CHƆN 14:13 - Yataa 'a Dɔbɛnɛ Nama

¹³ A sin, n mbe ko ɔ ko chɛ‑a wan wo ye, wo e n dɔ tisa‑a min chɛ koe a, n tɔɛ ɔ. Chɛ ɛ a ma‑a wan, n ni a ma, mɔɛ n ni a ɔ yen, Fa kamayaen mu buɛ min dɔ.

CHƆN 14:13 ပူးပေါင်းရင်းမြစ်များ

MATIU 21:22

Ni danaya ma‑a wo ɔ Yataa ko a, ɛ ko ɔ ko chɛ‑a wan wo ye, wo e samunɛ chɛ‑a min ko a.”

MATIU 7:7

Chisɔsi ɔ, “Wo a a tun Yataa ɔ tisa koe a fen kɔ fen ko a, ɛ a be‑a wan wo ma. Wo a a tun wo ya a kan koe a chɛndɛ chɛ, wo e min yan tena, wo e a yen‑da wan. Wo a a tun chenɛ da tu koe a, Yataa ɛ a da a ka‑a wan wo ye.

MAKI 11:24

Chɛ an fɛ mu, n ni a ma din wo tena, mbɛ ni wo‑a samunɛ chɛ fen fen ko a, wo kai faenɛ ɛ Yataa a, wo dan dechee a a, mbɛ wo‑a a ma sɔn fan.

DUKU 11:9

“Chɛ an fɛ mu, n mbe a fɔ tena wo ye, wo a a tun Yataa ɔ tisa koe a fen kɔ fen ko a, ɛ a be‑a wan wo ma. Wo a a tun wo ya a kan koe a chɛndɛ chɛ, wo e min yan tena, wo e a yen‑da wan. Wo a a tun chenɛ da tu koe a, Yataa ɛ a da a ka‑a wan wo ye.

CHƆN 10:30

Nn fea Fa a, mɔ dɔndɔɛ mu nn na.”

CHƆN 12:44

Mbɛ Chisɔsi koɔ‑a gbankon, a ɔ, “Mɔ ɔ mɔ min mbe a kai fa‑a n na, a ma a kai fa ni n dɔndɔ gbe a, chɛɛ a‑a a kai fa Fa Yataa wɛɛ an na, min‑na n sɔ.

CHƆN 13:31

Chudasi bɔ‑a kɛn, a ta‑a. Mbɛ Chisɔsi ɔ, “A ɔ ma yansan to, mbɛ mɔɛ n‑na a ɔ yen, kamaya mɔɛ min mu n na, n fan, Mɔ Gbu 'a Denɛ. A ɔ ma yansan to, mbɛ n‑na a ma, Fa Yataa 'a kamaya ɔ ni yen chɛndɛ chɛ.

CHƆN 14:14

Ni wo‑a tisa chɛ ko ɔ ko ko a, n tɔɛ ɔ, n mbe a chɛ wan wo ye.”

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 15:16

Wo wan ma n ya ni, ma koe a wo kan mɔ a, chɛɛ n fan‑na wo ya, ma koe a n fɛ mɔɛ n na. N fan‑na wo ya, mbɛ n‑na wai be wo ma, wo ni ta, wo chɛ chɛ wai ni koa. Wo chɛ chɛ wai chɛ n sin, an ni ma kuɔ fɔ wai n na. Ni wo‑a chɛ ma, Fa ɛ fen kɔ fen be‑a wan wo ma, wo e a ɔ tisa‑a min ko a, n tɔɛ ɔ.

CHƆN 15:7

Ni mmɔ bɛ ma‑a mɔ dɔndɔya ɔ, mbɛ wo‑a n 'na bai n sa wo yii ma gban, ɛ nyan‑da wan. Fen kɔ fen, wo toen mu min na, mbɛ wo‑a Fa Yataa ɔ tisa a ko a, ɛ a be‑a wan wo ma.

