CHƆN 14:17 - Yataa 'a Dɔbɛnɛ Nama

¹⁷ An Nyina chɛ, an mbe a ma, mɔɛ n ni tea ɔ sɔn a si Yataa ma. Chɛɛ Yataa wakoe ee mɔɛ miin faa ɔ, an mbe ee che an boo si‑a a kɔɔ. Koe min na mu, an mbe ee che a yen‑da, an sin ma a sɔn. Chɛɛ wo tana, wo‑a a sɔn fan, koe min na mu, wo bɛ mu sanche chɛ ɔ, a sin mbe ma‑a wan wo fɛ ya ɔ ma.

CHƆN 14:17 ပူးပေါင်းရင်းမြစ်များ

MATIU 10:20

Koe min na mu, wo e ma tena ka bai min fɔ‑a, a ee ma tena wo wandi an fɔ bai a. Chɛɛ a bai chɛ n mbe ka tena Yataa Nyina an tena. Fa Yataa ɛ a a na‑a wan, a ni bai chɛ n don wo da a, a fɔ koe a.

CHƆN 14:16

N mbe fa ɔ tisa‑a wan, a ni a ma, wo ni demanɛ dɔ mende ma sɔn. A sin, ɛ a Nyina a na‑a wan, a ni ma wo fɛ tima ɔ tima ko a.

CHƆN 14:23

Mbɛ Chisɔsi ɔ, “Mɔɛ min toen mu n na, ɛ koe chɛ n ma wan, n‑na miin fɔ a ye, an ma koe a. Fa ɛ to‑a wan a mɔɛ chɛ a. A sin, Fa ni ma, ni n fan, nn mbe na‑a wan a tena, mbɛ nn bɛ gbɛɛ ɛ ma‑a kaina dɔndɔ.

CHƆN 15:26

“Chɛɛ min mbe wo deman‑da, n mbe a sɔ‑a wan, a ka Fa tena. Fa Yataa Nyina chɛ, an mbe tea ɔ yian‑da wo a, a si a wandi ma. N mbe a ma‑a wan a ni ka Fa tena, a ni na wo tena. A sin, ɛ n bakoe ɔ yian‑da wan wo a.

CHƆN 16:13

Chɛɛ ni Yataa Nyina chɛ na‑a, min mbe tea ɔ yian a si Yataa ma, ɛ a ma‑a wan, wo ni tea gbɛɛ ɔ sɔn. A ee koɔ‑a wo tena a kun ma gbasaya n dɔ, chɛɛ ɛ min na min‑da Yataa a, ɛ an fɔ‑a wo ye. A sin, koe miin mbe na tena ma‑a, ɛ an fan dɔ yian‑da wo a.

CHƆN 6:40

A mu min na, Fa Yataa toen mu min na, an nɛ. Mɔ ɔ mɔ min mbe dɔn‑da a ma, mbɛ Yataa 'a denɛ mu n na, mbɛ a‑a a kai fa n na, n ni a ma, a ni kuɔ fɔ fɔɛ ma sɔn. A sin, n mbe an kɔɔ sɔ‑a wan, a ka saya ɔ tee dankama ma.”

GBOO SAA KƆYINDI KO A 14:15

Ni ɛ ka wan, n mbe fen ma gbɛ? N mbe samunɛ chɛ‑a wan Yataa Nyina 'a gbasaya ɔ, mbɛ n‑na a chɛ to n yiima wɛɛ ɔ. N mbe tando si be‑a wan Yataa Nyina 'a gbasaya ɔ, mbɛ n‑na a be n yiima wɛɛ ɔ to.

GBOO SAA KƆYINDI KO A 2:14

Chɛɛ mɔɛ nu, Yataa Nyina ee miin fɛ, an mbe ee dɔn, an ni an boo si fen chɛ n kɔɔ, Yataa Nyina ɛ miin be. Koe min na mu, an mbe an ya wooya fenɛ n fan na. An mbe ee che an dɔ gbɛ‑a. Koe min na mu, Yataa Nyina dechee, an mbe a ma, mɔɛ n ni koe n dɔ gbɛ miin ka‑a Yataa tena.

GBOO SAA KƆYINDI KO A 3:16

Wo gbu sin‑na a ɔ sɔn fan, mbɛ wo gbɛɛ mu Yataa 'a chenɛ an na. A sin, Yataa Nyina ɛ wan wo tɛ ɔ.

GBOO SAA KƆYINDI KO A 6:19

Wo ni a ɔ sɔn, mbɛ wo gboo mu Yataa Nyina 'a chenɛ n fan na, miin mbe tenchen a ko a. Yataa an‑na an Nyina chɛ be wo ma, an ni ma wo fɛ. Wo ee wo wandi an ko a, chɛɛ wo e Yataa an ko a.

GBOO FEAN BƆƐ KƆYINDI KO A 13:5

Wo wo wandi ma mɛn, wo ni a ɔ yen, ni wo boo a chiien fan mu, wo kai fa koe a Chasi a. Wo ni a ya, mbɛ wo ma‑a gbɛ mɔ dɔndɔɛ a, wo bɛ Chisɔsi Chasi a. Fɔ dechee, ni chia ɔ chia ee wo ye, wo wandi ma mɛn koe chɛ a.

