Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHƆN 14:2 - Yataa 'a Dɔbɛnɛ Nama

2 Fa Yataa waa banda bu ɔ, sa tena kɔkoo nɔ kaka. N mbe chɛ fɔ tena wo ye, koe min na mu tea mu. A sin, n mbe ta tena wan kaina ɔ bɛn‑da wo ko a.

အခန်းကိုကြည့်ပါ။ ကော်ပီ




CHƆN 14:2
25 ပူးပေါင်းရင်းမြစ်များ  

Mɔɛ chɛ n cheeenɛ gbakɔ, a na‑a wan to, mbɛ a‑a a ɔ yian a kun ti chɛ a, mbɛ a‑a a sɔ wai min na, a‑a a chɛ, chɛɛ kaina a ma fa nin bɛ.


N 'na denɛ nu, n mbe ma tena gbɛ wo tɛ ɔ tima kunduenɛ an ko a. Wo e wo ya a kan‑da wan n na. Chɛɛ ka n mbe chɛ fɔ wo ye, n na‑a min fɔ Chu ya ɔ sɔɛ n ye, mbɛ n mbe ma‑a kaina min, an mbe ee na‑a che‑a nɔ. A ɛ ma‑a ka wan wo wɛɛ a.


Mbɛ Saimɔn Pita ɔ, “Mansa, e na tena ta‑a mende?” Mbɛ Chisɔsi ɔ, “E ee che‑a a sɔ‑a n fɛ dɔndɔ a, n mbe ta tena kaina min, chɛɛ ni a ɔ mɛ‑a, e a sɔ‑a wan n fɛ.”


Wo‑a a a min fan, n‑na min fɔ wo ye, mbɛ n mbe na tena wan ta‑a, chɛɛ n mbe yɛ‑a wan to wo ya ɔ. Ni n ko a di wan wo ye, wo bu ɔ dia‑a wan, a si n yɛ koe ma Fa tena. Koe min na mu, a benden mu n ma.


Chɛɛ n mbe koe chɛ gbɛɛ ɔ yian tena wo a, a tima an ko a. Min mbe a ma, ni a che‑a, an ni koe chɛ n gbɛɛ ma wo a, n na‑a min gbɛɛ ɔ yian wo a, ɛ ma‑a wan wo yii ma. N nii ma koe chɛ n dɔ yian ni wo a, a ka wo bea tima chɛ gbɛɛ ma n fɛ. N‑na chɛ ma koe min na, mmɔ bɛ an ni chɛ gbɛɛ ɔ ben ben‑da.


“Fa, i ban‑da gbɛ an be‑a n ma. N toen mu, n mbe ma‑a kaina min, nn bɛ ni ma nɔ n fɛ den chɛ n na. Chɛ ɛ a ma‑a wan, an ni a ɔ yen n kamayaen mu buɛ min dɔ. A sin, i wan‑na an kamaya chɛ be n ma. I na‑a a be n ma, koe min na mu, i to‑a wan n na pɛn dunya chɛ a ni to dan‑da.


A sin, n mbe a ɔ yian‑da wan a a gbɛ, a wɛɛ, ɛ mɔnɛ min nyɔn sima ɔ bia‑a n ko a.”


Koe min na mu, mmɔ‑a a ɔ sɔn fan, mbɛ ni mmɔ ɛ ka nɛ tɛndi gbama min kɔɔ, min mu mmɔ gboo chɛ a nɛ dunya chɛ ɔ, ni a kasaa‑a, Yataa ɛ chenɛ be‑a wan mmɔ ma. A wandi gbu an‑na chen chɛ a dan, mmɔ ma koe a nɔ. An chen chɛ sin, banda bu ɔ, a ee te kuɔ fɔ ko a.


Yataa ma mmɔ ya ni a ta mɔɛ n na, a ma koe an na, a ni faa tɛ‑a bɔ mmɔ ma, mmɔ ni tɔɔya ɔ bia. Chɛɛ a ma koe mu, mmɔ ni bauncha ma sɔn, a ka mmɔ 'a mansa Chisɔsi Chasi a.


Koe min na mu, Ebeami ni wan tima ma kɔn tena, duu wa chɛ ma sɔn koe a, Yataa na‑a a too ɔ dia min na. Duu wa chɛ, Yataa wandi na‑a min siman, a‑a a sɔ gban, a ee yɔn kuɔ fɔ ko a.


Chɛ ko a, duu ee ma‑a nɛ mmɔ boo ɔ, dunya chɛ ɔ, min mbe ma‑a kuɔ fɔ ko a. Mmɔ ya ɛ an duu chɛ an ya ɔ, min mbe na tena.


Chisɔsi pɛn na‑a ta an kaina chɛ, mmɔ ko a. A sin, a ma‑a wan tɛ mɔ wa a, mmɔ ko a Yataa tena, kuɔ fɔ ko a. A na‑a ma wan, yɔ Mɛchisɛdɛki ni buɛ min dɔ.


Chɛ ko a, Yataa Nyina na‑a a ɔ yian fan ka, mbɛ chia chɛ, mɔɛ n don koe a Yataa ɛ kaina, a da a nii ma ka ni. A sin mbe ma‑a ka wan, tima min na wɛ tɛndi chɛ ɛ sɔ ɔ.


A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.


Mbɛ Chuusaɛn bɛɛ, Yataa 'a duu wa chɛ, n‑na a wɛɛ nama yen, ɛ yii‑a a ka Yataa tena banda bu ɔ. An duu wa chɛ, a ma bɛnden fan ni, a ma chiienɛ ɛ chɛndɛ chɛ, yɔ ni sɛnama ma bɛn‑da a chɛɛ ko a.


Mɔɛ min mbe sɔ‑a gban Yataa ko a, n mbe a ma‑a wan soo ɔ bia‑a, Fa Yataa 'a chenɛ a. A sin, a ee bɔ‑a nɔ kuɔ fɔ ko a. N mbe n 'na Yataa tɔɛ nyɛn‑da wan a ma. A yɛ to, n mbe duu chɛ tɔɛ nyɛn‑da wan a ma, Chuusaɛn nama, Fa Yataa 'a duu wa chɛ, min mbe na‑a, a ka a tena banda bu ɔ. N mbe yɛ‑a wan to, n‑na n fandi gbu tɔ nama nyɛn a ma.”


Mɔ ɔ mɔ min mbe sɔ‑a gban Yataa ko a, n mbe a ma‑a wan, a ni si n baima n 'na mansaya ɔ. An mɔɛ chɛ, ɛ ma‑a wan yɔ n fan, n sɔ‑a buɛ min dɔ gban, mbɛ n‑na si tena chɛ ya Fa Yataa tɔnfɛ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