CHƆN 14:10 - Yataa 'a Dɔbɛnɛ Nama

¹⁰ A nyin i ni dan a a, mbɛ nn fea Fa a, mɔ dɔndɔɛ mu nn na. Bai chɛ nu, n‑na miin fɔ ka wo ye, an ma ka ni ka dechee n kun ma yiinachii an dɔ. Fa, nn fea mu min na mɔ dɔndɔɛ a, tima ɔ tima ko a, an mbe ma ka wai chɛ‑a.

CHƆN 14:10 ပူးပေါင်းရင်းမြစ်များ

CHƆN 10:30

Nn fea Fa a, mɔ dɔndɔɛ mu nn na.”

CHƆN 10:38

Chɛɛ ni n mbe Fa 'a wai an chɛ tena, wo ma dan nin bɛɛ n na boo ɔ boo, a nyin wo ni dan n chɛ chɛ wai n nan gbu n na. Chɛ ɛ a ma‑a wan, wo ni a ɔ gbɛ fɛsɛ fɛsɛ, mbɛ nn fea Fa a, mɔ dɔndɔɛ mu nn na.”

CHƆN 11:26

A sin, mɔ ɔ mɔ miin mbe fɔɛ chɛ ɔ, an sin kai faen mu n na, an mbe kuɔ fɔ fɔɛ ma sɔn‑da wan n na. I danden fan mu chɛ a?”

CHƆN 12:49

N mbe ee koɔ n fandi 'a gbasaya an kɔɔ. Chɛɛ Fa min‑na n sɔ, ɛ min fɔ n ye a fɔ koe a, n mbe an fɔ.

CHƆN 14:11

N‑na a fɔɛ min chɛ, n dɔ, nn fea Fa a, n dɔ, mɔ dɔndɔɛ mu nn na, dan chɛ a. Ni chɛ ma, Fa ɛ a ma, n mbe wai miin bɛɛ chɛ, an mbe che wan a ma‑a, wo ni dan n na.

CHƆN 14:20

Ni a tima chɛ che‑a, wo e a ɔ gbɛ‑a wan, mbɛ nn fea Fa a, mɔ dɔndɔɛ mu nn na. A sin, wo wɛɛ, wo e ma‑a wan mɔ dɔndɔya ɔ n na, yɔ n bɛɛ, n mbe ma‑a buɛ min dɔ dechee mɔ dɔndɔya ɔ wo a.

CHƆN 14:24

Mɔɛ min ma to ni n na, a ee che koe chɛ n ma‑a, n‑na miin fɔ a ye. A sin, n mbe bai chɛ miin gbɛɛ fɔ, n mbe ee an tɛ n fandi gboo an ma, chɛɛ Fa min‑na n sɔ, a 'a sakana bai nu mu, n mbe an na ben.

CHƆN 17:8

I 'a sakana chɛ, i‑a min be n ma an ko a, n‑na a a ben fan an tena. A sin, an‑na an too ma sɔ wan a ma. Mbɛ an‑na an boo a chii a ma, mbɛ tea mu, mbɛ n ka‑a i tena wan. A sin, an danden fan mu to a a, mbɛ i wan‑na n sɔ.

CHƆN 3:2

Yɛɛ dɔndɔ ma, kamin chɛ na‑a wan Chisɔsi tena, mbɛ a ɔ, “Kan mɔ, nn‑na a ɔ sɔn, mbɛ i ta tichaya, Yataa an‑na i a na. Mɔ ɔ mɔ ee che kamaya koe chɛ n ma‑a, e miin ma ka, mɔɔ ni Yataa ma‑a an mɔɛ chɛ kɔ.”

CHƆN 5:17

Mbɛ Chisɔsi ɔ, “Fa Yataa ɛ basan fan mɔɛ n ma, tima ɔ tima ko a. N bɛɛ, a nyin n ni a ma ka.”

CHƆN 5:19

Mbɛ Chisɔsi ɔ an ma, a ɔ, “N ni chɛ ma din wo tena, mbɛ n fan, n fɛn mu ka Yataa 'a denɛ a, n mbe ee che ko ɔ ko ma‑a, n kun ma gbasaya a. N mbe koe chɛ n fan ma dechee, n mbe Fa yen miin ma‑a. N Fa, ɛ koe miin ma, n bɛɛ, n fɛn mu a 'a denɛ a, n mbe an fan ma.

CHƆN 7:16

Chɛ ko a, mbɛ Chisɔsi ɔ, “N mbe kanɛ miin chɛ, an mbe ee bɔ n ta yiimatɛ an dɔ. Chɛɛ Fa Yataa, min‑na n sɔ, an mbe an be n ma.

CHƆN 8:28

Mbɛ a ɔ an ma, a ɔ, “Tima min na mu, wo e n na sɛ‑a kɔn gbengbandenɛ ma, n fan Mɔ Gbu 'a Denɛ, wo e n sɔn‑da a tima an na. Mbɛ n fan mu mɔɛ chɛ a, n fɛn mbe ka koɔ tena wo tena. Mbɛ wo‑a a ɔ sɔn to, mbɛ n mbe ee ko ɔ ko chɛ n kun ma a a. Chɛɛ Fa ɛ min fɔ n ye, a fɔ koe a, n mbe an fɔ dechee.

CHƆN 8:38

Fa na‑a koe miin yian n na, n mbe koɔ tena a si an fan ma. Wo sin, wo fa na‑a koe miin fɔ wo ye, wo e an fan ma ka.”

CHƆN 8:40

Chɛɛ wo tana, wo ma bɛndenɛ min chɛen mu ka, n fa koe a, Ebeami nii ma a ma ni ka. N sɔnɛ gbɛɛ wɛ wo tena, an nɛ tea bai chɛ n na, miin kaen mu Yataa tena, n mbe miin fɔ.

CHISƆSI 'A SƆ MƆƐ NU 10:38

A yɛ to, wo‑a Chisɔsi wakoe ɔ sɔn fan, min ka‑a Nasaɛti duu ɔ. Yataa na‑a a Nyina be buɛ min dɔ a ma, a basan gbasaya a. Chisɔsi ben ben‑da wan a ɔ gbɛɛ, ɛ ta‑a ko chɛndɛ ma‑a mɔɛ n na, mbɛ a yɛ‑a, a‑a mɔɛ n gbɛɛ baun, miin ni Sitana 'a gbasaya kɔɔ. Koe min ni a ma, a ni chɛ ma, Yataa ni wan a fɛ.

GBOO FEAN BƆƐ KƆYINDI KO A 5:19

Nn 'na sakana yen ko. Mbɛ Yataa‑a a ma wan, Chasi‑a a ma, mɔɛ gbɛɛ dunya ɔ, an ni ma a wan Yataa dia nyɔɛ a. Yataa nii ma mɔɛ gbɛɛ 'a ko yama n sa tena ɔ bɛn ni. A sin, a‑a an sakana bai chɛ be wan nn ma. Sakana bai chɛ, min mbe a ɔ yian, mmɔ gbɛɛ ɛ ma buɛ min dɔ a dia nyɔɛ a.

Gboo Kɔdɔsai Ko A 1:19

Yataa sɔnɛ ni wan Chasi ɔ chia ɔ chia a. Yataa wandi sin fan na‑a chɛ ɔ bɛn.

Gboo Kɔdɔsai Ko A 2:9

Koe min na mu, Chasi ni mɔ gbu gboo an dɔ nɛ dunya ma, chɛɛ Yataa ni a a, chia ɔ chia a.

1 CHƆN 5:7

A gbu sin, siiya sawa an mbe tea chɛ ma a si Chisɔsi ma.