GBOO FEAN BƆƐ KƆYINDI KO A 6:16

Yataa 'a chenɛ nu, an bɛ fen chɛ n na, an‑na miin ya Yataa a, ko dɔndɔ ee che ma‑a an tɛ ɔ. Koe min na mu, mmɔ mu chenɛ an na, Yataa ko a, min mbe ma‑a kuɔ fɔ ko a. Yataa wandi gbu sin‑na a fɔ ka wan, a ɔ, “N mbe ma‑a wan an tɛ ɔ, n mbe ben ben an tɛ ɔ. N sin mbe ma‑a wan an 'na Yataa a, an bɛɛ, an mbe ma‑a wan n 'na mɔɛ n na.”

Gboo Kadesia Ko A 4:6

Yataa sin, a‑a a ma wan, a 'a denɛ Nyina, ɛ mmɔ fɛ. A‑a chɛ ma, koe min na mu, a 'a denɛ mu mmɔ a. A 'a denɛ Nyina chɛ sin, ɛ Yataa chee tena wan, a ɔ, “Fa.”

Gboo Ɛfisɔsi Ko A 2:22

Wo wandi gbu wɛɛ, mɔ dɔndɔɛ mu wo a, wo bɛ Chasi a. Chɛ ko a, ɛ wo a tun tena wan, wo bɛ Yataa 'a mɔɛ tɔɛ n na, wo ni ma yɔ a 'a chenɛ, ɛ ma kaina min a Nyina 'a gbasaya ɔ.

Gboo Ɛfisɔsi Ko A 3:17

A sin ni a ma to, Chasi wakoe ni ma wo faa ɔ, koe min na mu, wo‑a wo kai fa a a. N mbe samunɛ chɛ tena, wo ni sɔ gban koadia ɔ, wo ni yɛ, wo ɔ ni gbɛa chɛndɛ chɛ.

Gboo Kɔdɔsai Ko A 1:27

Yataa toen ni, a ni a ɔ yian mɔɛ chɛ n na, a‑a koe min dɔ nun an ma. An koe ma kawaen ni, a sin dua wa ni, mɔɛ n ko a, miin nii ma Chu mɔ a. An koe ɔ nundenɛ gbu an nɛ, mbɛ Chasi wakoe ɛ wan wo wɛɛ faa ɔ, min mu wo 'a yiinatɛ a, Yataa 'a basɔmaya ma sɔn koe a.

2 TIMOTI 1:14

Yataa Nyina 'a gbasaya ɔ, min mbe mmɔ fɛ, tea chɛ min been mu i ma, a bia i boo fea a.

1 CHƆN 2:27

Chɛɛ wo tana, Chisɔsi ban‑da Yataa Nyina a yii‑a, ma koe a wo fɛ. Tima min na mu wɛ, Yataa Nyina ɛ wo fɛ, mɔ dɔ mende ma gbɔsɔ ee wɛ wo ma, wo kan koe a. Koe min na mu, Yataa Nyina chɛ, an mbe wo kan tena ko kan kɔ kan ma. A sin tea mu, fania kan kɔ kan ma. Chɛ an fɛ mu, wo wo boo a chii, ma koe a mɔ dɔndɔya chɛ ɔ Chisɔsi a, yɔ Yataa Nyina chɛ‑a wo kan min na.

1 CHƆN 3:24

Mɔɛ miin mbe Yataa da a kuiɛ ma, an mbe ma wan mɔ dɔndɔya ɔ a a. A sin, Yataa wɛɛ, ɛ ma wan mɔ dɔndɔya ɔ an na. Mmɔ sin mbe a ɔ sɔn ka wan, mbɛ Yataa ɛ wan mmɔ dɔndɔya ɔ mmɔ a. Mmɔ ɛ a ɔ sɔn fan, koe min na mu, a Nyina ɛ mmɔ fɛ.

1 CHƆN 4:4

Chɛɛ wo tana, n 'na denɛ nu, wo e Yataa an ko a. A sin, wo kun‑da an fania mɔɛ chɛ n ma, koe min na mu, Yataa Nyina min mbe wo fɛ, a benden mu chɛ ma, min mbe dunya chɛ ma.

1 CHƆN 4:6

Chɛɛ nn tana, nn mbe Yataa an ko a. Chia chɛ a mu, mmɔ ɛ tɛ bɔɛ sɔn mɔɛ ma, Yataa Nyina min mbe tea ɔ yian, ɛ min fɛ, an tɛ mɔɛ a, fania fɔ nyina gbama ɛ min fɛ. Mɔ ɔ mɔ min‑na Yataa sɔn, ɛ a too ma sɔ wan nn ma. Chɛɛ mɔɛ min mbe ee Yataa ko a, a mɔɛ chɛ ee a too ma sɔ nn ma.

1 CHƆN 5:7

A gbu sin, siiya sawa an mbe tea chɛ ma a si Chisɔsi ma.

KO Ɔ NUNDENƐ 2:17

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ min mbe sɔ‑a gban Yataa ko a, a mɔɛ chɛ, n mbe daun fen chɛ dɔ be‑a wan a ma a daun koe a, daun fen nunden chɛ. A yɛ to, n mbe senɛ be‑a wan an mɔɛ chɛ ma, senɛ min gbɛenɛ ɛ, a sin, tɔ nama an nyɛndenɛ ɛ ma‑a a ma. Mɔɛ min mbe senɛ chɛ ma sɔn‑da, an mu dechee mɔɛ a, min mbe tɔɛ chɛ sɔn‑da.”