CHƆN 14:12 - Yataa 'a Dɔbɛnɛ Nama

¹² N ni chɛ ma din wo tena, mbɛ mɔɛ miin mbe an kai fa‑a n na, an mɔɛ chɛ nu, an mbe wai bonda chɛ n chɛ‑a wan, n mbe miin chɛ. A sin gbu, an mɔɛ chɛ nu, an chɛ chɛ wai n mbe koa‑a wan. Koe min na mu, n mbe yɛ tena Fa tena, nn ni ma kaina dɔndɔɛ ɛ.

CHƆN 14:12 ပူးပေါင်းရင်းမြစ်များ

MATIU 21:21

Mbɛ Chisɔsi ɔ, “N ni a ma din wo tena, wo e koe chɛ ma wan, n‑na min ma ka fiki kɔn chɛ a, ni danaya ma‑a wo ɔ Yataa ko a, mbɛ a sin sika ee wo ɔ. A sin mbe ee danka‑a chɛ dechee an ma. Chɛɛ wo e a fɔ‑a wan kɔnkɔɛ chɛ ma, wo ɔ, a ni kuɛn, a ni ta, a ni si yii wa ɔ, mbɛ a ma‑a, yɔ wo‑a a fɔ buɛ min dɔ.

MAKI 11:13

A‑a a ya a ta wan, mbɛ a‑a kɔnɛ yen pɔɔ, an ni min chee, an dɔ, fiki kɔnɛ, a pɔmbɔenɛ ɛ. Mbɛ a ta‑a, a ma fɛn koe a, ni a gbɔen fan ni. Chɛɛ a che‑a kɛn a ma, a nii ma a gbɔ kan kɔ kan tan ni a a, mɔɔ a yamba dechee. Koe min na mu, a gbɔ tima nii ma chɛ a.

MAKI 16:17

Mbɛ a sin, chɛ an mbe ma‑a tɔmɔsi a, tee ɔ tee a, chɛ n ko a miin kai faen mu n na. An mbe nyina yama n gbain‑da wan mɔɛ n fɛ, n tɔɛ ɔ, an ni koɔ chɛnyɛ koɛ n dɔ, miin mbe fɔ chɛnyɛ dɔ mende n dɔ.

CHƆN 14:28

Wo‑a a a min fan, n‑na min fɔ wo ye, mbɛ n mbe na tena wan ta‑a, chɛɛ n mbe yɛ‑a wan to wo ya ɔ. Ni n ko a di wan wo ye, wo bu ɔ dia‑a wan, a si n yɛ koe ma Fa tena. Koe min na mu, a benden mu n ma.

CHƆN 16:7

Chɛɛ n mbe chɛ ma din tena wo tena, mbɛ a nyin fan wo ko a, n ni ta. Koe min na mu, ni n ma yɛ ni, Yataa Nyina min mbe wo deman‑da, a ee na‑a wo tena. Chɛɛ ni n yɛ‑a, n mbe a ma‑a wan, a ni na wo tena.

CHƆN 4:37

Chɛ fɛ mu, tea mu tai chɛ a, an mbe min tɛ, an dɔ, ‘A fɛn mɔɛ ɛ gba, a tɛ mɔɛ wɛɛ ɛ gba.’

CHƆN 5:20

Chɛ ɛ ma wan, koe min na mu, n ko a di Fa ye. A sin, ɛ koe miin gbɛɛ ma, ɛ an dɔ yian fan n na. A sin mbe kamaya koe n dɔ yian‑da wan n na, miin benden mu chɛ ma kaka, miin mbe wo gbɛɛ da n dɔ gbaa a.

CHƆN 7:33

Mbɛ Chisɔsi ɔ, “N mbe ma tena wɛ wo tɛ ɔ, tima ɛnden fan ko a dechee. Mbɛ a gbakɔ, n mbe yɛ‑a wan a tena, a wɛn‑na n sɔ.

CHƆN 7:39

Chisɔsi na‑a chɛ fɔ, a yii ni Yataa Nyina chɛ an ma, min mbe ma‑a mɔɛ n fɛ, miin kai faenɛ ɛ ma‑a a a. Chɛɛ a tima chɛ a, Yataa Nyina chɛ nii ma yii nin bɛ, a ni ma an mɔɛ chɛ n fɛ. Koe min na mu, Chisɔsi kɔɔ ni ma sɔ nin bɛ, a ka saya ɔ, a ni sɛ manɛ ɔ.

CHISƆSI 'A SƆ MƆƐ NU 10:46

Koe min na mu, an‑na a a min fan, mɔɛ chɛ n mbe kamaya bai n fɔ‑a, mɔɛ n mbe ee miin dɔ gbɛ ka dechee, an mbe ta‑a Yataa tando‑a. Mbɛ Pita‑a a fɔ, a ɔ,

CHISƆSI 'A SƆ MƆƐ NU 16:18

A sin‑na chɛ ma wan tee sɛsɛ ko a, min‑na a ma, Pɔɔ faa tɛ‑a. Mbɛ a‑a a ya a mun an yɔnɛ chɛ ma, a‑a a fɔ nyina yama chɛ ma, a ɔ, “Chisɔsi Chasi tɔɛ ɔ, n mbe a fɔ tena i ye, mbɛ i ni ka den musuen chɛ fɛ.” A ya kɔɔɛ a, nyina yama chɛ ka‑a wan den den chɛ fɛ.

