CHƆN 13:31 - Yataa 'a Dɔbɛnɛ Nama

³¹ Chudasi bɔ‑a kɛn, a ta‑a. Mbɛ Chisɔsi ɔ, “A ɔ ma yansan to, mbɛ mɔɛ n‑na a ɔ yen, kamaya mɔɛ min mu n na, n fan, Mɔ Gbu 'a Denɛ. A ɔ ma yansan to, mbɛ n‑na a ma, Fa Yataa 'a kamaya ɔ ni yen chɛndɛ chɛ.

CHƆN 13:31 ပူးပေါင်းရင်းမြစ်များ

MATIU 8:20

Mbɛ Chisɔsi ɔ, “Sonɛ n mbe fia ɔ, soe n boo ɔ, a sin konde n bɛɛ nyanɛ n mbe. Chɛɛ kaina kan kɔ kan mbe ee n boo ɔ, n fan, Mɔ Gbu 'a Denɛ, n mbe n gbɛnku kaina n ni n suin.”

DUKU 12:50

Chɛɛ chɛ e na to ma‑a, n mbe tɔɔya ɔ bia‑a wan a ɔ benden ba a. N mbe ma‑a wan faayɔn ba ɔ aan an tɔɔya chɛ danka a ni si.

CHƆN 11:4

Chisɔsi‑a sakana chɛ a min kɛn, a ɔ, “Dasayɔsi 'a gbandi chɛ, a ee che‑a a ma‑a a ni fa kudai. Chɛ ɛ ma tena, min mbe a ma, mɔɛ n ni Yataa 'a gbasaya ɔ yen. A sin, ɛ ma tena to chia an na, n fan, Yataa 'a denɛ, mɔɛ n mbe n 'na kamaya ɔ yen‑da chia min na.”

CHƆN 12:23

Mbɛ Chisɔsi ɔ, “Tima che‑a gbɛ sanche, Yataa ni a ɔ yian, n fan, Mɔ Gbu 'a Denɛ, n kamayaen mu buɛ min dɔ.

CHƆN 12:28

Fa, i 'a kamaya ɔ yian dunya chɛ ɔ.” Mbɛ kuiɛ a min‑da, a ka banda bu ɔ, a ɔ, “N ban‑da a ɔ yian‑da mɔɛ n na, n kamayaen mu buɛ min dɔ, a sin, n mbe na‑a wan to a ɔ yian‑da an na.”

CHƆN 14:13

A sin, n mbe ko ɔ ko chɛ‑a wan wo ye, wo e n dɔ tisa‑a min chɛ koe a, n tɔɛ ɔ. Chɛ ɛ a ma‑a wan, n ni a ma, mɔɛ n ni a ɔ yen, Fa kamayaen mu buɛ min dɔ.

CHƆN 16:14

Ɛ a ɔ yian‑da wan wo a, n kamayaen mu buɛ min dɔ. Koe min na mu, n da a bai nu, ɛ an fan na ben‑da wo tena.

CHƆN 7:39

Chisɔsi na‑a chɛ fɔ, a yii ni Yataa Nyina chɛ an ma, min mbe ma‑a mɔɛ n fɛ, miin kai faenɛ ɛ ma‑a a a. Chɛɛ a tima chɛ a, Yataa Nyina chɛ nii ma yii nin bɛ, a ni ma an mɔɛ chɛ n fɛ. Koe min na mu, Chisɔsi kɔɔ ni ma sɔ nin bɛ, a ka saya ɔ, a ni sɛ manɛ ɔ.

CHISƆSI 'A SƆ MƆƐ NU 2:36

Mbɛ Pita a ɔ te gbɛ, “Chɛ an‑na a fɔ, wo gbɛɛ, wo wɛn mbe ka Isɔɛɛ chɛnyɛ chɛ ɔ, wo ni chɛ ɔ sɔn. Mbɛ tea gbu ko a, Chisɔsi chɛ, wo‑a min gbangban ka kɔn gbengbandenɛ ma, Yataa wandi‑a an ma ka kunka mansa a, wo baun mɔɛ.”

CHISƆSI 'A SƆ MƆƐ NU 3:13

Ebeami ni Yataa min fai, Aisaki ni min fai, Chekɔpi wɛɛ ni min fai, mmɔ bemba n ta bemba n bɛɛ n‑na Yataa min fai, an‑na basɔmaya wa chɛ be a 'a wai chɛ mɔɛ Chisɔsi ma. Chɛɛ wo to‑a wan nɔ, wo‑a a bia, mbɛ wo‑a a be ya ɔ sɔɛ n ma. Mbɛ wo yɛ‑a, Kɔfana Padeti chen kɔɔ, a ni a yii na chii tena kɛn Chisɔsi chɛ boo ka koe a, wo‑a kɔɔsa bia chɛ wan a wakoe ma.

GBOO FEAN BƆƐ KƆYINDI KO A 3:18

Mmɔ gbɛɛ sin, koa kan kɔ kan mbe ee to bun dɔ mmɔ ya a. Chɛ an fɛ mu, mmɔ ɛ Mansa 'a manɛ an na ta, yɔ mɛmɛ. Yataa Nyina sin, min mu Mansa chɛ a, ɛ a ma tena wan, mmɔ ma‑a tee ɔ tee a Yataa bɔ nyɔɛ a, manɛ ɔ.

Gboo Ɛfisɔsi Ko A 1:12

Nn fan, nn fɛn ma‑a mɔɛ saa n na, nn kai fa koe a Chasi a, Yataa ban‑da gbɛ a boo sɔ‑a nn ma, tando be koe a a ma, basɔmaya wa ɛ a wɛn boo ɔ.

Gboo Ɛfisɔsi Ko A 2:7

Chɛ ni a ma, a ni a ɔ yian, mbɛ ɛ koadia demanɛ min chɛ‑a mmɔ a ya ɔ ma, a danka ee ma a. Chɛ sin mbe bɔ‑a chinchimaya an dɔ, Chisɔsi 'a gbasaya ɔ.

Gboo Ɛfisɔsi Ko A 3:10

A‑a chɛ ma, min mbe a ma sanche, a ni a ɔ yian nyina yama n na, an bɛ an ya ɔ sɔɛ n na, gbasaya ɛ miin boo ɔ banda a, mbɛ yiimatɛ koo a ɔ kaka. A‑a chɛ ɔ yian an na koe n fan dɔ, a‑a miin chɛ chɔchi ko a.

Gboo Fiipai Ko A 2:11

An gbɛɛ, an ni a bɔ an da ɔ, an dɔ, Chisɔsi Chasi an mu mansa a. Chɛ an mbe na basɔmaya a, mmɔ Fa Yataa tena.

1 PITA 1:21

Chisɔsi Chasi, min‑na a kɔɔ sɔ a ka saya ɔ, a chɛ chɛ wai n fan‑na a ma, wo‑a wo kai fa Yataa a. Mbɛ Yataa‑a baa be a ma. Chɛ an‑na a ma, wo kai faen mu a a. A sin, wo yii na tɛen mu a ma.

1 PITA 2:12

Wo sɔnɛ n ma ni kawa mɔɛ chɛ n tɛ ɔ, miin ma Yataa sɔn. An mbe a ma‑a, ni mɔɛ n‑na wo chee wɛɛ ko yama ma mɔɛ n na, an mbe wo sɔn chɛndɛ chɛ yen‑da wan. Chɛ an mbe a ma‑a an ni tando be Yataa ma, a na tee ma.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.