Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




CHƆN 13:5 - Yataa 'a Dɔbɛnɛ Nama

5 Chɛ gbakɔ, mbɛ a‑a yii chɛ feanka ɔ, mbɛ a bun‑da a fɛ den chɛ n chenɛ n ma ko‑a, dɔndɔ dɔndɔɛ a. A sin, ɛ ta‑a an chen chɛ n ma fian‑da a 'a tawa chɛ a a bu tɛ, aan an ma ɛ ta‑a gbaa gbechee.

အခန်းကိုကြည့်ပါ။ ကော်ပီ




CHƆN 13:5
30 ပူးပေါင်းရင်းမြစ်များ  

Musu chɛ don‑da kɛn Fayisii chɛ 'a chenɛ a, a‑a a ma bun fan Chisɔsi gbaa chia a, a chenɛ ɔ fuinden ni kaina, mbɛ a bun‑da di chɛ‑a fiko fiko. A ya yii min ni ka bɔ tena, a‑a Chisɔsi chenɛ n ma chima wan. A‑a a kundi an ya, a‑a Chisɔsi chenɛ n ma fian a a. A yɛ‑a wan to, a‑a a da tu Chisɔsi chenɛ n na, a ɔ yian koe a, mbɛ basɔmaya ɛ wan a boo ɔ Chisɔsi ko a. A‑a tu kunyɛ a diama chɛ ya, mbɛ a‑a Chisɔsi chenɛ ma mun a gbɛɛ a.


A‑a a tindan musu chɛ tena, mbɛ a ɔ Saimɔn ma, “I‑a a ɔ yen fan, musu chɛ‑a koe min ma n tena, ae? N don‑da kɛn bi i 'a chen chɛ a, i ma yii be ni n ma, n chenɛ wɛɛ ma ko koe a. Chɛɛ musu chɛ to‑a wan di chɛ‑a aan, a ya yii‑a n chenɛ ma chima, a sin‑na a kundi an ya to, a‑a n chenɛ n ma fian a a.


Chɛɛ Chisɔsi ɔ, “Ni mɔɛ‑a a ko fion, ɛ a chenɛ an ma ko gbɛ dechee, a mu min na, nɔɛ ee to a gboo tɔɛ gbɛɛ ma. A sin, wo koen fan mu gbɛ, chɛɛ wo dɔndɔ ma ko ni fion.”


Mbɛ a che‑a Saimɔn Pita ma, min‑na a fɔ, a ɔ, “Mansa, i wan mbe na tena n chenɛ ma ko‑a. I wan to?”


Mbɛ Pita ɔ, “N mbe ee dɔn a ma, tima kan kɔ kan ko a, i ni n chenɛ ma ko.” Chɛɛ Chisɔsi ɔ, “Ni i sin ma dɔn ni, n ni i chen chɛ ma ko, mbɛ i ta ka‑a n bakoe ma.”


Chɛɛ chɛ gbɛɛ ɔ, soya chɛ n dɔndɔ, a‑a tamba a sendenɛ ya wan, a‑a Chisɔsi kaa fɛ sɔɔ a a. A sin, a ya kɔɔɛ a, wii bɔ‑a wan nɔ, a basan yii a.


A sin, e gbɛ fen ma kɔnun tena? I kɔɔ sɔ, i ni Mansa Chisɔsi chee basan koe a i ma, mbɛ yii chɛ‑a i kunɛ ɔ, Yataa chia a, i ni ko fion, a bɔ i 'a ko yama n dɔ.’


Wo dɔ n ni ka wan tee. Chɛɛ sanche gbɛ, wo ko‑a fo, wo 'a ko yama n boo ɔ. Wo ma‑a tenchen Yataa ko a. Yataa‑a wo ya mɔ tandenɛ n na, a chen kɔɔ, Mansa Chisɔsi Chasi 'a gbasaya ɔ, an fea Yataa Nyina a.


A‑a chɛ ma, min mbe a ma, a ni a ma, mɔɛ miin mbe chɔchi ɔ, an ni ma tenchen Yataa ko a. A ni an ko fion, yii a, mbɛ a‑a a da a bai sa an yii kun ma.


Mɔɛ n sin mbe a bai wan a 'a ko chɛndɛ maenɛ wɛɛ ko a, min ni a ɔ. Mbɛ musu mu a a, min‑na a 'a denɛ n bɔ a ɔ chɛndɛ chɛ, a‑a a boo si sonda n kɔɔ a 'a chenɛ a, a‑a ko chɛndɛ sɛsɛ ma Chisianɛ n na. Mɔɛ miin bɛ ni yakɔɔtawa ɔ, a‑a an deman, a sin‑na a wandi be ko chɛndɛ ma a a.


Chɛ an fɛ mu, mmɔ na Yataa baima, faa chɛndɛ a, a yɛ to, mmɔ kai faenɛ a a gban. Mmɔ faa ɔ gbɛenɛ ni ma, mmɔ yiima a koenɛ ɛ fo, mmɔ gboo wɛɛ ma koenɛ, mmɔ gbɛenɛ fo.


Chɛɛ Yataa ɛ manɛ an dɔ. An fɛ mu, ni mmɔ wɛɛ tachɛ‑a a 'a man chɛ kɔɔ, mmɔ ɛ ma‑a wan kuiɛ dɔndɔɛ ɔ, mmɔ nyɔn na. A yɛ to, Yataa 'a denɛ Chisɔsi wii min bɔ‑a, ɛ mmɔ ko‑a wan, a bɔ mmɔ 'a ko yama n gbɛɛ n dɔ.


A wan mu, a wan Chisɔsi Chasi, min na‑a dunya ɔ. Yii chɛ‑a wan a kunɛ ɔ, Yataa chia a, a sin, a fa‑a kɛn, a wii bɔn‑da wan. Yii dechee ma chɛ ni a kunɛ ɔ, a yɛ to, a wii bɔn‑da wan to. A sin, Yataa Nyina wɛɛ‑a siiya bɔ wan, mbɛ koe chɛ n mu tea an na.


A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.


Mbɛ n dɔ, “Kai, n ma ko ɔ sɔn chɛ ma. N mbe i wan dɔ tisa chɛ a.” Mbɛ a ɔ n ma, “Mɔɛ chɛ nu miin kun bɔ‑a ko gbɛama wa chɛ ɔ, an fan nɛ ka. An fan‑na an 'na koa n ko, an‑na an gbɛ fo, sa tɔngbɔɛ chɛ wii a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