CHƆN 16:23

“Ni an tee chɛ che‑a, wo ee n dɔ tisa‑a to a si ko ɔ ko ma. Ka n mbe chɛ ma din wo tena, mbɛ ni wo‑a Fa ɔ tisa fen kɔ fen ko a, n tɔɛ ɔ, ɛ a be‑a wan wo ma.

CHƆN 16:26

Ni a tee chɛ che‑a, wo e fa ɔ tisa‑a wan, n tɔɛ ɔ. Chɛɛ n mbe ee a fɔ tena, mbɛ fɔ ni, n bɛɛ, n‑na a disa wo ko a.

CHƆN 16:7

Chɛɛ n mbe chɛ ma din tena wo tena, mbɛ a nyin fan wo ko a, n ni ta. Koe min na mu, ni n ma yɛ ni, Yataa Nyina min mbe wo deman‑da, a ee na‑a wo tena. Chɛɛ ni n yɛ‑a, n mbe a ma‑a wan, a ni na wo tena.

CHƆN 4:10

Mbɛ Chisɔsi ɔ, “Ni i na‑a Yataa 'a wai nyima sɔn fan mɔɛ n tena, a sin, i na‑a n sɔn fan, n fɛn mbe ka koɔ‑a i tena, i ni tisa dɔ mende an chɛ‑a n na. A sin, n ni yii be‑a wan i ma, min mbe fɔɛ be mɔ gbu ma.”

CHƆN 4:14

Chɛɛ mɔ ɔ mɔ min mbe yii chɛ min, n mbe min be‑a a ma, a kanɛ a ee gbaa‑a to kuɔ fɔ. N mbe yii chɛ min be‑a a ma, ɛ ma‑a wan a faa ɔ. A sin, an yii chɛ ɔ ee tɛ‑a, ɛ a ma‑a wan, a ni kuɔ fɔ fɔɛ ma sɔn.”

CHƆN 5:19

Mbɛ Chisɔsi ɔ an ma, a ɔ, “N ni chɛ ma din wo tena, mbɛ n fan, n fɛn mu ka Yataa 'a denɛ a, n mbe ee che ko ɔ ko ma‑a, n kun ma gbasaya a. N mbe koe chɛ n fan ma dechee, n mbe Fa yen miin ma‑a. N Fa, ɛ koe miin ma, n bɛɛ, n fɛn mu a 'a denɛ a, n mbe an fan ma.

CHƆN 7:37

An bɛnɛ chɛ tee dankama ma, mɔɛ n 'na buɔdia bɔɛ, a kun tɛ tee ni an na. Mbɛ Chisɔsi‑a a kɔɔ sɔ, a koɔ‑a gbankon, a ɔ, “Mɔ ɔ mɔ min kanɛ a gbaaen mu, a mɔɛ chɛ ɛ na n fan tena, a ni a min.

GBOO SAA KƆYINDI KO A 14:13

Chɛ an fɛ mu, mɔɛ min mbe kamaya bai n fɔ, mɔ ee miin dɔ gbɛ ka dechee, a ni samunɛ chɛ, gbasaya ni ma nɔ a a ben koe a.

Gboo Ɛfisɔsi Ko A 2:18

Chasi an‑na a ma, Chu mɔɛ nu, ni miin ma Chu mɔ a, mmɔ bɛ, mmɔ ɛ si mmɔ Fa Yataa chen kɔɔ. Mmɔ‑a chia chɛ ma sɔn Yataa Nyina 'a gbasaya an dɔ.

Gboo Ɛfisɔsi Ko A 3:12

Mmɔ kai faen fan mu a a, an fɛ mu, mmɔ dɔndɔɛ mu mmɔ a, mmɔ bɛ a a. Chia a kaen fan mu mmɔ ya ɔ Yataa tena, mmɔ sin mbe sɔ wan a chen kɔɔ, chian mbe ee ma mmɔ ya a.

Gboo Ɛfisɔsi Ko A 3:14

Chɛ an fɛ mu, n mbe n kumbai gbangban tena mmɔ Fa Yataa chen kɔɔ.

