wo ni a ɔ yen, ni wo boo a chiien fan mu, wo kai fa koe a Chasi a. Wo ni a ya, mbɛ wo ma‑a gbɛ mɔ dɔndɔɛ a, wo bɛ Chisɔsi Chasi a. Fɔ dechee, ni chia ɔ chia ee wo ye, wo wandi ma mɛn koe chɛ a.

GBOO FEAN BƆƐ KƆYINDI KO A 5:17

Chɛ ko a, ni mɔ ma‑a gbɛ mɔ dɔndɔɛ a mmɔ bɛ Chasi a, mmɔ ma‑a mɔ nama a. Mmɔ ka‑a mmɔ tachɛ buɛ kɔma kun ma, mmɔ dɛ‑a a nama ɔ.

GBOO FEAN BƆƐ KƆYINDI KO A 5:19

Nn 'na sakana yen ko. Mbɛ Yataa‑a a ma wan, Chasi‑a a ma, mɔɛ gbɛɛ dunya ɔ, an ni ma a wan Yataa dia nyɔɛ a. Yataa nii ma mɔɛ gbɛɛ 'a ko yama n sa tena ɔ bɛn ni. A sin, a‑a an sakana bai chɛ be wan nn ma. Sakana bai chɛ, min mbe a ɔ yian, mmɔ gbɛɛ ɛ ma buɛ min dɔ a dia nyɔɛ a.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Ɛfisɔsi Ko A 2:10

Koe min na mu, Yataa boo gba mu mmɔ a. A‑a mmɔ a dan, koe min na mu, mɔ dɔndɔɛ mu mmɔ a, mmɔ bɛ Chisɔsi a, mmɔ chɛ chɛ wai chɛndɛ ko a. Mmɔ chɛ chɛ wai chɛ nu, Yataa‑a miin to mmɔ ya ɔ, mmɔ ni tachɛ an chia chɛ n na.

Gboo Kɔdɔsai Ko A 1:19

Yataa sɔnɛ ni wan Chasi ɔ chia ɔ chia a. Yataa wandi sin fan na‑a chɛ ɔ bɛn.

Gboo Kɔdɔsai Ko A 1:27

Yataa toen ni, a ni a ɔ yian mɔɛ chɛ n na, a‑a koe min dɔ nun an ma. An koe ma kawaen ni, a sin dua wa ni, mɔɛ n ko a, miin nii ma Chu mɔ a. An koe ɔ nundenɛ gbu an nɛ, mbɛ Chasi wakoe ɛ wan wo wɛɛ faa ɔ, min mu wo 'a yiinatɛ a, Yataa 'a basɔmaya ma sɔn koe a.

Gboo Kɔdɔsai Ko A 2:9

Koe min na mu, Chasi ni mɔ gbu gboo an dɔ nɛ dunya ma, chɛɛ Yataa ni a a, chia ɔ chia a.

1 CHƆN 4:12

Kɛn gba, mɔ ɔ mɔ ma Yataa yen nin bɛ. Chɛɛ ni mmɔ to‑a mmɔ nyɔn na, mbɛ mmɔ ma‑a mɔ dɔndɔɛ a Yataa a. A sin, a 'a koadia kuu, a si‑a mmɔ faa ɔ chɛndɛ chɛ.