CHISƆSI 'A SƆ MƆƐ NU 19:12

Ni a 'a yenkisa wɛɛ, chɛ ma, a kana doma gbu wɛɛ, ni an ta‑a a a, tu koe a gbandi mɔ kan kɔ kan na, a ni chɛndɛya ma sɔn fan. Gbandi ni bɔ wan an mɔɛ chɛ gboo ɔ, chɛ ma, nyina yama wɛɛ ni ka wan a fɛ.

CHISƆSI 'A SƆ MƆƐ NU 2:33

Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.

CHISƆSI 'A SƆ MƆƐ NU 2:41

Mɔ sɛsɛ dan‑da wan sakana bai chɛndɛ chɛ a, a na‑a min sa ka. An sin‑na yii chɛ wan an kunɛ ɔ, Yataa chia a. A tee chɛ a, mɔ wu sawa an sa‑a chɛ n ma, miin na‑a an kai fa Chisɔsi a.

CHISƆSI 'A SƆ MƆƐ NU 4:16

“Mmɔ ɛ fen ma‑a mɔɛ chɛ n na? Mɔ ɔ mɔ min mbe Chuusaɛn duu ɔ, an‑na a ɔ sɔn fan, mɔɛ chɛ n‑na kamaya ko wa min ma ka. Mmɔ ee che a fɔ‑a, mbɛ an fan ma a ma ni.

CHISƆSI 'A SƆ MƆƐ NU 4:33

Chisɔsi 'a sɔ mɔɛ chɛ n da a kuiɛ ni gbasa kaka, an ni koɔ wan mɔɛ n tena, a si Yataa‑a a ma buɛ min dɔ, Mansa Chisɔsi‑a a kɔɔ sɔ a ka saya ɔ. A sin, Yataa‑a mɔɛ chɛ n gbɛɛ dua wan, a sɛmbɛnden na, miin na‑a an kai fa Chisɔsi a.

CHISƆSI 'A SƆ MƆƐ NU 4:4

Chɛɛ mɔɛ miin sɛsɛ na‑a Pita 'a sakana bai chɛ a min, a si Chisɔsi ma, an dan‑da wan a a. A sin, mɔ kaima miin gbɛɛ‑a an kai fa gbɛ Chisɔsi a, an danɛ ta‑a wan gbɛ wu duu ɔ.

CHISƆSI 'A SƆ MƆƐ NU 5:15

Chisɔsi 'a sɔ mɔɛ chɛ n ni kamaya koe sɛsɛ ma tena wan an tɛ ɔ. Chɛ‑a a ma wan, mɔ sɛsɛ n‑na an suun ma nyɔɛ n ya, miin gbandien ni, an na‑a an tena. An‑na gbandi mɔɛ chɛ dɔ n sa sofa ma wan, an‑na dɔ n sa waa ma chia tɔnfɛ. An‑na chɛ ma, min mbe a ma, ni Pita ma‑a ben‑da, a nininɛ wɛɛ ni che gbandi mɔɛ chɛ dɔ n ma.

CHISƆSI 'A SƆ MƆƐ NU 6:7

Mbɛ a ka gbɛ a tima chɛ ma, Yataa 'a bai a fasan‑da wan a ɔ gbɛɛ ɛ. Chisɔsi fɛ denɛ n da a koa‑a wan gbeden Chuusaɛn duu ɔ, mbɛ Chu n tɛ mɔɛ nu Yataa a, an sɛsɛ‑a an boo si sakana bai chɛndɛ chɛ kɔɔ.

CHISƆSI 'A SƆ MƆƐ NU 8:7

Koe min na mu, Fiipi‑a a ma wan, mbɛ nyina yama n ka‑a mɔ sɛsɛ fɛ, an ni miin fɛ. A sin, an nyina yama chɛ n ni yee tɛ wan gbankon, an mbe e na to ka‑a mɔɛ chɛ n fɛ. A‑a namaa n sɛsɛ baun fan, an bɛ tamban tɔɛ n na.

CHISƆSI 'A SƆ MƆƐ NU 9:34

Mbɛ Pita‑a a fɔ a ye, a ɔ, “Ainɛasi, Chisɔsi Chasi‑a i baun. I kɔɔ sɔ, i ni i 'a sofa ɔ bɛn.” A ya kɔɔɛ a, Ainɛasi‑a a kɔɔ sɔ.

CHISƆSI 'A SƆ MƆƐ NU 9:40

Mbɛ Pita‑a an gbɛɛ a bɔ dumu gbu ɔ, mbɛ a‑a a kumbai gbangban, a‑a samunɛ chɛ. Mbɛ a‑a a ya a mun su chɛ ma, mbɛ a‑a a fɔ, a ɔ, “Tabita, i kɔɔ sɔ.” Mbɛ a ya kɔɔɛ a, Tabita‑a a ya a ka. A sin‑na Pita yen kɛn, a‑a a kɔɔ sɔ wan, mbɛ a si‑a.

GBOO DOMI KO A 15:19

A yɛ to, a bɔ‑a to koe n tɔmɔsi gbau gbau n dɔ, a basan kamaya koe wa n na, n‑na miin ma. A sin, Yataa Nyina‑a gbasaya be n ma koe chɛ n gbɛɛ ma koe a. A sin chia chɛ a mu, Yataa 'a sakana bai chɛndɛ chɛ a si Chasi ma, n‑na a sa wan kan kɔ kan, a ka Chuusaɛn duu ɔ, a ta Idiikɔn chɛnyɛ ɔ.