Gboo Fiipai Ko A 4:13

Chasi 'a gbasaya ɔ, ɛ min be n ma, n mbe che wan, n ni ko ɔ ko kan kɔ kan ma.

Gboo Kɔdɔsai Ko A 3:17

A sin, ni wo ma‑a ko ɔ ko ma‑a, wo da ɔ, ni wo chɛ chɛ wai n dɔ, wo an ma Mansa Chisɔsi tɔɛ ɔ. Ni wo ma‑a chɛ gbɛɛ ma‑a, wo Fa Yataa wai bɔ, Mansa Chisɔsi 'a gbasaya ɔ.

GBOO IBU MƆƐ N KO A 13:15

Chɛ an fɛ mu, mmɔ tando be Yataa ma, tima ɔ tima ko a. Mmɔ 'a yasi dɔndɔ mu chɛ an na, mmɔ ɛ min be a ma, Chisɔsi 'a gbasaya ɔ. Mɔɛ min mbe a fɔ, a ɔ, ɛ Yataa an ko a, a ɛ chɛ an fɔ.

GBOO IBU MƆƐ N KO A 4:15

Koe min na mu, tɛ mɔ wa an nɛ, mmɔ tɛ Yataa a, min mbe chinchin mmɔ ma, koe n dɔ miin mu mmɔ yama chia an na. Mɔɛ mu an na, chia ɔ chia a, Sitana na‑a a yiima yan fan, ko yama ma koe a, yɔ ɛ mmɔ ta yan buɛ min dɔ. Chɛɛ chɛ gbɛɛ ɔ, Chasi ma ko yama ma ni.

GBOO IBU MƆƐ N KO A 7:25

A sin fan fɛ mu, mɔɛ miin mbe na Yataa tena, a 'a gbasaya ɔ, ɛ an mɔɛ chɛ n kun bɔ wan tima ɔ tima an 'na ko yama n dɔ. Koe min na mu, tima ɔ tima ko a, ɛ wan nɔ, Yataa ma nande koe a, an mɔɛ chɛ n ko a.

CHIMISI 1:5

Ni yiimatɛ ee wo ɔ, a ɔ sɔn koe a, Yataa toen mu wo ni ma buɛ min dɔ, wo a ɔ tisa. A ee ban‑da a be koe a wo ma. Koe min na mu, ɛ fen sɛsɛ be wan mɔ gbu ma, a bu ɔ diama ɛ.

CHIMISI 5:16

Chɛ ko a, wo wo 'a ko yama n kɔɔ yian wo nyɔn na. Mbɛ wo‑a samunɛ chɛ wo nyɔn ko a. Chɛ ɛ na‑a wan bauncha a wo tena, wo 'a gbandi n dɔ. Mɔɛ min tanden mu Yataa tena, ɛ samunɛ min chɛ, a faa gbɛɛ a, gbasaya koo min mbe bɔ a ɔ.

1 PITA 2:5

Wo na Chisɔsi tena yɔ senɛ miin mbe fɔɛ ɔ. Wo a ma Yataa ni a 'a chenɛ sɔ wo a. A yɛ to, wo e ma‑a tenchen tɛ mɔɛ n fan na, mɔ gbu n tɛ ɔ Yataa a. Nɔ mu wo e basɔmaya fenɛ n be‑a Yataa ma, ɛ a boo si‑a miin kɔɔ. Chɛ ɛ ma‑a wan, a mu min na, Chisɔsi na‑a a ma wan.

1 CHƆN 3:22

A sin, mmɔ ɛ fen kɔ fen sɔn‑da wan, mmɔ ɛ min dɔ tisa‑a a ma. Koe min na mu, mmɔ ɛ a da a kuiɛ ma, a sin, mmɔ ɛ a faa ma koe ma.

1 CHƆN 5:14

Danaya wa chɛ an mbe mmɔ ɔ Yataa chen kɔɔ, mbɛ ni mmɔ‑a samunɛ chɛ fen kɔ fen ko a, min‑na a faa chima, mbɛ ɛ mmɔ 'a samunɛ a min fan.