34 A sin sanche, n yen ko sawa nama be‑a wo ma, n ma min be nin bɛ a kɔma a, mbɛ wo ni to wo nyɔn na. N to‑a buɛ min dɔ wo a, wo wɛɛ, wo to wo nyɔn na ka.
Wo to wo nyɔn na chɛndɛ chɛ wo faa gbɛɛ a, yɔ mɔɛ ɛ to buɛ min dɔ a suun ma nyɔɛ n na. A sin, wo ma bɛndenɛ ni ma basɔmaya be koe a wo nyɔn ma, tima ɔ tima ko a.
Mɔ ɔ mɔ 'a kuiɛ ma to wo ma kuɔ fɔ. Kuiɛ min mbe ma dechee wo ma, an nɛ koadia a. Koadia ni ma wo faa n dɔ, wo nyɔn ko a. Mɔ ɔ mɔ min mbe to‑a a fian mɔ gbu a, a mɔɛ chɛ don‑da ka sawa chɛ n gbɛɛ fan kɔɔ, Yataa 'a sawa chɛ nu.
Chɛɛ ni Yataa Nyina ma‑a mɔɛ fɛ, ɛ a mɔɛ chɛ ma ka wan. An fan nɛ koadia a, buɔdia, faachima, faabia, ko chɛndɛ ma, mɔ chɛndɛya, ni mɔɛ ma koe danaya tɔɛ a.
Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.
Chɛ ko a, Yataa ɛ mmɔ kɔ‑a buɛ min dɔ, mmɔ ni ko chɛndɛ ma tima ɔ tima, mɔ ɔ mɔ a. A sin, a bɛɛ bɛɛ mɔɛ chɛ nu, mmɔ kai faen mu Chisɔsi a, mmɔ bɛ miin na.
Nn suun ma nyɔɛ nu Chasi ɔ, nn mbe samunɛ chɛ tena tima ɔ tima wo ko a. A sin nyin fan nn ni a ma ka. Koe min na mu, wo 'a kaifa Chisɔsi a, a ma ɛ munda tena wan kaka. A sin to, koadia ma ɛ munda tena wan wo faa ɔ, wo nyɔn ko a.
Ko chɛndɛ mu, tea ko a, ni wo‑a mmɔ 'a sawa chɛ bia, min mbe Yataa 'a gboo ɔ. An gbu mu sawa chenama a. Sawa chɛ ɔ, mɔɛ n ni to an 'na mɔɛ n na, yɔ an toen mu buɛ min dɔ an fandi gbu a.
Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.
Sanche gbɛ, bɔɔɛ, n mbe ee ka na tena sawa nama an nyɛn tena wo tena, chɛɛ sawa mu, min mbe mmɔ boo ɔ, a ka sakana bai chɛndɛ chɛ a min tima saa saa ma. An sawa chɛ ɔ, mmɔ ni to mmɔ nyɔn na.